.
.
.
الدكتور يا أستاذ كيق بنتك مش متجوزة وهي حاظل في الشهر التاني 😑
.
باتي 😱شنو شنو فيش تقول انت 😐
.
الدكتور مش انا الي نقول التحاليل هي الي تقول 😶
.
باتي وحامل من من انشالله 😡
.
الدكتور مش انا الي تسألني السؤال هذا اسأل بنتك 😒
.
باتي بنت الكلب هذي طالعه لامها شن بتكون يعني 😠
.
الدكتور توا اختارو يا اما ينزل الجنين يا إما بنتكم تموت 😐
.
باتي دير رايك انشالله تموت ولا تعيش معاش تهمني 😏
.
الدكتور نبو حد يوقع ع ورق متع الجرعه 😕
.
باتي منيش موقع ديرو الي تبو اديروه 😑
.
انا مغير وسع بالك يا باتي 😕
انا معلش يا دكتور انا اختها ينفع نوقع 😑
.
الدكتور اها ينفع عادي
.
انا تمام انا بنوقع يا دكتور
.
الدكتور تفضلي معايا لو سمحتي 😐
.
مشيت ومشا معايا خالد وقعت ع ورق واجد وطلعنا
.
بعدها باتي قال هيا بنروحو 😕
.
روحنا للحوش تاني يوم قلنا لي باتي بنمشو لي ريم نشوفو شن صار معاها
.
باتي انا منيش ماشي لي حد هذي لا بنتي لا نعرفها 😡
.
انا باهي خلاص هدي روحك 😑
.
رنيت ع خالد قتله تمشي توصلنا للمستشفى نطمنوا ع ريم قال باهي انزلوا
.
كلمت دلال لبسنا ونزلنا مشينا للمستشفى
.
كلمنا الدكتور قاللنا اليوم الصبح عطينا اول جرعه وبكره بنديرولها عملية إجهاض للجنين 😑
.
انا باهي يا دكتور امتى تنوض نبو نحكو معاها
.
الدكتور يعني ساعه تانية هكي وتنوض 😕
.
انا شكرا دكتور
.
وقعدنا نستنوا في ريم تنوض
..
بعد تقريبا ساعه ونص هكي كلمنا الدكتور قاللنا اهي ناضت كان تبو تخشو 😑
.
خشينا عليها اول ماشفتها نصدمت تغيرت ملامح وجهها قبل مش ريم الي نعرفها 😨
.
الكيماوي غير منظرها بكل 😣
.
ما قدرتش نتحمل قعدت نبكي
.
ريم لما شافتنا قعدت تسأل انا وين وشن صارلي 😕
.
انا ريم انتي في المستشفى وانشالله تنوضي بالسلامه 😴
.
طبعا خالد ما خشش معانا
.
وريم قعدت تقول باهي وين بابا
.
انا باتي عنده عمل اول ما يروح توا يجيك هو كان معاكي امس 😕
.
ريم باهي انا ليش في المستشفى شن عندي 😑
.
دلال عندك سرطان في الدم 😣
.
ريم شنو 😨
.
انا قعدت نغمز لي دلال
.
دلال متغمزيليش يا مروه لازم تعرف الحقيقه 😑
.
ريم قعدت مصدومه شوية هكي وساكته 😴
.
بعدها نشوف في دمعتها نازله من عينها 😣
.
قالتلي تعالي يا مروه قربي مني نبيكي 😔
.
انا خديت الكرسي حطيته جنب سريرها و قعمزت 😴
.
ريم يا مروه انا عارفه اني ظلمتك واجد ومرات مش حتسامحيني من قلبك 😣
.
بس اهو ربك يخلص لك مني ويا خذلك في حقك مني 😔
.
انا معش تقولي هكي انتي اختي الكبيره وانا مسامحاتك 😢
.
ريم خالد وين
.
انا بره
ريم ضبحي عليه
وانتي يا دلال خليكي بره شويه معليش 🙁
.
انا ضبحت ع خالد
.
خالد خش قال لي ريم حمدلله ع سلامتك وانشالله الف لاباس
.
