امس منزلتش بسبب قلة التفاعل واحد بس يعلق و يدير لايك اني شكلي بنمسحها الرواية 🙄
.
.
.
بعدها قالتله لالا يا صالح لازم تشوف حل بسرعه 😑
.
انا احييي من صالح هذا 😳
.
المدام طلعت شعبي عام 😕
بصراحه انا رقالي منها تخون في باتي معقوله هكي 😣
.
وقعد عقلي يدور زعما احمد ولد من ولد سالم ولا ولد صالح 😑
.
خشيت داري وقلت خليني نحط التلفون في الشحن بيش نكلم خالد 😣
.
حطيت التلفون في الشحن وقعدت في داري طبعا كل شوية نطلع نبحت نشوف مرت بويا وين طلعت من دارها ولا مزال خايفه تزرق ع التلفون بعدها يوم اغبر يقعد مش ناقصني 😑
.
خليت التلفون شحن شرطه وحولته من الشحن و دسيته
.
طلعت من داري خشيت المطبخ درت شاهي وخشيت داري بعدها نسمع في مرت بويا اضبح عليا طلعت 😕
.
انا نعم مرت بويا
مرت بويا قالتلي اسمعي انا بنرقد شوية كان جا فرج صاحب باتك هدا نوضيني قبل ما تفتحيلهم فاهمه
.
انا قلتلها حاضر 😑
.
طلعت و سكرت الباب ع روحها
.
وانا طول طلعت نجري لي داري طلعت التلفون و رنيت ع خالد 😕
.
نرن و نسكر نرن ونسكر معنديش رصيد 😑
.
عاودلي 😕
.
انا رديت الووو
.
خالد نعم 😑
.
انا شن حالك
خالد ليش تسألي ع حال واحد انتي تكرهيه 😣
.
انا خالد اسفه بس والله كلمه طلعت مني بدون قصد 😢
.
خالد انتي حتى معطيتينيش فرصه نشرحلك شي بكل 😢
.
انا معليش سامحني انا كنت راقيلي بس انا اسفه 😧
.
خالد بس والله بجد يا مروة جرحتيني 😢
.
انا خلاص عاد انسى وكأن مصار شي بكل 😣
.
خالد انا نحبك تعرفي بس صعب ننسى بالسرعه هدي 😑
.
انا اوووف يا خالد قتلك بدون قصد عاد
.
خالد عارفه نقولك ع حاجه يا مروه بجديات انتي......؟
.
بعدها سمعت صوت فتحة الباب وخالد يقول تفضلو من انتو وبعدها نسمع في صوت انزل و انبطح بسرعه
.
وبعدها نسمع في خالد يقول كلمي هلي كلمي هلي
وبعدها سكر الخط 😳
.
انا الووو خالد خالد يا خالد شن في الووو 😢
.
قعدت نعاود عليه نلقى فيه مقفل 😱
.
واااك واااك قعدت نبكي ومش عارفه شن الي صاير بالضبط وكيف بنكلم هله وبصفتي من بنمشيلهم 😣
.
قعدت قريب ننجن و ندور في الدار ومعش عرفت كيف نتصرف 😢
قعدت نفكر كيف بنمشي لي هله وشن بنقوللهم اصلا 😢
.
بس هو قالي كلمي هلي 😣
يا ربي شن ندير
.
مشيت لي دار مرت بويا حطيت وذني ع الباب لقيتها راقده 😑
.
قررت نمشي ل حوش هل خالد ونقوللهم و خلاص 😕
.
لبست و طلعت مشيت لحوش خالد طبعا هيا فيلا و صور رنيت الجرس ردت عليا امه من قلتلها معليش ممكن تفتحيلي انا جارتكم مروه بنت رافع 😧
.
قالتلي حاضر تو ننزلك
.
مهم نزلت فتحتلي الباب وقالتلي تفضلي خشي يا بنتي
.
انا قلتلها لا معليش بنقولك حاجه ع السريع و نمشي 😣
.
قالتلي لالا عيب خشي متجيش لازم تخشي
.
انا خشيت دخلتني للصالون وقالتلي تفضلي اقعدي
.
انا قعمزت و قعدت ساكته ومرتبكه بكل 😣
.
قالتلي تفضلي يا بنتي انشالله خير 😊
.
انا قعدت مترددة وخايفه وهيا تبحت فيا ومستغربه 😑
.
قالتلي تفضلي يا بنتي احكي ليش خايفه شن في تبي حاجه ومتحشمه قولي متتحشميش 😊
.
انا قلتلها لا مش قصة نبي شي بس نبي نقولك ع حاجه 😣
.
قالتلي تفضلي نسمع فيكي
.
انا قلتلها بصراحه خالد 😢
.
قالتي كنه خالد شن في شن دارلك 😧
.
انا قلتلها لا هو مدارلي شي 😣
لاكن 😢
.
لاكن شنو يا بنتي شن في شن صاير احكي الله يربحك وترتيني 😴
.
انا قلتلها بصراحه من ساعه كنت نكلم فيه وبعدها سمعت ناس تقول انزل انزل و انبطح ع الارض و بعدها خالد قالي كلمي هلي و سكر الخط ورنيت عليه كم مرة مقفل 😢
.
قعدت تعيط وتقولي من الي دار فيه هكي قوليلي من 😠
.
قلتلها والله مانعرف بس انا هكي قالي ويا ريت مانبش حد من هلي يعرف بيش متصيرش مشكله 😢
.
ماعدلتش عليا و قعدت ضبح ع راجلها وانا طلعت بروحي ومشيت 😣
.
