.
.
.
خالد قالي نبيكي تمشي لي هلي وتقوليلهم في ناس خاطفيني ويبو 500 الف بيش يسيبوني 😢
.
انا قتله منقدرش انت رن عليهم انا منقدرش نمشي وانت عارف يا خالد 😣
.
خالد قالي نرن على هلي مقفل 😢
.
خالد قالي عشان خاطري اصرفي و عديلهم انا معنديش وقت قوليلهم عندكم 24 ساعه كان الفلوس ماجتش يقتلوني 😣
.
وخليهم يفتحو تلفوناتهم و يكلموني بيش يتفاهمو معاهم في تسليم الفلوس كيف 😑
.
انا باهي حاضروا نحاول كيف نمشيلهم 😣
.
مهم انت طمني عنك ضربوك عدبوك صح 😢
.
خالد لالا متخافيش مصارلي شي اطمني 😊
قصدك خايفه عليا 🤗
.
انا اكيد طبعا خايفه عليك رد بالك ع روحك يا خالد 😣
.
بعدها سمعت صوت هيا خلاص سكر 😡
.
خالد هيا مروة بنسكر متنسيش زي ما قتلك😉 هيا باي
.
انا باي 😢
.
معش عرفت كيف نصرف 😣
طلعت من داري بحتت ع مرت بويا لقيتها مسكرة ع روحها الدار 😑
مشيت للمطبخ نشوف شن هو الي ناقص لقيت مفيش دحي 😕
.
خبطت ع باب مرت بويا 😑
.
مرت بويا ها شن تبي 😕
انا قلتلها بننزل نجيب دحي 🙁
.
مرت بويا قالتلي لا متنزليش اصلا معنديس فلوس رافع مش مسيبلي حتى ربع 😕
.
انا قلتلها توا ناخد من الدكان بالدين وباتي بعد يروح يخلصه 😑
قاتلي لا 😡
.
قلتلها انا جعانه ومافيش شي فالحوش 😢
مرت بويا اطلعي انشالله يخطفوكي 😡
لبست و نزلت مشيت لحوش خالد
.
رنيت ع الجرس ردت عليا امه منو 😕
قلتلها انا مروه جارتكم 😑
قالتلي باهي دقيقه تو نفتحلك 😧
نزلت فتحت الباب قالتلي قالتلي خشي تفضلي يا بنتي 😕
انا قلتلها لا معليش بنمشي مستعجله المهم قاللكم خالد افتحو تلفوناتكم والخاطفين يبو 500 الف ومعاكم 24 ساعه بس 😣
.
ام خالد قعدت تعيط وااااك ولدي وسيبتني منغير حتى متسكر الباب وخشت تجري لي راجلها 😑
.
انا سكرت الباب و مشيت للدكان خديت دحي وروحت للحوش 😣
وقعدت في داري نبكي واجعني خالد 😢
شوية نسمع في حد يفتح في الباب طلعت من داري لقيت باتي و خواتي ريم و دلال 😑
خش باتي وخشن البنات لاكن كأنه صاير شي وجوهم حزينه وساكتين 😕
طلعت مرت بويا شن صار يا رافع شن حال احمد شن داروله 😑
باتي داروله العملية وقطعوا يده 😕
مرت بويا واااااك تعيطها عيطه قوية بكل وتبدا في العياط وتهزب في باتي حرام عليك معندكش قلب انت السبب 😣 ليش درت هكي يا رافع هدا ولدك ادير فيه هكي يا ظالم والله ماني مسامحاتك
باتي خلاص اسكتي بتلمي علينا الجيران 😠
ريم ماما مكانش فيه حل غير هكي ولا كان احمد بيموت 😕
.
مرت بويا وااااك ولدي نبي نمشي نشوفه توا توا ارفعوني لي ولدي بسرعه 😣
.
دلال خلاص عاد الي صار صار توا ليش تعيطو وديرو في هرجه 😑 والمهم احمد عايش 😕
.
باتي توا بكره نرفعك تشوفي احمد توا قاعد في دار العمليات ممنوع حد يخشله 😕
.
مرت بويا خشت لي دارها وسكرت الباب بالقوه بكل 😑
ريم ودلال خشو غرفتهم
باتي قعد في الصاله 😕
انا قلت لي باتي نديرلك عشاء 😑
باتي لا عنديش نية شوفي خواتك بالك يبو مكلوش شي من الصبح 😕
انا حاضر باهي نديرلك قهوه
باتي لا منبي شي معندي نية في شي بكل 😑
انا مشيت لي ريم ودلال قلتلهم نديرلكم عشاء
ريم لا منبي من وجهك شي اخطيني بس 😠
.
دلال ياريت يا مروه والله مكليت شي من الصبح 😣
انا باهي حاضر يا دلال تو نديرلك شكشوكه
خشيت المطبخ درت شكشوكه ودرت نص لي روحي ومشيت عطيت لي دلال تتعشى وخشيت داري كليت السندوتش وطلعت بندير طاسه شاهي
.
مشيت لي دلال قلتلها بندير شاهي نديرلك معايا 😕
دلال يا ريت ديريلي معاكي طاسه
ريم وانا مش مالية عينك يا مريضه 😒 ليش مسألتيني نبي شاي ولا لا 😏
.
انا ماهو قتلك نديرلك عشاء قلتيلي ما نبي من وجهك شي 😑
.
ريم اها مانبي من وجهك شي بس انا اختك و اكبر منك المفروض تسأليني نبي شاي ولا 😠
.
انا باهي تبي شاي ولا لا 😕
.
ريم لا منبي شي اقلبي وجهك 😑
.
مشيت المطبخ درت شاهي وعطيت دلال طاسه وجيت بنخش لي داري
ضبحت عليا دلال مروه بالله عليك تعالي ارفعي الصفرة هدي للمطبخ والله معندي جهد نتحرك 😕
.
