💜قصة كاملة 💜
🥀إنه يؤلم .... النظر إليها 🥀
....شمس لخريف سيطرات على قلمي و خلاتني منحاصرة في واحد دوامة زمنية....الوقت فيها ما كيتحركش جامد يمكن كيتسناني نكتب يمكن أنا لي كنحركو و كنتحكم فيه يمكن افكاري و لا حتى لقلم... طبعت اول...
..... عاصفة افكار غادة و كتزيد في وتيرة ديال الالتهام....كيفاش قادر يتحمل هاد شي كامل كيفاش قادر يخلي كلشي...دق دقات خفاف على لباب كأن دوك دقات كيدقو ليه في قلبو...سد عينيها و عاود دق و هاد لمرة بقسوة و قوة أكتر....حس بالفشل أعتقد.... واحد لفشل من نوع آخر فشل باطني فشل غير مسالم....بعد خطوات على لباب كأنه شي حاجة غادي تهجم عليه وتاكلو حس بالخطر بواحد لمزيج من المشاعر ما كرهش يخرج هاد لمشاعر و هاد الأفكار من عقلو و يحطهم قدامو و يشوف فيهم كيفاش كيضاربو.....لمحاتو ساهي في الفراغ و وجهو شاحب كأنه محروم من شي حاجة خلاتو يوصل لهاد لمرحلة كأنه كيحتضر حسات بيه ما واعيش ما فاهمش حسات بيه ما حيش بكل بساطة....نظراتها كتلتهم تفاصيلو كتجبدو بطريقة ما كترحمش كتخلي افكارو يتمردو و أحاسيسو يطيرو....كان واحد لكونطاكط غريب بيناتهم واحد لعلاقة متجسدة في نظرات ...العيون كتبوح ببزاف ديال الكلمات كتخترق قلوبهم نيشان....لحظة عاشتهم حد نخاع...واش لقدر بغاهم يعيشو وسط هاد لحب واش لقدر مل من هاد نهايات ترجدية و بغى هاد لعلاقة تعيش و تحيا و تعالج مرض كل من هاد العاشقين واش لقدر بغاهم يكونو بجوج.... عينيه بين طياتهم تردد لسانو بغى يدوي يعبر يخرج أحاسيسو لمدفونة....صافي لفشل لتهمو حرب دموية غير عادلة و لوحة مجنونة فوسطها أحاسيس و مشاعر دلالتهم عميقة نقدر نقول بلي لعاطفين يفهموها....كيقرب بطريقة كتخلي قلبها يفشل كتحس بيه غادي يتفركع...هالتهم تلاحمات قلوب مع بعضياتهم نساجمو ...نظارات عتارفو، لقلوب كدلك لعقل تقبل لفكرة...لكن لخطوة الاولى اه خاص خطوة كلمة وحدة تغير مجرى لقصة و تعطي فرصة لهاد جوج..... ....لحروف قدام عينيها خصها ترتبهم خلات لقيادة لقلبها....و عطاتو فرصة يدوي.. نادرة: عرفتي شحال تمنيت من مرة نتبغى بعيوبي....شحال تمنيت نشوف انعكاسي فعينيه هو شحال من مرة كنفشل و كنتاقد راسي و كنكول بلي أنا ما خصنيش نكون هاكدا...واش الاختلاف بصح ألم و خطيئة ما كتغفرش....واش ضروري نكونو بحال كلشي و نسميو لحب غريزة ماشي إحساس بريئ....كانو هادو افكاري لي ما كيرحموش.... عرفتي أ يحيى شحال صعيب تعيش بسلم وسط هاد المجتمع {شافت فيه و عينيها عامرين دموع} شحال صعيب يكون عندك قلب فهاد لحياة و لكن دابا ما كنحسش براسي فاشلة...حيت وقفات لحظة كتفكر واش تعتارف بكل بساطة واش ما غاديش ترفض و تنتاقد افكارها لعدونية سيطرو هاد لمرة خلوها تخاف...تحس بعد الأمان بلي احاسيسها فخطر....قرب ليها و لمح رعب وسط عينيها فهمها فهاد لحظة فهم من اش كتخاف واش يعبر دابا واش يدير لخطوة لي كانت كتخليه خايف سنين هادي.. يحيى: حيت أنا كنتمي ليك أ نادرة...اه وليت ليك و ما عمرني بغيت شي وحدة من قبلك... أنت سيطرتي على هاد لقلب لي كسر قوانيني و خلاني كنموت...أنت أي حاجة فيها ضوء في حياتي كنت نجمة لي صطعات...كنت لحاجة لي كتقتلني و تحيني...كيفاش ما بغتنيش نبغيك و انا بغيتك قبل حتى من عرف باطنك...يحيى كيبغيك أنت و غادي يبقى يبغبك.... قربات ليه و دموعها كينزلو بغرازة و قلبها كيرفرف...عنقاتو و حسات بلي أي حاجة في داخلها تكسرات...من ألم و حزن و اي شعور حسات بيه... نادرة: ما كنتقش في كنبغيك...لكن كنتيق فيك. بتسم ليها بود و شاف في عينيها لي كيبريو بطريقة خلاتو يتيه يحيى: ما كنتقش فهاد لحياة لكن ملي كنشوف عينيك كنحس بيهم كيعدبوني و كيسجنوني ضمنهم و كنتق فيهم....
ضحك ضحكة خفيفة و مسح دموع من عينيها.... سهى في ملامحها كأنه كيشوف فيهم ماضيها طفولتها لحظاتها زوينين لي عاشتهم....قرب و طبع قبلة لي كانت ختمات قصتهم لكانت في رسوماتو حلم و كانت في عقلها وهم... يمكن هي نسجاتو في مخيلتها و هو رسمها.....
....وسط لحظتهم لي مسيطرة عليها رومانسية و حب و الألم... في بلاصة أخرى كان كلشي ساكت قلمو لي خدام كينسج و كيختارع جوج شخصيات كل وحدة بأحاسيس كتميزها إلى أنهم كيكملو بعضياتهم حيت يمكن تتختارعو باش يكون هادا قدرهم لي غادي يكتبو هو لكن شكون هو؟؟ ما كنتوش كتوقعوه...
°خاتمة°
...... نادرة و يحيى جوج شخصيات فاشلين في تعبير ضيعو سنين عمرهم خايفين من رفض خايفين من الخيانة و حتى ثقة.... خايفين من المجتمع و نظرتو لاحاسيسهم لي كيشوفهم يمكن لا شيء فراغ في فراغ.....كملو بعضياتهم و حتى لقدر عونهم و خلاهم يتجمعو و يكونو واحد...يمكن تشوف راسك يحيى و تشوفي رأسك نادرة تحسي براسك فاشلة و ما عندكش لحق تحسي و توري داك لجانب لعاطفين لمجتمع حيت أنت خاضعة و خصك تباقي و أنت خصك تخبي و تكتم مشاعرك باش تبقى الدكر المسيطر.....لا بالعكس حنا اقوى من هاد شي حنا حساسين و عاطفين و قلبنا هو روحنا و هو لي كيخلينى نحيو....نعيشو و نخليو حبنا و احلمنا تكون حقيقة و تكون موسويقتنا لي غادي تورينا طريق.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
