#حكاية_روان
_الحلقة٣
قفلت تلفوني بالمره ورقدت نمت ما صحيت الا مع اذان المغرب ، قمت مشيت المطبخ لقيت امي تلبس توبها
_ امي ماشا وين ؟
_ الدكان اجيب كبريت ما تميت الحلى
_ ما ترسلى ولد الجيران يجب ليك
_ ما قاعدين
_ خلاص خليني امشي انا بعد اصلي المغرب اصلا دايره اجيب رصيد
بعد صليت المغرب لبست التوب ومرقت البقاله أصلا ما في غيرها في حينا
فتحت تلفوني لقيت ليك 3رسائل من نفس رقم مصعب
كاتب فيها
" أنا بعتذر كتير منك "
والتانيه
" انا ما قصدي شي "
أما التالته
" ان شاء الله آخر واول مره بس اهم شئ ما تزعلي "
عاينت للرسائل وقلت بيني وبي نفسي بغيظ
_ هسي الكلام دا لو كتبو في رساله واحده بيخسر شئ
تاني أنبني ضميري
_ لكن برضو ما ظريف العملتو كان اخليه يقول العندو بعدين بقفل .
طبعا الكلام دا واناماشا في الشارع لحدي ما وصلت ، لقيتو بيبيع لزبونه وقفت لحدي ما تمشي .
وهو يشيل ويعاين لي جوا عيني لمن اتعقد لاني بصراحه ما متعوده لزي دا
الزبونه مشت وفضلت انا داير يتكلم معاي كدا قاطعتو
_دايره كبريت ورصيد
ومديت ليه القروش ، أداني الكبريت و حول الرصيد
قبلت وانا ماشه وقبل ما أطلع قلت
_انا متأسفه علي اسلوبي قبيل ،
لكن برضو ما من حقك تضرب لي
الكلام دا وانا مدياه ضهري وما إنتظرت ردو وطلعت .
رجعت البيت وفتحت الواتس طبعا عاملين قروب لينا الاربعه بس ومسمنو
(شله واو )
كتبت ليهم باموجي مبسوط
_بنات انا جيت
لين كتبت بفيس ممتعض
_اخيرا شرفتي
رزان كتبت
_صح النوم يا نوامه
منى اخيرا رسلت
_ اصلا دايما وابدا الاخيره ...
رديت
_تعبانه ياخ كيف ما انوم ، وبعدين الضغط من ابو جلحات ، وتاني مصعب الخرب لي مزاجي دا
منى باموجي مصدوم
_ مصعب منو؟😱😱
رزان :😨😨منو دا؟
لين :اها احكي 😨
كتبت ليهم : شمارات بس 😒 ، وأنا ما بحرمكم من شيء
دا سيد البقاله الجنبنا داك 😒😒ما عندو اي حاجه بس عدم موضوع.
رزان : هو ما عندو موضوع انتي اعملي الموضوع. 😁😁
لين : 😂😂اصلا انتي الوحيده في الشله دي ما عندها حبيب 😂😂 ...كلهم الا انتي ياخ غيري شويه 😛
رزان :منو كلهم ؟ انا ما عندي حبيب 😒😒
منى: والخاطبك داك كومه لعبه 😒😒
رزان :خاطبني بس ما حبيبي ...ما حبيتو 😌😥
لين :كدي انتي وهي اسكتو خلو الاسمها روان دي تحكي ...😑
كتبت ليهم :😒😒ما في شئ ينحكى
منى : لو جا يوم لقيتو روان دي جثه معناها دي انا القتلتها 😠😡
رزان :احكي قبل ما اصلك بيتكم بشبشبي😤
كتبت ليهم :😒😒شمارات بس انتوا ديل👊👊
لين :اي اكتبي بس انتي مالك👊
كتبت ليهم الحصل والرسائل ولمن مشيت الدكان بالتفصيل
لين :صحي ما عندو موضوع ، شنو اتعرف عليك😒😒 ...بلدي كلامو 😷
رزان : انا غيتو شفتو ...ما شاء الله كسار 🙊🙊
منى :انتي يا بليده ما تصديه قدر دا كمان ..😒😒
كتبت ليهم : امشو عليك الله فضونا من سيرتو بالله ..😒😒
وانا بتكلم معاهم كدا ...لقيت رساله ...لمن شفتها لقيتها مصعب ...😣😣
كتبت ليهم : يابنات اها رسل الثقيل دا 😡
لين :😍😍 اجري ردي
منى:لا طبعا اتقلي شويه بعد شويه ردي 😁
رزان : يا بت انتي افتحي لينا باب العرس وعرسي ، يمكن بعدك نتجرا😒
كتبت ليهم : ما عندكم موضوع😡😡😑👊
...بس رسايلو كترت بمشي احسمها معاه 😫😠
أنت تقرأ
حكايه روان ( نوفيلا )
Humor🏅#2مساعدة 🏅#3في شلة 🥈7#في أصحاب قصة فتاة في مرحلة المراهقة ، حنشوفا مع شلتا والح يحصل شنو في الحكاية حقتا . قصة للتسلية والفكاهة أكثر ... استمتعوا
