حكايه روان ( نوفيلا )

الحلقه٤

#حكاية_روان

#الحلقة٤

قلت ليه لقيت كاتب

_ الو

رديت علي رسالتو

_وعليكم السلام😒😒

رسل

_ههههه اخبارك وصحتك 😊😊

_ البضحك شنو؟  😡 انت داير شنو؟  خليك واضح😡

_العفو ياخ انا بس كنت عايز اتواصل معاك واتكلم بس شكلك كدا رافضه😥    ،اسف علي الازعاج 😒يلا ممكن تحظريني😒😒

_انا ما قصدي كدا 😒  ، بس الفهم شنو اتصلت علي 😒 وكمان مرسل لي في الواتس😐

_  اسف علي اتصالي لو ازعجك 😞
، وبرضو علي الرسائل 😞 ، بس والله حابي اتعرف عليك أكتر
😊  بالله ما تحرجيني.😢

وانا اوعدك ما بزعجك بالاتصال او مكالمات😢
واتس بس لو تحبي

كتبت ليه باستسلام

_طيب ما مشكله.

كنت بتكلم معاه ببرود شديد يسأل وانا ارد   ، بس نهائي ما اتكلمت كدا عديل

بعد مرور الوقت بقيت بتكلم معاه كتير  ، وما حصل سمعت منو كلمه كدا ولا كدا
مع انو في البدايه اتمنيت يفلت عشان القى سِبه أحظرو بيها بس ما لقيت

تواصلنا إستمر وبقيت شويه أعجب بيه
وشويه شويه لمن حبيتو
وكان دا اول مره ادخل في علاقه مع ولد ما حصل جربت الحب .

شلتي القلب دي عارفين اي حاجه بيني وبينو ، طبعا لو ما عرفو ديل اليعرف منو،  ديل دبة النملة بيعرفوها .

بقوا يستعجلوني  " خليه يتقدم ليك وتتخارجي" مستعجلات اكتر مني فأنا كإنسانة عندي رأي سمعت كلامم طبعا .
في يوم بالليل مصعب دق لي

_ حبيبتي كيفك ، ياخ لمن يقولا بحنيه كدا لمن تريل عديل
قلت ليه والخجل  قاتلني

_  بخير وانت ؟

_ انا بقيت كويس لمن سمعت صوتك
قلت ليه بحنيه كدا  منافية لطبعي

_مصعب !!

_ عيون وقلب وفؤاد مصعب

_ انت حبيتني كيف ومتين دايره اسمع القصه تاني

_ههههه حاضر اسمعي يا روحي

قلبي يا جماعه ، صحي الأنثى قارورة .

_أنا من جيت اشتغل في البقاله دي شفتك وعجبتيني ، تتذكري اليوم الجيتي تشتري صابون؟
" اجي عمر وين؟"

طبعا قعد يقلد فيني وطلع صوت أحسن ما يتوصف .

_قلت ليكي وانحنا ما عاجبنك ولا شنو
قمت ضحكتي

الوقت داك شلتي قلبي وروحي واي شئ فيني بغمازاتك التأسر القلب دي

_ خلاص خجلتني