قيد الإمتلاك ( مكتملة )

الحلقة السادسة

تململ على الفراش وهو يحاول اسناد ظهره ، فتح عيناه بهدوء والتفت للحظات حوله
_ إيه دا
_ ايه
_ انا ايه ااي جابني هنا
_ .....
_ بقلك ايه الي جابني هنا
_ الفار
_ الفار ؟
_ الفار الي بتخاف منه
_ مين قال كدا
_ انت قلت كدا
_ ايه
_ ايه ؟

وتنحنح وهو يحاول يشغل عيناه عن عيناها الساخرة ...

_ حازم : بس بس انا مبخفش من الفيران
_ رقية : فعلا

واقتربت منه بثقة ...

_ رقية : اومال ايه الي جابك الاوضة امبارح
_ حازم : هاه !
_ رقية : امممم ؟
_ حازم : انا انا كنت ، اصل في ، انتي ايه الي مقعدك في اوضتي اطلعي برا
_ رقية : تؤتؤ انت الي هتطلع عشان انا ناوية اغير هدومي
_ حازم : غيريها هناك في اوضة الفيران
_ رقية : دي اوضتك انت وانت هتخرج
_ حازم : طيب متزقيش قال يعني انا هموت و اقعد وهي بت...
_ رقية : هاااا
_ حازم : خارج ،خارج

*******************
وقفت في المطبخ تعد طعام الفطور تبتسم لكلمات الاغنية بحب وتتمايل على ايقاعها بهدوء ، اما هو كان يتأملها بصمت ، يقف خلف الباب يستند بكتفه اليه ، ينظر لجانب وجهها و عيناها الصافية بلا اي رتوش اقترب وهو يضع كفه في جيبه

_ حازم : ضهري اتكسر من الكنبة
_ رقية : محدش قالك تيجي تنام عندي
_ حازم : مصعبتش عليكي وقلتي جوزي حبيبي ينام عالسرير
_ رقية : لا يا شيخ وانا انام فين
_ حازم : عالارض ، تعرفي ان نوم الارض مريح جدا
_ رقية : طب ما تروح انت تنام عالارض ولا اقلك روح نام عالارض مع الفيران جوا
_ حازم : يوووووه دي مكنتش كلمة

ومد يده يأكل من طبق البطاطا الموضوع على المنضدة ، ضربت كفه في خفه وهي تهدر

_ رقية : متمدتش ايدك عالبطاطس
_ حازم : الله انا جعان
_ رقية : ما انت هتتنيل اما احط الاكل
_ حازم : اتنيل ! بس بس سديتي نفسي
_ رقية : طيب بطل اكل بطاطس بقا
_ حازم : اصلا مش حلوة
_ رقية : ماشي
_ حازم : اثبتلك انها مش حلوة هاتي حبه وهقلك
_ رقية : اطلع برا
_ حازم : ه ..
_ رقية : برااااا

*****************
خطواتها هادئة على الدرج تنظر بين الحين و الاخر نحو باب جارتها الشمطاء ، تعلم انها ستفتح الباب و ستظهر و ستبخ سمها في وجهها بكساء ولم يخيب ظنها ..

_ فوزية : ودا وقعتي فيه منين دا يا ست سهير
_ سهير : وقعت زي ما موقعت بقا ليكي فيه
_ فوزية : الله مش تقوليلنا يمكن نلاقي ربع حظك دا ولا الرجالة بتوع السيما
_ سهير : اللله اكبر في عينك
_ فوزية : وانتوا بقا متجوظين بقالكوا اد ايه ومقطرتسينا
_ سهير : انتي يا ولية هبلة ، هو مش قالك اننا كاتبين الكتاب ولسه الفرح اخر الشهر
_ فوزية : لا يا حبيبتي انا قصدي على ابحجات التانية
_ سهير : حجات تانية ؟!!
_ فوزية : اهيه ، الحجات التانية يا عروسة
_ سهير : تصدقي انك ولية زبالة و قليلة الادب وانا مدنية نفسي عشان اقف اكلم مع واحدة زيك
_ فوزية : واحدة زيي ايه يا ولية يا نص كم يا بتاعت السر يا الي اهلك رموكي علينا انتي نسيتي نفسك يا بتاعة انتي ولا ايه
_ سهير : ورحمة ابويا يا فوزية ان مالميتي الدور لقلع الي في رجلي وانزل بيه علي نفوخك
_ فوزية : حوش حوش ، برتعش من كلامك اهو
_ سهير : طب لو جدعة بقا خليكي واقفة مكانك يا فوزية و انا ...