#مآساتي 🔥 الحلقه 9 🔥 واقعيه 🔥
ومرو ايام وانا نفس الحاله ونفس المعاناة كنت راقده الصبح وعيت علي رنت تليفوني ورديت بنعاس 😪
انا..الوو
فتحي..نوضي يالبقره نتيجتك طلعت
انا... انصدمت ششنوو 😧
فتحي.. توا ماشي انا وخوك نشوفوها
انا... تمام وقعدت حايسه وندعي يارب ننجح اتصلت بيا احلام تعيط فرحانه نجحت هيا ونجوى
و انا زدت توتر و صادفت العيله ملتمه خوتي وخواتي متجوزات وانا قعدت في عالم بروحي خايفه ومتوتره خشيت لداري و اتصت بعبدو
عبدو..صباح الفل
انا..حبيبي😭😭
عبدو.. كنك
انا..نتجيتي طلعت😭
عبدو.. به وعليش تعيطي
أنا..خايفه ومتوتره
وفجأه جاني نفس المغص
في بطني عيطت اه 😭
عبدو كان يسوق في سيارته
بعد عيطت وقف بقوه
عبدو.. كنك شنو فيييه
انا نتكلم و موجوعه لا ما في شي
عبدو..انا سألتك كنك
انا...مش عارفه ليا فتره يجيني وجع في بطني ويختفي
عبدو ... بخووف سلامتك حبيبي اكيد اعصاب معده توا نسألك علي حبوب عليهم
أنا..حبيبي خايف عليا 😅
عبدو..مجنونه كان ماخفت عليك علي
من بنخاف هااا
جا خويا و نسمع فيه ينادي فيا
سكرت من عبدو جيته وانا متوتره وهو يبحت فيا خويا وعيونه شر ..
انا..هاا ؟
محمد... سقطتي بتعاودي السنه
انا..انصدمت تجمعو الدموع في عيوني 😭 وخويا قعد يضحك عليا
قال : كذب نجحتي 😊
انا من الصدمه مشاعري تخلطن ببعض قعدت نضحك ونبكي 😭
باروكولي العيله كلها تريحت هكي ماشيه لسنه تانيه بعد ساعه اتصل بيا
عبدو..هاا طمنيني ولا في كعك😂
انا.. طبعا لا😌
عبدو..اووو مبرووك واخيرا وقعد يقلد فيا كيف كنت نكلم فيه وانا نبكي 😂
حكينه شويا وصكرنا
ومع الليل كسدت مش عارفه خطر عليا خطيبي يلي ليه قريب اسبوع ماكلمني قلت يلا خلي نجرب نتصل بيه ونخبره بنجاحي اتصلت
الو
عادل... اهلين
وسلمنا كالعاده وقعدنا في صمت
بعدين خديت نفس وقلت :
خطرها انا نجحت والحمد لله
عادل.. اها باهي مبروك النجاح
صار هدا عليش اتصلتي بيا
انا.. انصدمت علي طول سكرت الخط في وجهه قعدت نسب حقير بارد توا
هدا كيف الواحد يتعامل معاه
ومر شهر وبدت القرايا من جديد
و عبدو صارله ظروف وأطر يسكر المحل يلي عنده وانه يسافر لطرابلس ويدور علي شغل وانا كنت نحكي معاه كان مضايق واجد كان حداه صاحبه فرج قال : عبدو بنعرفك بخويا وصاحبي فرج وهدا ولد عمي ومتربين مع بعض
عطاني كلمته فرج سلمت عليه كان كويس وهو من السلام رد التليفون لعبدو كلمنا هدرزه وسكر جتني امي قالت : صارت حالة وفاة طلعت انا امي نعزو اول ما وصلت لقيت بنات عمي قعدت جنبهن نهدرزو وكل وحده تحكي علي خطيبها وحبيبها وانا في عالم تاني
وبنت عمي قالت : كنك ندى
وشنو جو خطيبك
انا..بدون نيه الحمد الله كويس
وبدو فيا اسأله وتحقيق ان كيف علاقتكم وانتي تحبيه أو لا و انا اضايقت طلعت و روحنا وانا مضايقه ومع الليل اتصلت بعبدو في الاول ماردش
اتصلت مره تانيه اشويه رد عليا
فرج ...
انا..الو حبيبي
فرج..انا مش حبيبك
وعبدو ناسي تليفون جنبي وطلع
انا..حي فرج اسفه نحسابكش انت
فرج...ولا يهمك
بس كنت نبي نطلب منك طلب بس وعد يكون بينا
انا اا اكيد تفضل شنو هو طلبك
فرج...
..........
#يتبع
.......
ما تقولو حلقه قصيره كل مره لان هي ما تفضش صاحبة القصه وهضا يلي تقدر تكتبه .... ❤❤
.......
🔥 سلطانه كوكي 🔥
