🥀إنه يؤلم.....النظر إليها🥀
"كأن الأحلام تأخد نسق أخر"
الجزء:9
بقلم:لينا
....وقف بسيارتو قدام منزل جداتو لقديم غير لمحو رجعو بيه الأفكار لطفولتو و كيف أول مرة هز فيها لقلم و لبانسو ديال صباغة كانت أول لوحة ليه فهاد دار فهاد المكان لمخروب كيف كيسموه خوتو كيلمح دار بكل حب كيحس بيها...كتخليه هايم وسط غيام أفكارو جبد سوارت و حل لباب دخل كيشوف فيها بكل خفة و أي منطقة طاحت عليها عينيه كتفكرو في حدت أتر فيه حط صيكانو و جلس فوق لفوطاي و غمض عينيه كيفكر.... كان كيفكر فشنو غادي يدير....خاصو يقلاب على محال يكريه أولا خاصو يتقدى صباغة و كل ما كيحتاجو إضافة أنه خاصو يشري كمرات و طبلوات....ناض كأن الوقت كيداهمو خرج كيتشمى و كيقلب على فين ياخد غير صباغة.....دوز عينه على ديور جنبو كيتمشى و كيحلل كل خطوة كيديرها كأنه ما واعيش....لكنه وقف اه وقف و عينيه ما متيقنش اشنو شاف أفكارو خداو منحى آخر مصدوم ما فاهم والو كيحس بداتو كترجف ما توقعش هاد شي غمض عينيه و حلهم باش يتأكد بالله عليك راه هي واقفة قدامك بكل براءة....كتزرع بكل حب و عينيها كيخرجو منهم بريق غريب كأنها راضية على راسها حس بلي تبدلات فيها شي حاجة حس بيها حية يمكن كان غير كيشوف و صافي ما فاهم والو لقدر لعب لقدر دار هاد شي كامل لقدر بغاها يبغي و يعيش هاد الحب....
....مسحات وجهها من لعرق بخفة ...دارت بغير وعي لكنها لمحاتو بطريقة غريبة و بريق مختلف حسات رأسها داخلة فهالة معاه و شي حاجة كتفوق قوتهم كتخليهم يقربو....وقفات بلا حركة و لا حتى كلمة....كانت فقط كتنفس....كيحس بيها كتختارقو بنظراتها كتقراه كأنها عارفة كلشي ما فهم والو كيف و علاش.... هنا بضبط حس بلي المشاعر لي بغى يدفنهم خرجو مجهدين أكتر من الأول....كان واقف مصدوم و كيفكر ما عندوش رغبة يحيد عليها نظراتو كأنه كيقول بلي اخر نظرة لكن للقدر رأي آخر.....ما فهمات والو مشاعرها كتحس بيهم كيحرقوها من داخل كياكولها بغاو يخرجو يمكن نظراتو خلوها تخاف من أنه يعرف ماهيتها و يعرف شكون هي و ضعفها....حسات بالخطر مخلط بالحب و الأمان و حتى الحنين اه حنين من نوع آخر.....قلبها كيضرب بطريقة جنونية قلبو كدلك عقلها حبس على تفكير عقلو كدلك خيالو خداه و خيالها قادها ليه ..... كانت كتحس بيه قريب ليها كتحس بيه ماشي عادي كأنه كين كيمياء بناتهم...واحد نوع من المشاعر المقدسة خرجات بطريقة ما واضحاش....عينيها في عينيه بدون أي حركة و لا حتى مقاومة راضين باغين يبقاو هاكدا....قرب كان كيقرب و أفكارو و مشاعرو بغاو يسمعو صوتها و يخطفو أول حضن و أول قبلة...قلبو كينبض بطريقة جنونية كيحس براسو كيتمشى عليه خطوة كيديرها كيحس براسو ان شي قوة أقوى منو كتقيدو و تحكم فيه .... قرب حداها و نظراتو كانو أكتر قوة كأنه كيقول ليها....سنين عمري ضاعو على قبل شوفتك....كيتمنى يحط إديه فشعرها يسمع ليها و يحس بألمها كان باغي يبقى جنبها و يكون ليها... كتشوف فيه و عقلها غير واعي كأنه فقد الإدراك....كتحس بطاقة غريبة خيالية كتكول ليها عنقيه ها هو قدامك....خطفيه ليك نظراتها كتفحصو بدقة متناهية و هو قريب ليها ريحتو حسات بيها خترقتها بطريقة مستفزة.....كتحس بيه تملكها بكل بساطة....تملك قلبها تملك عقلها و حتى جسدها....كانت كتحس بيه متردد متوتر خايف كتحس بيه مصدوم ملامحو شويا بشويا كيتبدلو كأنه حتى هو عالق في حفرة الأفكار و كيحس بيها كتحاسرو و كضغط عليه....كان خصو يدير اول خطوة لخطوة لي خدات شبابو و هو كيفكر ليها ستسلم لعفويتو و خلاها هي تحكم بكل بساطة إلى بغى لقدر يلاقيهم فراه هو لي غادي يجمعهم...
يحيى: محتاج مساعدتك؟؟
كيلعن راسو ألف مرة على هاد الغباء لي تسلط عليه...اش هاد سؤال...شافت فيه ببراءة كأنها غير مبالي بشنو قال بل المهم أنها سمعات صوت لي حسات بيه أسرها بطريقة و خلاه تيه بطريقة أخرى...
نادرة: اه واخا..
شاف فيها كأنه تبلوكا ما عرفش اش غادي يقول ....
أنت تقرأ
إنه يؤلم... النظر إليها 💜مكتملة💜
Romance💜قصة كاملة 💜 🥀إنه يؤلم .... النظر إليها 🥀 ....شمس لخريف سيطرات على قلمي و خلاتني منحاصرة في واحد دوامة زمنية....الوقت فيها ما كيتحركش جامد يمكن كيتسناني نكتب يمكن أنا لي كنحركو و كنتحكم فيه يمكن افكاري و لا حتى لقلم... طبعت اول...
