#مآساتي 😔😔 المقدمه عنها 👇
وعن قصه واقعيه حانحگي بلسانها 👇
أنا أسمي ندى م 99 ❤ وقصتي بدت من وأنا صغيره من لما انولدت وجيت عالدنيا هذي 😔😔 وأنا أول ما وعيت وگبرت أشويه لقيت روحي في حضن اختي الكبيره يلي تهتم بيا و بين وسط عيله كبيره عيلتي يلي تتكون من اب و ام 6 بنات و7 اولاد ومن طفولتي كنت انسانه هاديه جدا وطيوبه كانو عيوني فيهم لمعه وبراءه مستحيل تنتسى كان باتي صعب قبل يعني من جيل القديم يلي كانو متشددين أشويه علي ولادهم ... وامي عمري في حياتي ما حسيت بحنان الام ولا خوف الام علي بنتها نهائي امي من جيبتها ليا عطتني لاختي الكبيره تهتم بيا تصدقو حتى حليب امي مارضعته كانت اختي الكبيره هي يلي تربي فينا وتهتم بينا لعند كبرنا بس الشي يلي خلا قلبي يوجعني من صغري هو كانت امي تخاف ع ولادها وبناتها وتحبهم بس انا لا.... كانت ما تحبني كنت ديما نبكي في لليل بروحي وتصدقو كرهتها تمنيت لو ماكانت امي ومرت اسنين وكبرت وقعدت احلى وحده في العيله وكان اي حد يشوفني ينعجب بيا موصفاتي بيضه نقشي رقيق عيوني عسليات فيهم لمعه حلوه شعري طويل وقهوي وقصيره واجد 😅 ديما يقولولي طشه صديقت الطفوله اسمها رتاج وهي اصغر مني بسنه هي م 2000 بس درسنا مع بعضنا لان انا عاودت السنه رابعه ابتدائي المهم كبرت وكنت طيوبه وجوي سمح معا الكل نحب نضحك ونبصر دمي خفيف معا الكل لعند لما خشيت في الشهاده الاعداديه و بدت قصتي في الوقت هضا ........ #يتبع
وهذي كانت المقدمه عن القصه الواقعيه
#مأساتي 😔😔
#للكاتبة_سلطانه_كوكي 📝📝
