#مآساتي 🔥 الحلقه 10 🔥 واقعيه 📝
انا..الو حبيبي
فرج..انا مش حبيبك وعبدو ناسي تليفون جنبي وطلع
انا..حي فرج اسفه نحسابكش انت
فرج...ولا يهمك بس كنت نبي نطلب منك طلب بس وعد يكون بينا
انا اا اكيد تفضل.......
فرج.. انا نخدم مدير لشركه في طرابلس وطلبت كم مره من عبدو انه يجي ويخدم معايا بس هو رفض هو يحبك حاولي انك تقنعيه ويخدم عندي بلكي يسمع منك انا...حاضر بعدين نكلمه ونحاول نقنعه
فرج... تمام
سكرنا الخط وانا مشيت
ورتبت اموري لأنه بكره اول يوم دراسه ومشيت يومي عادي الصبح نضت مسكت تليفوني شويه لقيت عبدو متصل بيا وماوعيتش و لقيته باعتلي رساله الصبح (ساعه ٩ نوضيني)
انا ضحكت وخديت تليفوني معايا للمعهد ومشيت تلاقيت انا واحلام ونجوى نهدرزو ونقرمو وبس جت ساعه تسعه اتصلت بيه وتصبحنا علي بعضنا وسكر وأنا روحت في نهايه الدوام اول ما خشيت للحوش تلاقيت
انا وامي و واضح عليها انها معصبه
انا..خير ان شاء الله
امي.. حولي وشاحك
انا..️😪 زبرر
امي.. حولي وشاحك قتلك
انا حولت 😪😪 وشاحي ببرود
وامي اول ما شافت شعري كيف مقصوص قعدت تعيط عليا وتهزب بصوت عالي انا مشيت وخليتها ببراده لأنه تعودت علي كلامها المسموم لبست ورقدت نضت مع العصر علي وجع بطني يلي زاد بيا اكتر نضت صليت وخشيت للمطبخ طيبت العشاء واتصلت بيا اختى الكبيره حنان يلي مربيتني
انا..الوو
اختي..خير يا بايره 😜
انا.. هههه تمام
و سلمنا علي بعضنا وقالت : بكره بنجي انا وراجلي نشيلك تقعدي معايا الخميس والجمعه وفي يوم السبت نروح بيك
أنا ...استغربت بس قتلها تمام وموافقه وهي تسكن في منطقه بعيده علينا ساعتين بسياره علي شان نوصلوها
(طبعا اختى هادي تزوجت وهي في عمر كبير شوي تزوجت وتطلقت بعد شهر وبعدين تقدملها راجل شيخ ويعالج بالقراءن السحر وغيره ومحترم وعنده اطفال من طليقته قبل وهي وافقت عليه وتوا عندها بنوتين منه اختى)
المهم في الليل كملت حوست الحوش لقيت امي مقعمزه في داري طلعتلي ساكو قاتلي حطي فيه ملابسك وبكره صبح تجيك اختك وتنقلعي معاها وطلعت تنهدت بوجع علي اسلوب امي معايا دعيت ربي يهديها ويهديني خشيت فراشي اتصلت بعبدو حكينا..
حبيبي شنو ادير
عبدو..شي
انا.. به امتى مسافر طرابلس
عبدو... بكره الضهر طالع أنا و فرج إن شاء الله
انا..اها به حبيبي عليش ماتخدم مع فرج مش هو خوك
عبدو.. بعصبيه لا مش أنا يلي نخدم تحت صاحبي هكي يطيح قدري
انا... لا حبيبي هكي احسن صدقني علي الاقل تخدم معاه وتكونو قراب مع بعض ووو
عبدو تنهد به يصير خير كملنا هدرزتنا وسكرت الصبح نضت فطرت لميت ملابسي واستغربت انه كيف امي و باتي ماتكلمو معايا وما عارضو ابدا علي مشيتي قبل لما نقول نبي نمشي يفتحو تحقيق معايا قبل لكن توا كانو عادي جدا معايا و جتني اختى و راجلها ومشينا وصلت مع المغرب غيرنا وخشيت نساعد في اختي نطيبو عشاء تعشينا وهدرزت انا و راجل اختي
(الشيخ محمد اسمه )
خدتنا الهدرزه
حنان..حي الساعه 12
وقت نوم البنيات
انا..ههه خليهن معايا
حنان...لالا حتى انتي ارقدي
انا .. تمام
حولت وشاحي اتصلت بعبدو ماردش عليا تغطيت ورقدت نضت الصبح لقيت اختي وبناتها وراجلها نايضين و فطرنا وقعمزت انا واختي في صاله نهدرزو فجأه
جاه محمد قال :
تعالي للدار شويه وانا
بحتت في أختي بصدمه
حنان ..عدي سلم اختي بيقرا
عليك شويه قراءن بس
انا ..نشوفلهم بصدمه قعدت سارحه
(يعني معقوووله هلي وصلو للدرجه هدي ) **
(طبعا خليني نحكيلكم شن صار قبلها اختي مريم يلي اصغر مني لما شافتني قاصه شعري حكت لي امي ولما امي شافت شعري مقصوص اتصلت باختى حنان وشكتلها وامي واختي فكرو إني مسحوره وتصرفاتي كلهن مش طبيعيه معاهم)
مسحت يلي علي وجهي استغفرت ربي و مشيت مع راجل اختي للدار يلي يعالج فيها الناس المريضه يلي يجو عنده لقيته طارح سجاده وطلب مني نقعد و قعدت وحط يده علي راسي وقعد يقرأ في القران
....