انا رجعت خديت الصفرة وشلتها للمطبخ وغسلت التبسي وحطيت الصفرة مكانها ورجعت لداري 😢
شربت الشاهي وقعدت نفكر في خالد زعما شن صاير معاه توا 😴
.
كملت الشاهي وقعدت شوية مش جايني نوم بكل 😑
.
مشيت للمطبخ غسلت الطواسي من الملل بعدها قعدت مش عارفه شن ندير والحوش كله راقد انا بس نايضه 😢
.
طلعت التلفون نرن ع خالد مقفل 😨
.
قعدت نفكر زعما شن صار فيه 😣
.
وجا في خاطري نمشي لي حوشهم في نص الليل ونسأل امه شن درتوا و شن صار في خالد 😟
.
قعدت نحاول نرقد لعند رقدت قريب الفجر 😣
.
الساعه 8 نوضتني دلال قاتلي هيا نوضي مفيش خبزه 😕
.
نضت غسلت وجهي وطلعت مشيت للكوشه وقعدت نبحت في المكان الي خالد كان يستنى فيا فيه 😣ودمعتي نزلت من عيني بروحها 😢
.
روحت و درتلهم الفطور وحطيته قدامهم و مرت بويا ما بتش تطلع من دارها بكل 😑
.
باتي و خواتي فطروا و درتلهم الشاهي
.
وخشيت لي داري فطرت بعدها مشيت شلت الصفره تاع الفطور وغسلت المواعين بعدها وبعدها نسمع في باتي يقول لي ريم عدي قولي لمك تلبس بيش نرفعكم لي احمد 😑
.
انا طلعت نجري لي باتي و قعدت نجدا فيه بنمشي معاكم 😣
.
قالي باهي عدي البسي هيا 😕
خشيت داري لبست ع السريع ولقيتهم كلهم لبسوا بحتت فيا مرت بويا وقالتلي انتي ليش ماشيه خليكي ضمي الحوش 😠
باتي لا بتمشي معانا انا قلتلها البسي 😑
مرت بويا لالا يا رافع خليها تقعد فالحوش الحوش حايس بكل 😕
.
باتي انا مش قلت لما نقول حاجه تقولي حاضر 😠 هيا اطلعو بسرعه طولنا 😑
.
طلعنا و ركبنا السياره وصلنا للمستشفى باتي كلم الدكتور قاله شن حال احمظ الدكتور قاله كويس بس مزال تحت تخدير البنج
باتي قاله باهي نبو نخشو نشوفوه ممكن 😕
الدكتور مفيش مشكله بس يا ريت مطولوش
.
خشو كلهم و خشت مرت بويا وانا قعدت بره وخايفه نخش مش مستوعبه كيف قطعوله يده 😣
ونسمع في مرت بويا تعيط بصوت عالي وااك يا ولدي شن دارو فيك 😢
جو الممرضات يجرو وخشو للدار وقعدوا يقولو لي باتي معليش لازم تطلعوا مينفعش هكي 😑
باتي طلع مرته بره الغرفه وانا قاعدة نبكي ومش قادره نخش بكل 😣
وبعدها طلعت ريم ودلال
قعدنا قدام الغرفه كلنا باتي ضبح ع الدكتور وقاله امتى ينوض احمد من البنج 😑
الدكتور قاله بصراحه مش معروف امتى لاكن نحنا ما نبوش نوضوه ع سبه لو شاف يده حالته الصحية ح تدهور بكل 😕
.
باتي شكرا يا دكتور 😊
.
مرت بويا حسبي الله ونعم الوكيل فيكم يا حيوانات 😠
الدكتور 😲 اهدي يا مدام
باتي سكري فمك 😠
الدكتور نستأذن
باتي تفضل معليش تاعبناك
الدكتور ولا يهمك انشالله ينوض بالسلامه
ريم ماما كنك شن ذنبه الدكتور 😕
مرت بويا هما الي قطعوله يده 😑
دلال باهي يا ماما مكانش في حل تاني 😕
باتي هيا بنروحو 😧
مرت بويا انتو روحو انا بنقعد مع ولدي 😣
باتي لا شن بديريله وهو راقد 😕
هيا نوضي خلي نمشو
ريم هيا يا ماما توا نجوله بكرا تاني 😑
.
وطلعنا ركبنا في السياره و مشينا للحوش
.
ريم ودلال خشو غرفتهم مرت بويا خشت دارها و باتي قعد في الصاله 😕
.
انا قلت لي باتي نديرلك غداء
باتي لالا نبيش ديريلي قهوة راسي صداع 😕
.
انا مشيت درتله القهوة وبعدها مشيت لي ريم و دلال قلتلهم نديرلكم تتغدو 😕
.
ريم قلتلك مانبي من وجهك شي 😠
.
دلال وانا عنديش نية نبي نرقد 😑
.
مشيت غرفتي و قعدت نفكر اخره زعما شن صار في خالد 😣
.
شوية نسمع في صوت عياط مرت بويا 😲
.
طلعت بسرعه من داري و لقيت باتي وخواتي طلعو يجرو ع غرفة مرت بويا 😕
.
خشيت نجري ع دار مرت بويا معاهم 😴
.
بحتت هكي لقيت مرت بويا......؟
😱😱😱😱😱😱😱😱
.
.
.
يتبع....
زعما خيرها سميه؟؟؟
ورافع مزال بيخبي عليهم حقيقة ان احمد مش ولده؟؟؟
واحمد ولد سالم ولا صالح؟؟؟
وخالد شن بيصير فيه؟؟؟
كله نعرفوه في الحلقات الجاية
لايك و تعليق انزل الي بعدها
