_ هتتجوزها يعني هتتجوزها يا حازم
_ عايزاني أتجوز واحدة جاهلة !
_ جاهلة في عينك ، رقية برقبة كل الي تعرفهم
_ ماما حضرتك بتحكمي عليا بعد سنين نجاح وبعد كل الي وصلت ليه اني اتجوز واحدة من الشارع
_ اخرس ! رقية دي تربية ايدي يا ابن لندن
_ يا أمي انا ..
_ انا استحملت كتير .. من يوم ما ابوك خدك وسافر ومبقتش اشوفك الا في المواسم عايز كمان تيجي تتجوز واحدة من برا تاخدك مني للأبد !
_ اه فتجبيلي واحدة منعرفش اصلها وفصلها مش كدا
_ انت متتكلمش عن أصلك يا ابن داوود و لا تكونش نسيت ، افكرك ، دا مكانك الاصلي ! دا بيتك الاصلي ، دي حياتك يا ابن داوود والي بتتكلم عنها دي راجل شالت البيت كله فوقه لتحته انت بذات نفسك يا دكتور يا ناجح متقدرش تعمل الي هي عملته
_ أنا منستش أصلي بس انا تعبت في الي وصلتله
_ وانا تعبت من بعدك عني وحرماني منك ، هتفضل لامتا اناني
_ اناني ! يا امي دي حياتي !
_ اسمع يا حازم اخر كلام ، هتطلع من هنا من غير ما تكون كاتب كتاب رقية مش هيكونلك ام و انا زي ما اتعودت مش هيكونلي ابن والبيت دا متعتبهوش تاني
_ يا أمي بلاش تعقدي المسائل أنا ...
_ أنت شكل أبوك ميطمرش فيك
* اقترب منها حانياً رأسه باتجاهها *
_ أنا آسف يا امي متزعليش
_ هحدد مع البنت معاد يا حازم
* نظر لها بصمت و لم يعقب *
*********************
_ رقية
_ خير يا ست ليلى
_ عاملة ايه دلوقتي يا بنتي
_ الحمدلله ، أحسن
_ رقية يا بنتي انا كنت جاية افتح معاكي موضوع كدا
_ خير يا ست ليلى
_ حازم ابني رجع من السفر
_ حمدلله على سلامته
_ الله يسلم ، هو مش آن الأوان يا رقية
_ آن الأوان على ايه ؟
_ آن الأوان انك تتجوزي يا بنتي
_ اتجوز ! اتجوز ايه بس يا ست ليلى و في الظروف الي انا فيها دي
_ يا بنتي امك اذ كانت عايشة كانت هتفرح
_ ايوه بس هي ميتة يا ست ليلى و الميت ليه حرمته
_ انا مقلتش تتجوزي انهردا يا رقية
_ اما يجي الي فيه النصيب ان شاء الله
_ بس انا قلتلك انو رجع من السفر
_ مش فاهمة
_ أنا عيزاكي لحازم إبني يا رقية
_ دكتور حازم !
_ ايوه
_ بس .. انا .. هو
_ هو مش هيلاقي ضفرك في اي حته تانية
_ انا اسفة يا خالتي بس انا مش ..
_ رقية يا بنتي متتسرعيش و متنسيش ان امك موصياني عليكي و انتي أمانتي في الدنيا
_ الله يبارك في عمرك يا خالتي بس دكتور حازم .. ... ثواني هفتح الباب
* جرت الي الباب وهي تسحب الوشاح ومحاولة ارتداؤه على عجل *
_ مساء الخير
_ مساء النور
_ والدتي عندكوا
_ والدتك مين ؟
_ مين يا رقية
* ابتعدت رقية عن الباب وارتدت نظراتها بينهما *
_ خير يا حازم في حاجة ؟
_ حازم : أبدا ممكن تطلعي شقتنا ثواني يا امي
_ هحصلك
* نزل دون حتى أن يلقي لها نظرة ، التفتت الي كف ليلى الذي لامس كتفها *
أنت تقرأ
قيد الإمتلاك ( مكتملة )
Roman d'amourقيد الإمتلاك هو رجل تليق به الأدوار الشرير و إن كانت عيناه تحمل برائة الأخيرة أما هي ؟ هي الأنثى التي قتلت الشرير و أحييت البطل بقبلة حياة
