باركولي كملت امتحانات روروروروروري
.
.
.
باتي شن يدير هذا هنا 😡
.
احمد ناض وجا بيسلم ع باتي 😑
.
باتي دفه وقاله انت شن جاي تبي ها 😠
.
احمد كنك يا باتي جاي لي حوشنا شن شن جاي ندير هنا 😕
باتي ملا امك ماقالتلكش 🙄
.
احمد شن بتقولي ما قالتلي شي قالت تعاركت مع باتك بس وانا شن ذنبي كان تعاركتوا 😕
.
باتي هه احمد انت مش ولدي فهمت انا مش باتك امك جايباتك بالحرام ومش معروف من باتك عدي دور باتك ومعاش نبي نشوف وجهك مره تانيه هنا 😠
.
احمد 😳 شنو شنو وطلع يجري ع المطبخ جاب موس وجا يجري ع باتي يبي يضرب باتي بالموس وقعدنا كلنا نعيطو ونشدو في احمد باتي حاول ياخذ منه الموس بس جرح يد باتي وقعد يقوله صار انا ولد حرام 😠
.
باتي بعد معاناه فك منه الموس وقعد يضرب في احمد ونحنا نحزو لعند باتي مسك احمد و طلعه بره الباب ونزله لوطه وطلعه بره الحوش وسكر عليه الباب 😑
.
يا عليك عار شن هالعيله 😕
.
واحمد مسكتش قعد يحدف في حيط ع الباب يبي يكسر الباب ويعيط بصوت عالي والله ماني مسيبك يا رافع والناس التمت وطلع خالد وقعد منضرنا زباله قدام الجيران 😴
.
وقعدو يمسكو في احمد ويقولوله يا راجل عيب هدا باتك واحمد يقوللهم مش باتي هدا واحد فاسد 😡
.
وباتي يعيطله من البلكوني فوق ويسب فيه ويقوله والله نقتلك انت وامك 😠
.
وخالد مصدوم بكل وانا قعدت نبكي ع العار الي يصير قدامي 😴
.
الناس حزو المشكله وباتي خش واحمد مشا وقعدنا كلنا في الصاله
.
باتي قال من الي فتحله الحيوان هدا 😡
.
ريم مروه الي فتحتله وانا قلتلها ماتفتحيلاش بتصير مشكله لاكن مسمعتش كلامي بكل 😕
.
انا والله ماصارت يا باتي تكذب عليك اقسم بالله فتحت الباب لقيته قدام وجهي دفني وخش 😑
.
باتي هدا كان جا مره اخره وانا مش قاعد ماحد يفتحله فاهمين 😡
.
انا حاضر
.
ريم قول لي مروه الكلام هدا مش نحنا 😑
.
دلال اها صح مروه هيا الي تفتح في الباب ديما 😕
.
درتلهم العشا وتعشو وكل واحد مشا لي داره انا خشيت داري وكالعاده كلمت خالد
.
وطبعا قعد يسأل فيا شنو الي داره باتك هذا 😕
.
انا قتله الله غالب بيش تعرف كيف انا عايشه 😴
.
خالد انا بنجي نطلب يدك بكره
.
انا لالا اصبر مزال
.
خالد هدا اخر كلام عندي 😑
.
انا مزال الجو متعكر يا خالد اصبر 😕
.
خالد توا ليا قريب شهر صابر خلاص هدا وقته وتي روحك بكره 😤
.
انا اللي يريحك ديره 😴
.
تاني يوم باتي اتصل بي ريم قاللها نضفي الحوش وتي المربوعه جايينا ضيوف 😑
.
ريم من هما يا بابا
.
باتي توا تعرفي بعد يجو
المهم نضمنا الحوش وكل شي تمام
.
انا لبست لبسه حلوه
.
ريم ليش لابسه 😕
.
انا شي 😑
.
روح باتي ضبح عليا مروه تعالي للمربوعه نبيكي بروحك
.
انا حاضر
مشيت لي باتي قالي اسمعيني انا عارف روحي ضلمتك واجد وعارف روحي قصرت معاكي واجد
وتوا اول شي نبيكي تسامحيني
انا مسامحتك يا باتي
باتي توا في ناس جايين يطلبو يدك
.
انا من 😳
.
باتي ع اساس متعرفيش ولا تستعبطي 😁
.
انا ضحكت وسكتت باتي انتي شن رايك في خالد
انا مش عارفه 😊
باتي معناها تبيه
.
باهي توا يجو ونتفاهمو معاهم وانشالله يكون من نصيبك
.
انا ساكته
باتي مع ان المفروض انا منوافقش لين تطلع ريم ع خاطر هيا اكبر منك بس انا حنوافق عشان انا ضلمتك واجد قبل
.
وطلع
خشت عليا ريم قاتلي شن قالك بابا 😕
.
انا شي 😑
.
ريم ليكم نص ساعه تحكو وتقولي شي 😡
.
شن قالك تكلمي
.
انا كان ياخد في رائي في ناس جايين يخطبوني وانا قلتله موافقه 😇
.
ريم ومن هما الناس هادم 😳
.
انا خالد جيرانا
.
ريم توا خالد بيخطبك انتي يا جربوعه 🙄
.
انا الله يسامحك وطلعت و سيبتها 😑
.
