.
.
.
لما سمعت صوت الباب ينفتح قعدت نراجي 😣
بعدها لقيت باتي فتح عليا باب الدار 😕
.
بحت فيا وقالي تربيتي ولا مزال يا صايعه 😡
.
مرديتش عليه منقدرش نحكي 😢
قعد يفك فيا و بعد فكني قالي نوضي خشي الحمام و تعشي بسرعه بيش نسكر عليكي نبي نمشي 😡
.
والله انا من كقر ماني تعبانه مش قادره نصبي رجليا متحنطات من الحبل و من الربطه جسمي مكسر تكسير 😥
.
قعدت نحاول لعند صبيت مشيت للحمام حشاكم قريب طحت في الحمام نحس في روحي دايخه و بنرجع كملت من الحمام مشيت للمطبخ عطشانه بكل شربت ميه وجيت بناكل لاكن مفيش نية بكل عبيت شيشه ميه ورجعت لداري 😢
.
قتله بالله عليك يا باتي متربطنيش سكر عليا لاكن متربطنيش حرام عليك جسمي كله يوجع فيا 😣
.
حسيته زي لي حن عليا قالي لاكن عارفه نجي نلقاكي مدايرة شي نقتلك فاهمه قلتله حاضر 😢
.
سألته قلتله شن حال احمد قالي مدخلكش بيه يا صايعه 😡 انتي السبب في هذا كله
.
سكر عليا الدار و طلع وقعدت بطني تزوي من الجوع بس والله مفي نية لشي بكل وقعدت نحس في روحي دايخه و صداع بس قلت الحمد لله انه فكني ع الاقل نعرف نرقد😢
.
حطيت الفراش و جبت انسولة و تغطيت معا انه كان الجو ساخن بس كان جسمي يرعش
.
خداني النوم نعست ما نندري ع شي لعند 7 صبح
.
نضت نبي نخش الحمام جيت بنفتح الباب لقيته مش مسكر بالمفتاح 😍 لاكن استغربت امس باتي سكر عليا شن الي صار
.
طلعت من الدار مفيش حد في الحوش 😲
.
خشيت للحمام و طلعت بس استغربت من فتح عليا ومافيش حد ولا زعمه باتي نسي يسكر عليا 😑
.
مهم خشيت الكوجينه بنموت من الجوع خلاص درت دحي و جبنه وقعدت ناكل وبعد كملت درت طاسة شاهي و طلعت للبلكوني 😩
.
كان الجو يهبل قعدت هكي و نشرب في الشاهي و ادكرت خالد زعمه شن صار فيه وزعما يراجي فيا نرن عليه ولا نساني 😣
قعدت في البلكونه قلت مرات خالد يطلع وقعدت نراجي فيه 😢
.
بعد شوية لقيت خالد طلع من حوشهم 😍
.
فتح سيارته ولعها تسخن لاكن مشافنيش 😣
.
قبل منكمل نبي نوصفلكم خالد كيف شكله
.
" طبعا هما حالتهم المادية معبيين بكل. خالد مش طويل واجد ولا قصير بس نعتبر فيه طويل يتمرن في صاله حديد جسمه حلو مش سمين ولا رقيق لونه قمحاوي عنده غمازات 😍 والي اهم من هدا كله عيونه خضر 😁 عنده لحيه و ديما محددها ومخلي شناباته مش محلقهم 😚 "
.
نكمللكم. خالد ولع السيارة وجا يبي يخش حوشهم قعدت انا نبسبسله بست بست بيش يشوفني بحت هكي ع البلكونه اول نا شافني ابتسم طول 😍
.
قعد يشيرلي ع وذنه يعني ليش ما رنيتي عليا
ضبحت عليه كان الشارع فاضي صبح و مفيش حد قتله قرب من البلكوني مفيش حد في الحوش انا بروحي 🙁
.
جا تحت البلكوني و احنا كنا نسكنو دور اول يعني فوق ارضي طول
.
قالي كنك مروه انشغلت عليكي شن فيه 😣
.
قلتله مسكو التلفون و ضربوني و حبسوني في المربوعه 😢
.
قالي معقولة شن عالعيله الحقيرة هدي 😡
.
