حكايه روان ( نوفيلا )

الحلقه ٥

#حكاية_روان

#الحلقة5

وصلنا مكان شبه مضلم كدا  ، انا خفت وما ارتحت للمكان

_مصعب انا ما مرتاحه للمكان دا   

بتلفت  وخايفه بعاين في المكان ........
قبلت عليه  وأنا بحنسو 

_ مصعب  ، أرح  من هنا

عاين لي بطريقه كدا غريبه ومسك لي يدي وداير يقرب علي

جريت يدي منو بغضب

_ دا شنو البتعمل فيه دا ، زاتو رجعني البيت

وهو بنفس وضعو يعاين لي ويبتسم 

نزلت من العربيه وانا خلاص بقلى من الغضب وفي نفس الوقت خايفه
نزل من العربيه  قايلاه داير يراضيني بس إتكلم

الليله حنعمل حفله جميله وانت ضيفه شرف عندنا ترضي تخلي حفلتك

قال الكلام دا بطريقه بشعة خلاص وهو لسا يقرب مني 

_  بطل الهظار البايخ دا ووديني بيتنا ،
والله ما وقتك المكان مخيف وظلام وشكلو ما فيه زول انحنا وين؟

اتكلم

_ اوريكي قعد بهظر ولا لا 

وداير يلمسني ،  زحيت منو وانا خلاص العبرا خنقتني ودموعي دي حلفت تقيف

إتكلمت بشهقات البكى

_ انا حبيتك يا مصعب لي شنو تكذب علي وتغشني انا عملت ليك شنو ؟

_ ولسا بحبك ، بحب جسدك وانوثتك  ، لو بتحبيني صحي بتسمعي كلامي

_حتى  مسأله انك داير تتقدم لي دي كمان كذبه

ابتسم بخبث

_ ما قلت ليك كدا كان جبتك هنا كيف

وبقى يضحك ،  بقيت اكورك واكورك باعلى صوتي

_ساعدوني يا ناس....

وكل ما اكورك اكتر هو يضحك اكتر لمن صوتي راح وبقا ما عندي حس اكورك بيه  تخلوا الوقت دا كلو وهو يعاين لي ومتربع .

_  خلصتي ؟!!  ما في زول بيسمعك عشان كدا اديني العايزو وبخليكي تمشي يا حلوه

_مصعب عليك الله خليني ، حلفتك بالله ..لو بتعزني ارجوك

_لا يااخ دموعك دي ما حتفيد هسي ، خليها لبعدين احسن

بقا يقرب علي  قمت لقيت سيخه ولا حديده ولا شنو ما عارفه كان ما في ضو سمح شلتها وانا بهددو ويدي ترجف وانا ماسكه الحديده

هددتو

_والله تقرب مني بقتلك

ضحك  ورفع يدو فوق وقعد يبتسم

في اللحظه ديك رجلي شويه وقفت من الرجفان
قدرت اجري ،  وانا بجري وهو في محلو ولا اتحرك
استغربت من حركتو انا جاريه وكل ثانيه اعاين ليه القاه في محلو ولا اتحرك .

ولع سجاره واتكا علي العربيه وفضل يعاين لي وانا جاريه  ، بعد مسافه ما اختفى من نظري

شويه ارتحت وانا جاريه و بصوتي الم في دا قعدت اصرخ

وتلفوني زاتو ما معاي اتذكرت انو في شنطتي في العربيه

بديت انادي اكتر  ساعدوني بس اشوف ليك راجل بعيد كدا جريت عليه فرحانه عشان ينقدني ويخلصني من مصيبتي دي..

_ساعدني عليك الله

_ في حاجه ؟

وانا برجف: في زول ساكيني

طلع راجل تاني وقال للراجل وهو بيعاين لي
_ لكن ما مزه

التاني اتكلم

_ صحي مصعب بيعرف يجيب البنات الاصلين ما زيك

في اللحظه ديك اتهجمت واستعديت عشان اجري منهم   القى ليك مصعب وراي .