حكايه روان ( نوفيلا )

الحلقه ٢

#حكاية_روان

#الحلقة٢

الاستاذ جاي علينا ...

منى : كتمت  كتمت فينا

ولين بجاي تضحك وأنا اشغاله أقّرص فيها عشان تسكت وهي لسا مواصله

فلمن شفت منظر رزان وهي منططه عيونا  قربت افك الضحكه بس اتماسكت وحاولت ما اضحك  ، لو بديت اضحك ما بقدر اقيف بالسهوله

جا وقف قدامنا وقال لينا

_قله ادب كمان

جات لين دايره تتكلم بس اداركنا الموقف دي لو اتكلمت يفصلونا عديل.

المهم قال لينا

_تعالوا  لي الليله في مكتب العميد بعد اخلص المحاضره دي نشوف نعمل ليكم شنو

وشال اسامينا وارقام تلفوناتنا ومسكل في الارقام كمان  ، يعني  في حاله الاسماء غلط  عشان يتأكد وقفل في وشنا الباب .

كوننا بنات عديمات الاحساس اتفقعنا ضحك ، أنا  دي لمن قعدت في الواطه ومنى دي تضحك وتستغفر ..

لين ورزان شويه كدا وروحهم تطلع من الضحك .
بعد خلصنا ضحكنا وقشينا دموعنا من  الضحك اتحركنا للكفتريا   واكلنا بمزاج
ولا كأنو قبل شويه ما طردونا وقفلو في وشنا الباب  وكمان فيها مشيه للعميد.

منى :يعني كيف يشيل ارقام تلفوناتنا !؟
، ما عندو موضوع  ، دايرين نطير منو يعني

رزان بضحكة

_ يمكن عاجباه واحده فيكم ...مالك انتي

لين  إتكلمت

_انا غيتو لو ضرب لي ما بقصر ،عاد باخد تار الدفعه كلها ...

وقتها إتكلمت بين ضحكاتي

_ لو وقع معاك الا نترحم عليه بس ..

منى باستغراب

_ بنات !   ، السطله راكباكم من ساسكم لراسكم ، هسي دي حاله بنات ادوهم انزار وكمان فيها مشيه للعميد ؟

لين  بعدم مبالة

_دايرين يعملوا شنو اصلا  ! وبعدين موضوع فارق ساي  ، هسي دا موضوع يدوني فيه انزار ...

إتدخلت بتأنيب

_براكم عملتوها في روحكم
، بتتكلموا جنب الباب وعلي قولو داقينها ونسه ،بس فضل الجبنه 
....

خلصنا اكل مشينا مكتب العميد مجبورين نعمل شنو ، أول من دخلنا المكتب

لين بهيام

_احي !  يا قلبي دا منو ؟

رزان بتفكير

_ انا مشباهه الولد دا ..

منى والقلوب بتطلع من عيونها

_اللون الاسمر يخلوه ليه بس

سألت بتعجب