قلتله يا خالد انا مليت لاكن مش عارفه شن بيصير فيا اكثر من هكي 😢
.
قالي متخافيش هانت 😉
.
قلتله كيف هانت قولي ترا كيف 😕
.
قالي انتي اصبري ما عليكي غير بالصبر توا وانشالله كل شي بيتحل عن قريب بس لازم نحكو فون ضروري بيش نهدرزلك ع شي 😣
.
انا قلتله بس منين بنكلمك حتى التلفون الي بعت هولي خدوه مني 😢
.
قالي دقيقه بس مشا سيارته فتح الدرج تاع السياره طلع تلفون بيله وجاني قالي هدا تلفوني المدار توا نرميهولك من هنا خليه عندك بس ردي بالك يمسكوه معاكي 😩
.
قتله تمام بس بعد نكلمك نرجعهولك تاني قالي اوكي
.
رمالي التلفون و خديته وقالي هيا خشي توا و نحكو فون قلتله اوكيه 😍
خشيت و رن عليا هو و قعدنا نحكو قالي اول شي انسي الي صار معاكي هدا كله انسيه و ركزي معاي زين نبي نصارحك بكل شي 😴
.
قلتله تمام احكي يا خالد نسمع فيك
قالي يا مروه انا وحيد هلي و معنديش لا خوت و لا حتا اصحاب 😢
.
وتربيت وحيد طول عمري
.
وكنت نشوف فيكي ديما و انتي صغيرة
.
وكنت نشوف في هلك كيف يعاملوا فيكي
.
وانا من زمان وخاطري نتعرف عليكي ونحكي معاكي بس محصلتش فرصه بكل 😑
.
بس ديما كنتي في بالي ويمكن انا نتعدب اكثر منك من كثر ما نفكر فيكي 😥
.
انا نسمع فيه و منصدمة في كلامه ومش مستوعبه شي الصراحه 😣
مهم قعد يحكي قالي بصراحه هكي انا نبي نقولك شي بس خايف من ردت فعلك 😢
.
قلتله قول متخافش يا خالد 😨
.
قالي المشكله خايف نصارحك و نندم 😣
.
انا الحق مفهمتش شن يبي يقولي بس جاني فضول نعرف بي شن يبي يصارحني 😑
.
قلتله هيا قول والله متخاف من شي قول عشان خاطري 😣
.
قالي انا بصراحه هكي انا نحبك 😥
.
انا نصدمت 😲 متوقعتش هكي بيقول 😨
.
قالي كنك ساكته 😢
قلتله شن بنرد عليك يا خالد 😥
قالي قولي اي شي
قلتله يعني شن نقول مثلا 😑
قالي ع الاقل قوليلي شن شعورك تجاهي 😣
.
قتله يا خالد انت شاب كويس و الف بنت تتمناك بس شوفني انا وين وانت وين انت هلك فلوس و طبقتكم راقية وانا حتى مدرسة ماخشيت فكر زين فكلامك بيش انا وانت مننجرحوش مستحيل هلك بيوافقوا انت تتجوزني وانا هلي وانت عارفهم حتى لو جاني سوداني مش حيوافقوا عليه 😢
.
قالي بس نحنا نقدرو نتحدوا العالم لو نحنا نبو بعضنا مفيش حاجه بتفرقنا من بعضنا 😣
.
انا سكتت
.
خالد قالي باهي ممكن نسألك سؤال تجاوبيني عليه بس بصراحه 😥
.
انا قلتله تفضل اسأل
.
قالي انتي شن شعورك اتجاهي 😨
.
قتله يا خالد غير سؤال منقدرش نجاوبك
وانا الحق حسيت روحي نحبه او متريحتله شعور متلخبط معاش عرفت شي 😣
.
قالي باهي عشان خاطري جاوبيني انتي تحبيني زي ما انا نحبك ولا لا 😢
.
وقعد يترجا فيا هيا تكلمي مروه عشان خاطري تكلمي الله يربحك قولي شي ليش ساكته 😣
.
انا لما قعد يترجا فيا قتله........
.
.
.
يتبع...
لايك و تعليق بليييييز انزل الي بعدها
