حكايه روان ( نوفيلا )

الحلقه ٦

#حكاية_روان

#الحلقة٦

قلت لقيت مصعب فاتكلم

_ وتفتكري بخليكي بالسهوله دي .

وانا ماسكه السيخه وبرجف في اللحظه ديك تلفوني ضرب

  الا القاه مع مصعب شايلو في يدو  وشغال يهزو لي بيدو لحدي ما قال لصحبو

_ يدي هسي ما حتفضى شيلو

الراجل جاي عليه عشان يشيلو الا طاخ سيخه في راسو

أنا الضربتو بيها جاتني القوه من وين ما عارفه
حركه ما متوقعها زول لاني ما عندي طاقه عشان امشي ناهيك من اضرب .

وعلي فكره دا كان قصدم من البدايه عشان ما اقاومم كتيربس الله اداني القوه .

طبعا الراجل وقع والدم سايل ومصعب والتاني مستغربين

مصعب اتكلم

_  ما شاء الله لسا فيكي حيل معناتا بنتعب معاك الليله

الراجل قال 
_ ليه تاني ما تجيب لينا بت قويه بتتعبنا 

مسكوني الاتنين وبدو يربطو فيني في السرير بعد ما دخلوني جوا اوضى كدا ما شفتا سمح.
انا في مصيبتي الراجياني

  دخل مصعب اول شي وخلااص لمن قرب علي
سمع حركه برا

_  يا مان ما تخلينا نستمتع

ما رد ليه مشا طاوق برا ما لقاه  ، مرق أكتر وهو بينادي باسمو ما ركزت في الاسم كنت مرعوبه عديل ومنو صوتو اختفى

سمعت صوت خطى رجلين جايا علي
انا بحاول اتفكى الا المح ليك زول خشه الاوضى وفي قميصو دم

انا من شفت الدم وعلي العلي بقيت اشوف طشاش طشاش
قرب علي الزول وسألني

_ انتي كويسه

وانا بعد تعب عرفتو

_ انا محمد عرفتيني ما تخافي انا بساعدك

دا الكلام السمعتو تاني ما حسيت بشئ .

فتحت عيوني براحه ولمن استوعبت الحصل لقيت نفسي في مكان تاني

عرفتا انو دي المستشفى عشان في ممرضه قعد تركب لي في الدرب لمن شافتني قالت

_ لي حمد الله علي السلامه

ما رديت ليها انا كنت ما فاهمه شئ مرقت برا
سمعتا بتقول المريضه فتحت الا اشوف ليك شلتي

بصراحه هم الناس الوحيدين الاتمنيت اشوفهم بعد امي وابوي طبعا

حالتهم كانت صعبه بصراحه  لمن عيونم وارمات من البكا

ولمن شافوني زياده بقوا يبكوت وانا من بكاهم ومن الحادث قعدت ابكي لحدي ما سكتنا  بعضنا

منى : بدل نهديها يا جماعه تقوموا تزودوا عليها

قلت ليهم 

_فهموني الجابني هنا منو وكيف ؟

رزان إتكلمت

_ انتي كدي اهدي وانحنا بنفهمك الموضوع كلو

_   انتوا  ما عارفين حاجه لكن 

وانا بشهق تمتمت بكلامي دا  و واصلت بكاي

لين بانفعال

_انحنا عارفين اي حاجه وعارفين الحقير الواطي المعولق الملعون مصعب دا
منى بغضب

_ما تنسي كلمه الجربوع دي بتناسبو شديد

رزان بصوت مسموع

_ بناات ما وقتكم هسي المهم اخد عقابو
و انتي هسي اهدي شويه وارتاحي وانحنا بنضرب لامك وابوك عشان نقول ليهم حصل معاها حادث بسيط ما دايرين تصحل ليك مشكله بسبب الموضوع دا قلت ليهم تمام

رقدت بعد ما مرقو مني اتذكر الحادث ومصعب الوثقت فيه يعمل لي كدا وقعدت ابكي وابكي لحدي ما نمت.