ريم تسلم تعال قعمز نبيكم في موضوع
.
قعمزنا جنبها
.
ريم خالد انا ظلمتك وظلمت مروه وحاولت نفرق بينكم واجد بس اهو ربي ينتقم مني 😣
.
خالد تي غير
.
ريم دقيقه يا خالد خليني نكمل معليش 😐
.
خالد تمام كملي 😶
.
ريم يا خالد انا قتلك مروه عندها سرطان في الدم وكذبت عليك
.
وقتلك يا مروه شفت خالد مع بنت عمه ووريتك صورة خالد مع بنت انا مركبتها وكذبت عليكي
.
وزمان قلت انك يا مروه ترقدي مع خالد وكذبت عليكم
.
وتوا انا الي عندي سرطان في الدم
وانا الي مش بنت وراقده مع واحد صاحبي 😣
.
وتوا اقتنعت ان الله يمهل ولا يهمل
بس يا خساره بعد فوات الاوان 😢
توا انا عارفه روحي مش حنعيش واجد
اي حد عنده سرطان في الدم ايامه معدوده
طلبي منكم صغير نبي منكم تسامحوني ع الاقل مرات نخش الجنه كان سامحتوني 😣
.
مع انه يا مروه الي درته فيكي لو انا مكانك مش حنسامح بكل 😔
بس اختك خلاص بتموت وتبي منكم تسامحوني والقرار ليكم 😣
.
خالد مسامحينك يا ريم وانشالله ربي يغفرلك
انا قعدت نبكي وقلتلها مسامحينك يا ريم وانشالله ربي يسامحك وقعدت نحضن فيها ونبكي وهي تبكي وتقولي انا ظلمتك واجد سامحيني وانا نبكي ونقوللها مسامحاتك 😣
.
خالد متحملش الموقف وطلع 😴
.
وخشت دلال وقعدت تبكي حتى هيا 😢
.
بعدها ريم قاتلي ساعديني نبي نوض نخش الحمام نتوضى ونصلي لي اول مره في حياتي بالك ربي يغفرلي 😣
.
نوضتها وساندتها انا ودلال وتوضت وقعمزت ع السرير تصلي ونشوف فيها انا ودلال تبكي وهيا تصلي 😣😢
.
بعد كمل قعدت تنصح في دلال وتقوللها مروه اختك الكبيره اسمعي كلامها ومعاش تزعليها 😔
.
وقالتلي قول لي باتي يسامحني
.
انا قلتلها حاضر بس نبي نقولك ع شي
راهو انتي حامل وانا وقعت ع ورقة الاجهاض للجنين 😣
.
ريم احسن ما درتي وقعدنا نهدرزوا لين جا الدكتور وقاللنا معليش اطلعوا نبي نعطيها منوم بيش تتريح ونقدروا نديرولها العملية غدوه 😑
.
طلعنا وخليناها وهي تقول سامحوني وقولو لي باتي يسامحني بالله عليكم 😢
.
روحنا للحوش هذا كان اصعب يوم في حياتي
وكملت اليوم وانا نبكي ونقول يا رب ماتخدش ريم وخودني مكانها 😣
.
والله فعلا احساس صعب بجديات
.
تاني يوم وكان موعد العمليه متع ريم وطبعا باتي مايبيش يمشي كلمت خالد وقتله بيش ترفعنا
.
لبست انا ودلال وطلعنا مشينا للمستشفى
.
كان مزال تقريبا ساعه ويخششوها غرفة العمليات 😣
.
جا الدكتور وقال من اقرب حد ليها هنا
قتله انا اختها قالي تعالي بيش توقعي ع العمليه من جديد وبيكون نسبة نجاحها 50٪
.
انا شن قصدك يا دكتور يعني مرات تموت في العمليه 😱
.
الدكتور الاعمار بيد الله بس انا قلتلكم نسبة نجاحها 50 ٪ وانتم قررو 😑
.
انا باهي لو مادارتش العملية شن بيصير
.