بعد شويه رن الجرس 😍
.
طبعا ما ينفعش انا الي نفتح
.
نزل باتي فتحلهم الباب
.
خشو المربوعه وام خالد خشت لي دار الضيوف 😖
.
وسلمت عليا بالاحضان وسلمت ع ريم و دلال سلام عادي بيدها 😐
.
🌺รєє๒๏๏🌺: بتسلم برجلها مثلا يا عليك حاله وخلاص 😑
.
وقعمزت انا جبت العصير وحطيته قدامها
.
ام خالد تسلمي يا بنتي ليش متعبه روحك
.
بعد شوية ام خالد ها يا مروه شنو رايك في خالد موافقه عليه 😇
.
انا اللي يقوله باتي نرضى بيه 😊
.
ريم بس مروه صغيره ع خالد 😕
.
ام خالد لا مفيش فرق سنتين بس 😑
.
وبعدين يا بنتي مش مهم العمر اهم شي في قبول بيناتهم 🤗
.
انا ساكته وريم تغلي نار نار
.
دلال صبت وطلعت من الدار
.
وبعد شوية ناضت ريم وطلعت حتى هيا 😕
.
وقعدت انا بروحي 😣
.
ضبح عليا باتي مروه هاتي العصير وتعالي
.
وهذي اصعب لقطه في حياتي كلها 😣
.
خديت العصير ويدي ترعش قريب نكب مني العصير 😴
.
خشيت خديت العصير وجيت بنطلع باتي قعمزي يا مروه 😑
.
قعمزت وكان خالد قاعد قدامي وجنبه باته
.
وخالد يبحت فيا ويبتسم ويغمزلي 😐
.
وانا مرتبكه بكل بكل 😴
.
بات خالد شن حالك يا مروه
.
انا بصوت واطي بكل بخير الحمد لله تسلم 😊
.
بات خالد علي صوتك منسمعش فيك متتحشميش انا زي باتك راه 😊
.
انا شكرا
.
بات خالد شن رايك نحنا جايين نخطبوكي لي خالد موافقن ولالا 😑
.
انا باتي هو الي يقرر انا عنديش مشكله بس الكلمه لي باتي 🙃
.
بات خالد تمام شنو يا رافع نقرو الفاتحه
.
باتي تمام مفيش مشكله بس دقيقه يا مروه عندك طلبات تبي تطلبيها 😕
.
انا لا عنديش طلبات يا باتي
.
بات خالد متتحشميش يا بنتي قولي بالك عندك طلبات
.
انا تسلم معنديش اي طلب
.
وخالد يغمزلي 😄
.
باتي اسمعي يا مروه نحنا اتفقنا
خالد بيجبلك 30 جرام ذهب
وبيسكنك في حوش بروحك
وبيكتبلك مؤخر 100 الف
وخالد قال ما يبي منك شي هو بيتكفل بي كل شي شنو رايك موافقه 😊
.
انا موافقه
باتي نقرو الفاتحه
.
وقرو الفاتحه متاعي
.
ام خالد بدت تزغرط
وتمت الخطبه تاعي بنجاح مفيش اي مشكله بس انا كنت مش مصدقه
.
وطبعا حددو موعد العرس بعد ماخالد يتخرج وكان مزال سنه ويتخرج
.
وبعد ما طلعو بدت المشاكل ريم كيف يا بابا توافق وانا مزال ما جاني نصيبي مش مسامحاتك 😕
.
باتي هدا بدال ما تفرحي لاختك تقولي مش مسامحاتك 😑
.
ريم خشت دارها وسكرت الباب
.
ومشت فتره وايامي كلها حلوه وخالد كل يوم جايني بهدية شكل طبعا اول هديه كانت آيفون 5 في نزلته 😍
.
وريم ودلال قريب ينجلطوا مني
.
ومره يجيبلي تورته ومره شكلاطه وكل مره شي جديد
.
لعند يوم من الايام
.
جاني خالد للحوش وكان ديما يجي ونقعدوا مع بعضنا في المربوعه بس كنت نخلي في الباب مفتوح طبعا
.
المهم اليوم هدا جاني خالد وقعدنا وهدرزنا وجونا حلو
.
وجا خالد بيروح
.
ضبحت عليه ريم وقاتله نبيك في موضوع ضروري
.
خالد تفضلي انشالله خير
.
ريم خش المربوعه بس نبيك بروحك انا استغربت وطلعت وسيبتهم وانا نغلي نبي نعرف شن يقولو وقعدت نقول في سري عادي توا نكلم خالد ويحكيلي
.
خشت ريم وخالد
.
ريم يا خالد انا نبي نقولك ع شي ولازم تعرف الحقيقه
.
خالد شن فيه انشالله خير
.
ريم بس توعدني متقولش لي مروه
.
خالد وعد قولي شن فيه
.
ريم بصراحه هكي خايف تنصدم بس بنقولك
انه مروه........؟؟؟؟؟
.
.
.
يتبع....
زعما شن بتقول ريملي خالد ؟؟؟
وهل خالد حيحكي لي مروه الي بتقوله ريم؟؟؟
وهل حيأثر الشي هدا على علاقتهم؟؟؟
كله حنعرفوه في الحلقه الجايه
لايك وتعليق للاستمرار
