.
.
.
سمعتها تقوله خلاص يا سالم معاش تفكرني ايام و فاتت 😕
.
بس انا ماعدلتش ع الموضوع 😑
.
المهم لما روحنا للحوش قعدو كلهم ساكتين تقول عزاء 😥
.
انا قلتلهم نديرلكم عشاء 🐸
.
باتي انا معنديش نية كولو انتم 😕
.
ريم ما نبي من وجهك شي تو ندير لروحي
.
دلال انا بنرقد معنديش نية
.
مرت بويا انا بناكل مع رافع لما يجوع 😑
.
باتي رقد
.
انا خشيت داري يعني المربوعه لما نقول داري يعني نقصد المربوعه لانها داري ركزو 😕
.
قعدت شوية في داري بعدها طلعت لقيتهم كلهم راقدين نوووم
.
خشيت داري وبصراحه كنت مرايفه ع خالد😣
قلت هيا نرن عليه وخلاص طلعت التلفون الي عطاهولي خالد ورنيت عليه رنه و سكرت 😑
.
كانش في رصيد اقل من دقيقه
.
قعدت نراجي خالد مرنش
انشغلت رنيت عليه مره تانية لعند ما فصل مردش 😣
.
قعدت مشغوله عليه وحتى النوم طاير من عيوني معش قدرت نرقد
.
رنيت عليه اخرى كم مره مابش يرد انشغلت اكثر 😨
.
قعدت ندور في داري متوترة بكل رنيت عليه اخرى ردت عليا بنت 😲
.
هيا الو من
انا معلش هذا مش تلفون خالد 😨🐸
.
هيا اها بس خالد في الحمام يدوش 😑
.
انا وانتي من
.
هيا انتي الي من 😕
.
انا خلاص شكرا ولما يطلع خالد خليه يكلمني 😊
.
سكرت عليها
ودمي شاط نار وقعدت نغلي ومعش عرفت شن ندير خصوصا انا نعرف ان خالد معندش خوات 😑
.
قعدت ندور في الدار زي المجنونه وعقلي مشالله يهني ما خلا فكرة ما جابهالي زعمه هدي حبيبته باهي زعمه من شكلها وحدة فاسدة بايته معاه باهي من خلاص عقلي بيطير من مكانه 😣
.
وقعدت هكي ناكل في روحي وخلاص 😴
.
بس خاطري ما هنانيش بكل دودة تاكل 🐛
رنيت عليه اخرى رنه و سكرت 😕
.
وقعدت نراجي لاكن مرنش 😑
.
والتلفون شحنه قريب يتم 😢
.
بعدها نسمع في حد يخربش في المطبخ😣
.
دسيت التلفون بسرعه و درت روحي راقدة 😴
.
شوية نسمع في حد يفتح عليا في باب الدار😕
.
بعدها ولع الضي
نضت بحتت لقيتها ريم 😑
قالتلي نوضي نبيكي في موضوع 😕
نضت قعمزت
ريم قوليلي يا مروه باتي كنه شن صايرله 😕
انا مش عارفه مرات زعلان ع احمد 😑
ريم لالا في شي صاير غير موضوع احمد 😕
انا قلتلها باهي وانا شن بيعرفني يعني 😑
ريم تكلمي زين يا حيوانه خير مانعطيكي كف بيش تتأدبي 😡
.
انا باهي يا ريم انا والله ما نعرف شي كان هدا راهو قتلك 😣
ريم مش انتي كنتي مع باتي طول فترة المستشفى 😑
انا اه صح بس ما شفت شي وما نندري ع شي 😕
ريم خزي وحدة كذابه وطلعت من داري 😑
.
قعدت شوية هكي وبعدها طلعت نشوف في ريم رقدت ولا مزال 😕
نبي نطلع التلفون لاكن خايفه مهم بحتت من بعيد هكي ع دارها لقيتها مسكره الباب 😑
رديت لي داري طلعت التلفون لقيت طافي شحن 😣
.
قعدت زي المجنونه معاش عرفت شن ندير
طلعت وقعدت ندور علي شحن باتي كان بيله وقعدت نبربش في نص الليل و ندور 😨
.
لاكن ملقيتاش مع انه ديما كان ملوح في الصاله بس المره هدي ع سبه نبيه ملقيتاش 😣
.
رجعت لداري حاولت نرقد بس مفيش نوم بكل افكار يمشن و افكار يجن 😕
.
عقلي معاش سكت بكل ونوم و الله معرفت نرقد شعور بايخ بكل بجديات شعور غريب 😣
.
