.
.
.
باتي هيا تكلم يا دكتور ليش هايف الزح 😡
.
.
الدكتور تبي الحق احمد دمه مش مطابق لي دمك بكل
.
باتي باهي وشن المشكله يعني وكل انسان فصيلة دمه تختلف ع التاني 😕
.
الدكتور لا انت مفهمتنيش يا سيد رافع 😣
.
باتي باهي يا سي فهمني الله يربحك معش تقعد تلعب بأعصابي 😡
.
الدكتور تو نفهمك أحمد مايقربلكش بكل لا من بعيد ولا من قريب 😑
.
باتي ههههههه لا يا راجل ملا يقربلك انت 😤 تي هذا ولدي كنك حمار انت ولا شنو 😏
.
الدكتور انت حاط في بالك انه ولدك بس هو مش ولدك يا سيد رافع يا ريت تفهمني 😣 احمد مش ولدك الدم متاعه مش مطابق مع دمك 😑
.
باتي 😡 انت شن قصدك يا فاسد يا حيوان يا مريض يا مختل عقليا تتهم في مرتي يا مريض 😠
.
وناض باتي مسك الدكتور وعطاه بدماغ لعند
الدكتور طاح من قوة الدماغ 😨
.
انا اول مرة نشوف باتي هكي مع انه ديما كان طرطور وما عمره رقاله هكي و الممرضين سمعو الهرجه جو يجرو وقعدو يحزو و باتي ما يبيش يسيب الدكتور بكل 😣
.
وانا قعدت نرعش و في نفس الوقت منصدمة من الي سمعته 😢 احمد طلع ولد حرام 😑
.
لاكن في عقلي قلت مزال ربي ما ينسى حد بكل 😕
.
الممرضين مسكو باتي و خششوه لي دار تانية وعطوه مهدء باتي بعد ما هدا ولع دخان وقعد يفكر مع روحه هكي حسيته قريب يبكي والله زيما نحكيلكم 😢
.
قعدت نبحت فيه هكي والله زعلت عليه وقعدت نقول في خاطري ذووووووق النار الي انا عايشه فيها من سنين نفس الاحساس بالضبط انا كنت ديما حاسه اني مش بنتكم وانت توا بعد كبرت احمد و ربيته و حبيته طلع مش ولدك 😕
.
سبحان الله حسيت ان ربي بدا ينتقملي وياخدلي في حقي 🙁
.
فعلا ان الله يمهل ولا يهمل وياما دعيت عليهم من قلبي وربي قال دعوة المظلوم ليس بينها و بين الله حجاب وربي قال للمظلوم وعزتي و جلالي لانصرنكم ولو بعد حين 😢
.
حلو شعور الانتقام و في نفس الوقت قاسي انك تشوف باتك الي من لحمك و دمك بالمنظر هدا قدامك 😣
.
باتي بعد هدا قاللهم ضبحولي عليه الدكتور
.
طبعا مرت بوي و خواتي جنب احمد ما يندروش ع شي بكل
.
مهم باتي جاله الدكتور و قعد يحب عليه ويقوله سامحني بالله عليك سامحني
.
الدكتور و لا يهمك حصل خير
.
باتي باهي معليش فهمني بالضبط كيف صار هكي مرات امه لما جاباته الممرضات بدلوه مع عيل تاني في المستشفى صح 😑
.
الدكتور بس لما خديت دم من امه كان مطابق ليها مستحيل يكون مش ابنها 😕
.
باتي باهي شكرا يا دكتور تعبتك معايا شكرا واجد بس ياريت الموضوع هدا يكون بيناتنا 😣
.
الدكتور حاضر من عيوني
.
باتي ناض و قالي اسمعي منبيش حد يعلم بالموضوع هدا بكل فاهمه 😕
.
قتله حاضر اعتبرني ما سمعت شي 😞
.
مشينا لي دار احمد
.
مرت بويا وينكم يا حبيبي لعند توا 😧
باتي كنت نقيس في ضغطي بس مافي شي
.
مرت بويا بس طولت يا روحي 😑
.
باتي ماهو الدكتور ماكانش قاعد واستنيته لعند ماجا فهمتي 😕
.
مرت بويا وكنه وجهك اصفر رايح زي الليمه شن صاير يا رافع في شي 😑
.
باتي قتلك مافي شي عاد خلاص اسكتي صدعتيني 😡
مرت بويا باهي حاضر كنك بسم الله ليش تعيط شن صارلك هدي روحك 😕
انا استغربت الحق ليش باتي ما قاللهمش على كل شي 😑
.
جا الدكتور تاع احمد قاللنا انشالله غدوة بنديروله العملية بس احتمال 90٪100 يده بنبتروها 😩
.
مرت بويا شنو شنو فيش تقول يا دكتور 😡 تبترو عبنكم
.
ريم لالا انشاءالله تنجح العملية ماتفاولش عليه يا دكتور 😕
.
باتي مش مهم عادي اهم شي يعيش 😏
مرت بويا كيف تقول هكي ع ولدنا يا رافع 😕
.
باتي قصدك ولدك 😑
.
مرت بويا شنوو 😕
.
باتي شي انشالله تنجح العملية و ينوض بالسلامه 😕 هيا نروحو ونجوه بكرة
.
روحنا للحوش وكان الجو متوتر بكل 😕
.
تو جا دور نحكيلكم قصة امي
باتي اتجوز سمية قبل امي
.
سمية جابت ريم و قعدت بعدها بي 3 سنين ماجابتش
.
باتي كان خاطره في ولد مصبرش تجوز امي
.
امي حملت بيا من اول اسبوع بعد تجوزت باتي الحيوان هذا 😑
.
باتي قال لمي لو الي في بطنك بنت نزليها
امي لما عرفت انها بنت ما بتش تقول للحيوان باتي 😕
.
وكذبت عليه وقالتله ولد باتي طبعا فرح
.
ولما جابتني امي باتي نصدم صدمه كبيره 😧
.
وطلق امي وقاللها معاش نبي نشوف وجهك 😡
.
جدي وجدتي متوفيين وامي عندها اخ واحد
.
مشت قعدت في حوش بوها بيا 😑
.
بس بعدت وصل عمري 8 سنوات امي جاها فشل كلوي وقعدت تغسل كلاوي 😣
.
وماتت وانا عمري 8 سنوات 😢
ورجعت لحوش الحيوان باتي
طبعا باتي جاته دلال بعد ريم
.
ولما جاته دلال قرر يتجوز ع مرته تاني
بعدها طول مرت بوي جابتله احمد 😕
.
وطبعا باتي فرح وشال فكرة انه يتجوز مرة تانية
.
شخصية جديدة بتخش الرواية والي هيا سالم خو باتي يعني عمي 😕
.
لاكن صايع و ضايع و متاع سكير و حبوب
وهو اصغر من باتي وهو اصغر من باتي بس مكانش ديما يجينا 😥
.
بس مرات كان يجي و باتي مش قاعد وانشوف فيه يتعامل مع مرت بويا كأنها أخته ويبصر معاها وهي تقعد قدامه بدبش عريان فكنت نستغرب احيانا 😑
.
ومره مره تكلمه في التلفون ع اساس تسأل عليه و هكي 😕
.
ومره كانت تحكي مع سالم عمي في دارها وكان باتي بايت بره وكلهم كانو راقدين وانا كنت نايضه ماشيه للحمام
.
لاكن سمعتها تقوله حرام عليك يا سالم ما ت...
.
.
.
يتبع...
لايك و تعليق بليييييز
