မိန်းမပျိုများ၏ရယ်သံသည် ဆည်းလည်းသံကဲ့သို့ သာယာနာပျော်ဖွယ်ကောင်းလွန်းသည်မှာယေဘုယျလက္ခဏာပင်ဖြစ်သော်လည်းယခုရယ်သံကြီးကတော့ ကြားရသူအဖို့နောက်ကျောအထိအေးစိမ့်လွန်းသွားရလောက်အောင်ကျောချမ်းဖွယ်ကောင်းလှ၏။ ၎င်းက မြေပြင်ပေါ်တွင်လဲကျသွားသည့် ရှောင်ပင်းရန်ကို မျက်တောင်မခတ်ပဲစိုက်ကြည့်နေပြီး တရွေ့ရွေ့ဖြင့် သူ့အနားကိုကပ်လာသည်။
" အဟီဟီး...အထက်ဘုံကနတ်ဆိုလို့ ကောင်းကောင်းကန်းကန်းမှတ်တာ...ဟွန့်!...ဘယ်ကနတ်သူငယ်လေးကိုလွှတ်လိုက်တာပါလိမ့်...ဒီသခင်မကပျော်စရာလေးတွေဖန်တီးချင်သေးတာကို..."
အနှီမိန်းမက ရှောင်ပင်းရန်အနားတွင်ဒူးထောက်ထိုင်ချလိုက်ပြီး ၎င်း၏လက်ညိုးကိုပါးစပ်နားသို့တေ့လိုက်ကာဂါထာတခုရွတ်ဆိုလိုက်သည်။ တမုဟုတ်ချင်းဆိုသလို လက်သည်းခွံမှာ ၆လက်မခန့်ရှည်ထွက်လာရကာ ထိုချွန်ထက်နေသည့်လက်သည်းရှည်ဖြင့် သူ၏နဖူးငယ်ထိပ်တည့်တည့်သို့ချိန်ရွယ်လိုက်၏။
" အိုက်ယိုး...ချစ်စရာကောင်းလွန်းလို့ သတ်တောင်မသတ်ရက်ဘူး...ဒါပေမယ့် အလုပ်ကအလုပ်ပဲဆိုတော့ ဒီအစ်မကိုအပြစ်မတင်ပါနဲ..ရှောင်တိတိလေး "
" အတင့်ရဲလိုက်တာ! ဘယ်သူက ရှောင်တိတိလဲ ! "
" အား!!!! "
၎င်းလက်သည်းချွန်များနှင့် သူ့နဖူးတို့ကြား လက်မဝက်အကွာလောက်မှာပင် ရှောင်ပင်းရန် မျက်လုံးဖွင့်ကာ လက်ဦးမှုအရင်ရယူလိုက်ပြီး လက်သည်းများကိုအရင်းမှလှန်ချိုးပစ်လိုက်သည်။ အနှီမိန်းမပျိုမှာအစိမ်းသက်သက်လက်သည်းဆွဲနှုတ်ခံထားရသောကြောင့် သွေးပျက်ဖွယ်အော်ဟစ်ကာကြောက်လန့်တကြားပြေးဖို့ပြင်သည်။
အစောပိုင်း ထိုမိန်းမနားကပ်လိုက်ကတည်းက မိစ္ဆာချီကိုအာရုံခံမိသဖြင့် တမင်တကာကိုမေ့လဲကျချင်ယောင်ဆောင်လိုက်တာဖြစ်၏။ ချက်ချင်းလက်ငင်းသတ်လိုက်ချင်ပေမယ့် ဒီပုံရိပ်ယောင်ကမ္ဘာထဲထိဝင်ရောက်နှောင့်ယှက်ရသည့်အကြောင်းရင်းလည်းသိလိုသေးသည်။ လွယ်လွယ်နဲ့တော့သေခွင့် ထွက်ပြေးခွင့်မပေးနိုင်။ ထို့ကြောင့် နတ်မိစ္ဆာဖမ်းချုပ်မန္တန်စည်းတံဆိပ်ဆွဲပြီးပစ်ဖမ်းထားလိုက်ရသည်။
VOCÊ ESTÁ LENDO
The Owner of Icy Heart
Romanceရေခဲနတ်ဝိညာဥ်ရှောင်ပင်းရန် ကိုအထက်ဘုံကပေးသည့်တာဝန်မှာ လူ့ပြည်သို့ဆင်းကာ ဘုံကိုးခုအနာဂတ်အတွက် ရွှယ်ကွမ်းနတ်စစ်သူကြီးကိုကောင်းကင်ဘုံသို့ပြန်လည်ကြွမြန်းနိုင်ရေးကူညီပေးရန်ဖြစ်၏။သို့ပေမယ့် နှစ်ဦးကြားကံကြမ္မာက... " ရွှယ်ကွမ်း! ခင်ဗျားက ကျနော်သိခဲ့တဲ...