بديت نرتخي وهو يقرا حسيت روحي نوخر لحد ما تمددت ورقدت علي ضهري حسيت بأطراف يدي تجمدوو من سقع مافهمت شي ..
لحد ما كمل قراءة قراءن وانا سارحه في عالم تاني فتحت عيوني عطاني ماء زمزم شربت منه وطلعت من الدار وانا حاسه بدوخه وراسي صداع طلعت واختي علي طول خشت لراجلها وأنا من دون تفكير خشيت طايحه ورقدت نوضتني اختى علي الغداء و علي سفرت الغداء انا وحنان
ومحمد..هااا شن تحسي في روحك توا
انا... عادي شي بس ليش
قريت عليا انا مافيا شي
محمد.. لا غير قلت نقرا عليك علي
الحسد والسحر بس
حنان.. اها وعلي هبال يلي دايرتيه في شعرك
انا .. يعني هدا كله علي شان قصيت شعري درتوني مسحوره
هه ربي يهديكم وخلاص
نضت خشيت لدار وكنت مضايقه ونبكي وبس رن فوني لقيته خطيبي مسحت دموعي ورديت كالعاده سلم
وسكر تنهدت اتصلت ب عبدو
انيا ...الوو
عبدو..شنو جوو
انا..تمام
عبدو.. كنك
انا..لا شي
عبدو..معش تكذبي عليا يا فرخه خير مانجيك
مسحت طرف عيني ضحكت لالا حبيبي شي خطر عليا خويا المرحوم بس
عبدو.. اممممم به الله يرحمه خلاص سادك بكي بكي وانتي زي قعر الطنجره المحروقة
انا طلعت مني ضحكه من وسط قلبي
عبدو..ايواا هكي خليك
به به افتحي نت نبي نشوفك
انا... به حاضر فتحت نت وعلي طول اتصل فيديو كنا مرايفين علي بعضنا لدرجة أنه ماحكينا بس اكتفينه بنظر قعدنا ربع ساعه نشوفو بعضنا وعيونا تحكي وجع وحب سكرنا
.........
#يتبع
.......
اممممم توقعاتكم 😇
وندى تأترت واجد زي ما شفتو ان عيلتها قالت انها مسحوره علي شان قصت شعرها ؟ وباهي شنو فيها كلنا نقصو وحتى انا اوقات نقص في شعري وما نعدلش علي حد يلي في راسي انديره ! يقولو ما تقصيش وان طويل احلى بس نقول باهي ونقصه اخرا 😂 وتوا ناويه نقصه بس هاين عليا 😅 يالا ما علينا فوتوني زرقتلكم المهم وزعما ندى شنو حايكون جديدها وعلي فكره شفتها 😍 ربي يحفظك يا ندى ❤❤ بجد وهذي كانت البدايه مزال الدمار 💔 ربي يفرجها علي كل حد عايش حياة هك ربي يفرجها خاطر هاليوم المبارك ❤ وربي يسعد كل حد حزين في حياته 😔 وعنده حزن كبير في قلبه بجد الحياة زي الكتاب مسكر ويبان اسمه ملفت للنضر ولكن لما تقريه وتخشي في دوامة الحزن هذي تتمنى انك ما قريتيه اوقات الكتاب وفي الواقع تتمنى انك مش موجوده في الحياه هذي وهضا يلي صار امعايا ما يغرك ضحكي 😔 وبصارتي
يالا كترت عليكم بس حبيت نفضفض ❤
.......
#عن_قصه_واقعيه
#مآساتي 😔
#للكتابه_سلطانه_كوكي 📝