الدكتور الجنين مات في بطنها ولازم نزلوه ع سبه لو خليناه يصيرلها تسمم وتموت 😑
.
.
( لاحظتوا ان الدكتور اهوا ديما الخيار التاني عنده الموت ولا اني بس 🙄)
.
.
انا باهي دقيقه بس نكلم باتي
.
رنيت ع باتي وقتله نسبة نجاح العمليه وقالي مش شوري الي تبوه ديروه 😴
.
بصراحه انا كنت خايفه نوقع وتموت ونكون انا السبب😣
.
قلت لي دلال وقعي انتي 😴
.
دلال مابتش توقع والدكتور قعد يقوللنا هيا قررو بسرعه
.
خالد قالي وقعي يا مروه خلاص لانه لو مادارتش العملية تموت.
.
انا وقعت وخلاص مفيش حل تاني 😣
.
قلت لي الدكتور ممكن نخش نحكي معاها قبل العمليه 😴
.
الدكتور مفيش مشكله بس يا ريت مطوليش😕
.
خشيت انا ودلال لقيت ريم ماسكه مصحف وتقرا في القرآن 😶
.
اول ما شافتنا قالت صدق الله العظيم وسكرت المصحف وكانت مبتسمه وفرحانه بكل 😄
.
سلمنا عليها وقعدنا نهدرزوا قعدت تقوللنا اول مره نحس روحي سعيده هكي وبجد انا فرحانه وحاسه ان هذا اخر يوم ليا في الدنيا وانشالله ربي يغفرلي ويرحمني 😣
.
انا متقوليش هكي انشالله حتطلعي بالسلامه 😄
.
قعدنا نهدرزو شوية بعدها جا الدكتور وقال نبو ندخلوها لي غرفة العمليات 😑
.
وخدوها لي غرفة العمليات وكانت تقول قبل ما تخش قولو لي بابا يسامحني 😣
.
وخشت للعمليه 😴
.
وقعدنا في صالة الانتظار ونراطوا لين تم العمليه
.
وعدا خالد جابلنا الغدا تغدينا وقعدنا نستنوا😴
.
قعدنا من الساعه 1 الظهر لعند المغرب ونحنا نستنوا وبعدها طلع الدكتور من الغرفه ونحنا طلعنا نجروا عليه طمنا يا دكتور 😣 نجحت العمليه 😢
.
الدكتور البقاء لله عطتكم عمرها
.
انت شنو 😱 شن تقول يا دكتور 😳
من الصدمه انا غمى عليا وقتي وطحت 😣
.
ومعش نندري ع شي بكل لعند ما نضت ولقيت روحي معلقينلي تغدية وخالد قاعد جنبي ودلال وباتي قعدت نراجع في ذاكرتي ونقول انشالله نكون نحلم بس يا ربي 😣 سألتهم شن صار في ريم رد عليا باتي وقال الله يرحمها 😴
.
ومانندريش ع روحي ونعيطها عيطه مش عارفه كيف طلعت مني ومنين جاني الصوت العالي هذا 😣وقعد خالد يهدي فيا ودلال تبكي وباتي حزين وحسيت الدنيا معش ليها طعمه 😢
.
والله شعور صعب بجد بعد ما ربي هداها خدا روحها سبحان الله 😢
.
وقعدت مزال مش مصدقه الموضوع ونقوللهم نبي نشوفها بس مابوش وقعدت نعيط بصوت عالي ونقوللهم نبي نشوف اختي 😢 لعند ما خالد قالي تو نشيلك تشوفيها بس بشرط تهدي ومعاش تعيطي
.
وفعلا خداني للدار الي فيها ريم وكانو مزال ما خششوهاش للثلاجه وكانوا مغطيينها كلها بالكامل حتى وجهها 😣
.
وخشيت هكي وقلت لي خالد معليش خلينا بروحنا لو سمحت
.
خالد طلع وسكر الباب وانا سبحان الله قبل ما نخش كنت مش قادره نتحمل وتوا سبحان الله ربي عطاني قدره نتحمل خديت كرسي وحطيته عند راسها ولقيت سوحي نحوللها في العطا من ع وجهها 😢
.