مشيت للحوش وكنت مسيبه الباب مفتوح لقيته مسكر 😢
.
يا ربي مش ناقصني بلاوي انا بروحي متوترة بكل 😑
.
شن ندير توا نخبط ع الباب ولا شن ندير 😣 وشن بنقول لي مرت بويا توا 😥
.
يا ربي ليش يصير معايا هكي 😥
.
خبطت ع الباب وخلاص وقعدت نخبط ومفيش حد يبي يفتح ومعاش عرفت شن ندير 😣
قعدت شوية هكي قدام الباب تاع حوشنا وبعدها نسمع في صوت عياط ام خالد تعيط ووووك يا نعليا ولدي ووووك يانعليا ولدي الوحيد شن دارو فيه 😢
.
قلبي قريب يطلع من مكانه اقسم بالله معاش عرفت شن ندير 😢 قعدت نبكي وخلاص وااك يا ربي هون عليا 😣
.
وقعدت قاعدة قدام الباب قريب ساعه زي الشحاته 😑
.
بعدها قعدت نخبط ع الباب بالقوية لعند جت فتحتلي مرت بويا 😕
.
قالتلي وين كنتي يا صايعه يا ضايعه 😠
نوضتيني من احلى نومه الله لا تربحك 😑
.
انا قلتلها سمعت صوت حد خبط ع الباب فتحت قعد نبحت مفيش حد واسكر الباب عليا 😴
.
قالتلي خشي يا كدابه يا صايعه يا منحله والله تو نربيكي باتك معرفش يربيك بس انا توا نعرف كيف نربيكي خشي 😠
.
خشيت وقعدت تهزب شوية وضربتني كفوف و كرتني من شعري الله لا يسامحها و خشت دارها انخمدت 😑
.
انا قعدت نبكي شوية وخشيت داري قعدت نرن ع خالد مقفل واااك يا ربي ليش هكي يصير معايا بس 😣
.
قعدت لعند المغرب وانا ناكل في روحي بعدها خبط الباب نزلت فتحت لقيت باتي لاكن بروحه ريم ودلال مش معاه 😧
.
سألته وين ريم ودلال قالي في المستشفى مع احمد ولقيته راقيله بكل مش عارفه ليش بس مابيتش نسأله 😑
.
خش قالي ديريلي قهوة درتله بعدها ناضت مرته رافع انت جيت 😕
.
باتي اها جيت
.
مرته باهي شن خال احمد وين البنات يا راجل 😑
.
باتي احمد داروله العملية مصارش منها بيبتروله يده 😕
.
والبنات قاعدات معاه 😑
.
مرته ووووك ولدي ووووك ولدي لالا لازم نطلعوه بره ليبيا يتعالج هنا بقر ميفهموش 😕
.
باتي والله نا ماعنديش فلوس نطلعه برا ليبيا انتي كان عندك طلعيه 😏
.
مرته انشالله حتى نبيعو حوشنا وانت بيع سيارتك اهم شي ميبتروش يده 😕
.
باتي لالا مستحيل نبيع شي واصلا انا وقعت ع ورقة البتر 😑
.
مرته انت بعقلك انت يا راجل فيش تقول انت مستحيل يصير هكي 😠
.
ومشت لبست دبشها وقالت لي باتي انا ماشية للمستشفى ومش حنخليهم يديروله شي 😕
.
باتي علي الطلاق كان طلعتي من الباب هدا انتي طالق بالثلاته 😑
.
مرته 😲 بسم الله رافع انت شن متعاطي اليوم انت مش طبيعي بكل 😕
.
باتي ناض ضربها كف 😠 وقاللها لا انقول شي لازم تقولي حاضر فاهمه انا سكتتلك واجد لاكن خلاص من اليوم كلمتي انا الي بتمشي فاهمه 😠
.
مرته متكلمتش بكل 😲
.
انا نتفرج ومنصدمه شنو هدا الي قاعد يصير 😕
.
باتي لبس وطلع مشا للمستشفى اخره 😑
.
مرت بويا جت وقعدت تضرب فيا وتقولي مره تانية لما نتعارك انا و رافع تمشي دارك فاهمه وبدت تضرب فية على وجهي اقسم بالله لعند قعد وجهي احمر زي الطماطمه 😢 فشت غلها فيا 😕
.
خشيت داري وقعدت نبكي اصلا انا تعودت ع البكي كل يوم نبكي مافيش يوم مبكيتش قيه قعدت حاجه اساسية في يومي 😢
.
قعدت شوية هكي ونفكر في خالد ونتخيل في حاجات غريبة مره نتخيل انهم قتلوه ومره نتخيل انهم يعدبو فيه 😣
.
عقلي معش عناني بكل 😧
.
يا ربي شن هاليوم الي كله مصايب هدا 😧
.
قعدت شوية هكي وطلعت التلفون لقيت 15 المكالمه لم يرد عليها من خالد 😲
.
جسمي كله قعد يرعش وقلت هدا اكيد الي خطفوه قتلوه وهما الي يتصلو 😣
.
يا ربي شن ندير توا شن ندير 😢
.
رنيت عليه سكر عليا 😣
.
قعدت شوية وانا حالتي حاله بعدها رن خالد
.
وانا نرعش مسكت التلفون و فتحت الووو
.
رد عليا خالد يا مروه اسمعيني كويس بكل ركزي معايا 😧
.
انا خالد خالد انت عايش
قالي غير اسمعيني راه معنديش وقت
.
انا قول نسمع فيك يا خالد 😣
.
.
.
يتبع ...
لايك و تعليق نزل الي بعدها