وقعدت نغصب في روحي لعند خداني النوم 😢
.
نضت الصبح الساعه 8 وزي كل مرة مشيت نجيب الخبزة 😑
.
طلعت هكي قعدت نبحت ع حوش خالد لاكن السيارة مش قاعدة 😣
قلت معناها زي ما توقعت بايت مع وحده الحقير 😠
.
ومشيت شور الكوشه طول
.
وصلت للكوشه بحتت هكي لقيت خالد يستنى فيا 😲
.
بصراحه انا نصدمت مكنتش متوقعه اني نشوفه هنا بكل 😕
.
بس درت روحي حوله ومنشوفش فيه خديت الخبزة و جيت مروحه وقعد يلحق فيا خالد 😑
.
خالد قعد يضبح عليا يا مروه ع اساس متشوفيش فيا 😕
.
وانا مبيتش نرد عليه
قعد يقولي عارفك زعلانه بس مينفعش تحكمي عليا منغير ما تسمعي مني 😣
.
انا قتله كل شي واضح و مفهوم يا خالد مش لازم نسمعك و تبررلي 😕
.
قالي كنت متأكد انك حتفهمي الموضوع بالغلط 😑شن فهمتي ترا قوليلي شن فهمتي.
.
انا قتله الموضوع واضح انت امس بايت مع بنت لاكن والله طحت من عيني و كرهتك 😕
.
خالد قال كرهتيني صار عموما شكرا واجد انك اتهمتيني وشكرا انك عطيتيني فرصه نشرحلك وشكرا ع كل شي وانا لي اسف وانا جيتك هنا كان عندي كلام واجد نبي نقولهولك بس انتي معطيتينيش اي فرصه وهيا طريقك بيضه و مشا و فاتني 😑
.
انا 😲 انصدمت من الكلام الي قلته لي خالد بس والله طلع مني بدون قصد 😣
وقعدت ناكل في روحي كيف نقوله كرهتك و المفروض عطيته فرصه يتكلم 😢
.
وقعدت طول الطريق وانا ناكل في روحي و نغلي 😥
.
وصلت الحوش و درتلهم الفطور و تسمسمو
وخشيت داري 😑
وقعدت نبكي اصلا ماعنديش حظ في الدنيا هدي والله من كثر مبكيت لين وجهي قعد احمر 😢
.
وبعدها اذكرت لما قالي في كلام واجد نبي نقولهولك 😣
.
وقعد ضميري يأنب فيا يا رب ليش درت هكي بس ليش مفروض سمعت منه قبل ما نحكم عليه 😢
.
مشيت خديت الشحن تاع باتي و دسيته بيش لما يجي الليل نشحن بيه 😑
.
باتي قال بنمشي للمستشفى عند احمد بنشوفه شن صار معاه و امتى بيدير العملية 😕
.
بعدها قال لي ريم و دلال البسو بيش تمشو معايا 😑
.
مرت بويا حتى انا بنمشي معاكم 😕
باتي لالا انتي خليكي ع سبه مرا صاحبي بيجيب مرته ويجينا ع سبه يطمن ع احمد 😑
.
مرت بويا صاحبك من يا راجل هدا الي بيجينا 😕
.
باتي صاحبي فرج قالي بنجيب العيله و نجيكم اليوم 😑
.
مرت بويا باهي خلي وحده من البنات معايا 😮
.
باتي لا اهو معاكي مروه
.
مرت بويا هدي زيها زي قلتها متعرف ادير شي 😑
.
باتي هيا سلام و طلعو 😕
.
مرت بويا خدت تلفونها و خشت لي دارها و سكرت الباب 😑
.
انا شكيت ان فيه شي ليش باتي خدا ريم و دلال 😥
.
قعدت شوية هكي بعدها سمعت صوت مرت بويا تكلم في حد ع التلفون 😑
.
جاني فضول نعرف في من تكلم 😢
.
مشيت عند الباب وقعدت نصنت عليها وهي موطية صوتها بكل 😑
.
بعدها نسمع فيها تقول والله زي منقولك هكي لازم نشوفو حل بسرعه 😨
.
وبعدها قالت لالا يا.....؟
.
.
.
يتبع....
زعما سمية في من تكلم؟؟
وعلاش رافع خدي ريم و دلال معاه؟؟
وشن بيصير في خالد و مروه؟؟
كله نعرفوه في الحلقه الجايه
بلييييييز لايك و تعليق معقول اقل شي 6 الي يقرو و واحدة بس ادير فلايك و تعلق احترمو حتى مشاعري و😢😢 الوقت الي مقعمزة نكتب فيه في البارت
