إنه يؤلم... النظر إليها 💜مكتملة💜

الجزء:8

🥀إنه يؤلم.....النظر إليها🥀

      "كأن الأحلام تأخد نسق أخر"

                   الجزء:8

                   بقلم:لينا

•سيئ جدا حين يختبئ شيئا بداخلنا ليس لدينا القدرة على التخلص منه، لايحكي ، لا يكتب ، لا يفهم ، و ليته يمحى•

.....ثلج كينزل على بشرتها ناشفة.... برد كيختارقها مصحوب بأمل و رغبة في التغير رغبة أخرى في التقدم و خطوة نحو عالم آخر....واقفة قدام منزلها جديد كتلمحو برضى كأنها لقات مبتغها ...حديقة صغيرة مخربة خيلات ليها عامرة بالورد الأحمر....منزل ذابل خلاتو يبري و يولي مشرق...عطات لواقع مذاق عن طريق مخيلتها عطاتو حياة بطريقة أو بأخرى حلات الباب و الإبتسامة ما كتفرقهاش روحها و نفسيتها متحررة نادرة لقديمة بقات بين جدران غرفتها لقديمة هي و سندها الخيالي.... كانت نادرة جديدة نادرة كتعج بالحياة و رغبة في الحب....تكات فوق سريرها و غمضات عينيها و خلاتهم يدوها ليه و كتمنى من كل فؤادها أنها غدا يكون حسن ....

الوقت..... الوقت كيلعب معانا كيخلينى نتعلقو بيه و في الأخير كيتخلى....كيخلينى نبنو أحلامنا عليه و نحسو براسنا أنه  غادي يبقى معانا  و لكن كيمشي  بحال أي حاجة هو لحظي كأنه عمرو ما كان.... غير مرئي و لا بحال خرافة و لا أسطورة....كيقتلنا اه كيقتلنا ببطئ بطريقة كتغرينا و تخلينا نتعلقو بيها و نبغيوها و لكن في النهاية غادي يطعنك من الخلف بحال أي حاجة.

.....شافت فيه لآخر مرة بكل حب و ودعاتو و كتمنى من كل قلبها أنه يلقى طريق صحيحة لي تخليه يفرح و يرجع لطبيعتو....صداقتهم مبنيا على أساس صلب و خلاتهم يكونو هما حاليا....عنقها بكل رقة و حزن كأنه كيكول ليها هاد اخر لقاء تهلاي فراسك ركب في طونوبيلتو و خلا من موراه صديقة وفية... حب حياتو ....و يحيى لفاشل كيف كيسمي راسو...مشى و عندو هدف يحي لفن ديالو و يعزز تقتو في راسو و خلا طريق تديه....كان جو مغيم خلاها يبتسم و يحك شعرو ببلاهة كأن أمنياتو كاملين تحققو  و لكن هنا بضبط لعكس يمكن كيضحك بمرارة و ألم حاول ينسى و يراجع افكارو لي ليل كامل و هو كيحفظ فيهم و طلق أغنية Ali Gatie  Moonlight  حاول ينسى و يمشي مع لحن لكن هاد الأغنية بضبط كتخليه غير تايه في افكارو و كيفكر في نادرة...
...عاطفي لدرجة أنه غرق ما قدرش يخلي عقلو يتحكم و يوضح ليه طريق عاطفتو كتسيطر و تخليه  غير راضي على قرارات عقلو كيشوف كلشي من منضور قلبو كيخلي مشاعرو تسيطر و تعيش و لكن هنا بضبط واخا قوة مشاعرو ماقدرش واخا قدرة شخصيتو العاطفية تحكم إلى أنه ما قدرش....ستسلم للحن و مشى مع طريق بكل حواسو....خلا كلشي للقدر بكل بساطة ستسلم و لكن باقي عندو إيمان....

...الأفكار كتحصرنا من كل منطقة و كتخلينا نعيشو فواحد زون  سميتها الفراغ  هاد الإحساس الغير مرئي كيعذب كيقتل كيخلي الخوف يكلنا و يستوطنا يلعب بينا و معانا يتجسدنا يكون هو حنا و كيخلينا مكبلين بأغلال كتحرمنا من طفولتنا و كتحرمنا حتى من راسنا.... إحساس سميتو فراغ كيخلينا تيهين و ما مستوعبين والو غير كنشوفو بصمت و صافي....كنخليو كلشي يولي معقد و نخليو ردود الفعل تبرد و الاستفزاز يتلشى...يمكن كلشي يولي حنا و يمكن حنا نكون هما...

....أشعة شمس كسرات ظلام غرفتها خلوها تحط إديها فوق عينيها بخفة كان واضح على ملامحها الإنزعاج و لكن غير تفكرات فين هي...ناضت قافزة....لمحات لغرفة ببراءة و متعة ناضت بدون أي تعب.... أول نهار في منزلها جديد خصها تقادو و أول حاجة طاحت ليها في بالها هي الجردة .....لبسات حويجها بخفة و خرجات في بالها بزاف ديال الخطط...
ضحكة ما كتفرقش محياها كتضور بين ديور صغار و كتلمح أطفال كيجريو و يلعبو بالغيس كتحس براسها مرتاحة واخا ما تبدل والو يمكن نفسية كتلعب دور....وقفات قدام واحد لحانوت كيبيع المنتجات ديال الزراعة...
نادرة: سلام عمي
......: و عليكم سلام اش حب لخاطر أ بنتي.
نادرة: عفاك بغيت واحد شتلات ديال لورد لحمر و لبيض الى كان ممكن و بغيت سماد و حتى مقص لمخصص ليه بغيت حتى هاديك لمادة لي كتخلط مع تراب باش  تطلع ليا مزيانة.
.....:واخا مرحبا.
بتسمات  ليه بود و خدات من عندو كل ما حتاجت.... توجهات لدار و هي غير كتشوف في جمالية المنظر و حتى لبلاصة كانت منطقة هادئة و بعيد على لمدينة و حتى على الأنظار ...حطات لمعدات قدام جردة لمخربة و هي كتبتسم ليها كأنها كتكول ليه ما تخفيش انا غادي نرجعك حية....دخلات قادات كل ما كتحتاج من ماكلة جمعات دار و كلات و جى لوقت لجردتها...
كلسات على الارض و حطات كل أدروتها و بدأت كترسم في لوحتها الفنية بكل حب و كتعطيها أمل و حنان كأنها كتراعي طفلتها بكل برائة.....