اقسم بالله مانزيد عليكم في حرف لما حولت الغطا لقيت ريم تضحك مش مبتسمه لا والله تضحك كأنها عايشه والله ما صدقت انها ميتخ بكل وقعدت نفتحلها في عيونها ونقوللها ما تمثليش علينا انتي مش ميته 😢بس ماردتش عليا وحطيت يدي ع قلبها بس للاسف ماينبضش وهنا تأكظت انها فارقت الدنيا وسيبتنا 😣
.
وقعدت شوية وقعدت نهدرز معاها ونحس فيها تسمع فيها ونقوللها سامحيني انا اللي وقعت ع موتك بي ايديا بس مكانش في حل تاني وانتي مشيتي وسيبتينا للي خير مني ومنك 😔ودموعي نازلات من عيوني زي المطر وبعدها ما حسيتش بروحي اغمى عليا وخداني خالد ونضت تاني يوم الصبح لقيت روحي راقده في الحوش وكانوا خلاص ماشيين يدفنوا ريم 😣
.
وقعدت نبكي وكانت دلال في الحوش وقتلها امتى بيدفنوا ريم قاتلي بعد الظهر
واندفنت ريم ودارو العزا وكانت اصعب ايام في حياتي كلها
وتم العزاء 😣
.
وقعدنا بعدها ممكن شهرين وقرر خالد ان نديرو العرس
.
وفعلا درنا العرس وكان احلا يوم في حياتي وعشنا احلى شهر عسل في حياتي
.
وبعد فتره خش علينا موضوع الكرامه وخالد قرر يبيع الحوش وباع كل شي ليهم في بوعطني وكان عندهم ارض واجد باعها
وقرر انه يطلع بره ليبيا
.
.
🌺รєє๒๏๏🌺: ممكن حد يقولي شنو هي بوعطني 🙄🙄🙄🙄
.
.
بس انا ماكنت نندري ع شي ولا نندري وين بيشيلنا وقالي خالد خليها مفاجأة ولما سافرنا وكانت امه معانا طبعا وكنت اول مره نركب في طياره وبعد ما وصلنا مشينا لي مكان هكي وبعدها خالد شالنا لي فيلا تهبل هكي جنان وحمامات سباحه وكل شي تتخيلوه موجود فيها ولما سألته فيلة من هاذي قالي فيلتنا 😍
.
سألته نحنا وين قالي في السويد
.
وعشنا احلى ايام مع بعضنا وبعد 6 شهور تقريبا ماتت ام خالد وحزنا عليها واجد والحمد لله ع كل حال وتوا انا عندي ولد واسمه هيثم عايشه في السويد احلى عيشه ومتهنيه الحمد لله وباتي ودلال درتلهم دعوة وعاشو معانا هنا في السويد بس في حوش بروحهم سبحان زمان انا مكنتش نتخيل ان نعيش هكي بكل بس توا الحمد لله فعلا ان الله اذا احب عبدا ابتلاه وتوا الحمد لله عايشه احسن عيشه
.
.
.
الملخص من الروايه كلآتي ربكم عمره ما يظلم حد ابدا ودعوة المظلوم مستجابه ولو كانت من كافر وريم مع انها ظلمت واجد بس ماتت موته يا ريتني كنت مكانها وربي غفور رحيم وفي نفس الوقت شديد العقاب
وردو بالكم من الظلم لان الظلم واعر وربي يخلص في الظلم في الدنيا قبل الآخره وانشالله تكونو استفدتوا من القصه وتكون عبره للجميع
.
ومن الحلقه 1 الى 20 كانت معكم الكاتبه
🌺รєє๒๏๏🌺
وبينا في الروايه ان الظلم ما يدوم وان الله يمهل ولا يهمل ويرجع حق المظلوم وعمره ما يرده وفلا ما بعد الضيق الا الفرج 👌
.
النهايه... 🌹
وانشالله تكون عجبتكم الروايه
انتظروني في رايه جديده
