#مآساتي 🔥 الحلقه 7 🔥 واقعيه 🔥
#حلقه_دمار_وحساسه_اشويه_وصدمه 🔥 مش حاتصدقو تابعو وشوفو 👇💔
اتصلت بيه اول ما فتحت الخط قعدت نبكي نبكي بشهقه وفجأه سمعت صوته يبكي ( اول مره نسمع صوته كيف يشهق من البكاه اول مره نحسه ضعيف قدامي )
........
عبدو.. ندى سامحيني انا اسف غلطت
انا..في شنو انت غلطت معايا
عبدو..انا مفروض ما حبيت مفروض ماعشمتك بيا المفروض متعلقت بيك وانتي مخطوبه انا مش رااجل وقعد يبكي وكأنه يحس بتأنيب الضمير
انا..لالالا عبدو حبيبي انت ماغلطت فيه شي أني عرفتك في وقت كنت محتاجه حد يحبني عبودي حبيبي انا مستحيل نسيبك وأنا نبكي بشهقه 😭💔 والله يا عبدو ... عمري ماطلبت منك تجيني ولا تتقدملي ولا شي
انا طلبت منك شي واحد بسس
عبدو... شنو
انا...مانبي شي غير انك تقعد جنبي بس تقعد عمري وحبيبي يلي مانقدر من دونه (خنقتني العبره وقعدت نبكي ونبكي وبس😭😭😭 )
عبدو..ندي انا نحبك والله نحبك
ندى...كان تحبني ماتسيبنيش خليك جنبي وجودك معايا يحسسني إني عايشه عبودي انت الحاجه الوحيده يلي ضحكتني في عز بكيتي انت الحاجه الوحيده يلي نجريلها وقت نكون مضايقه انت الوحيد يلي تريحتلك وتعرف كل شي في حياتي
عبدو تنهد قالي قاعد معاك يا روحي
أنا بس كنت ندور في مصلحتك بس انا مانبي نكون سبب لشي
انا..انت سبب سعادتي
وحكينا طول الليل لحد
مارقدنا وردت علاقتنا زي قبل واكتر
نضت الصبح وجوي رايق وكأنه ردت فيا الروح مشيت للمعهد واستمرت حياتي زي ماهي وبعد فتره اختي جابت بنوته وكانت اول بنوته تنور حياتهم اول ما سمعتها جابت عديت أنا و امي واختي مريم كانت جايبه في حوش اهل زوجها بحكم حوشها علي الدور التاني وقعدت نمشي كل يوم لاختي ونساعد فيها وفي يوم طلبت مني اختي انه نرقي لحوشها فوق نجيب ملابس ليها و نجي لبست وشاحي ورقيت فوق فتحت الباب سمعت صوت حركه عرفت راجل اختي سعد
قاعد طلعلي سلم عليا وضغط علي يدي كان يشوفلي بنضراته غريبه
أنا بتوتر
انا جايه ناخد ملابس لاختي وطالعه
سعد... ضحكلي قالي خشي لدار النوم تلقيهن
ندى...انا خايفه عطيته بضهري ومشيت فجأه سمعت صوت الباب تصكر
وانا رعشت مع بعضي بس بينت روحي عاديه فتحت دولاب اختي خديت ملابسلها و سكرت دولاب فجأه
يطلعلي اني نخلعت
انا...ااا انا بنطلع توا
مسكني من يدي
سعد..تعالي عادي نطلب منك طلب
انا..شششنو
سعد... خشي للمطبخ ديريلي قهوه
وانا من كتر الخوف قتله به مشيت للمطبخ حطيت الكاس ع نار وقعدت سارحه فجأه حسيت بيد شدت علي خصري واليد التانيه علي صدري
.. انا عيطت من الخوف وبعدت عنه
(من الخوف والضعف يلي انا فيه ما قدرت نتحرك ولا نتكلم )
بحت فيا وهو يضحك كنك
كنت نبي نلعب معاك بس
انا طلعت نجري خديت الملابس ونزلت نجري من دروج فجأه خبطت في واحد كان طويل وعريض اسمر كان خوه معاذ معاذ..كنك ندى شوفي قدامك مره تانيه
انا ...دمعه في عيني حاضر
... ونزلت طول خشيت للحمام وقعدت نبكي بحرقه كنت نرعش مع بعضي من الخوف معقوله راجل اختي يلمسني هكي كنت محتاجه حد نحكي معاه كنت نبي عبدو هوا الوحيد يلي يقدر يهديني اتصلت بيه وانا بصووت يرجف
انا...ااالو
عبدو...بعدين توا مش فاضي
(عرفت انه ف بحداه حد)
سكرت وقعدت جنب امي
انا.. امي هيا بنروح
امي..رني علي بوك هي
اتصلت علي بابا وروحت اول ماروحت خشيت نجري للحمام حشاكم خشيت للدوش غسلت كنت حاسه كأنه شي نجس لمس جسمي دوشت مره ومرتين لبست دبشي وطلعت خشيت فرشت الصلايه وصليت ارتحت شويه
تغطيت ومسكت فوني
واتصلت ب عبدو
عبدو... الووو
انا...هلا حبيبي
عبدو..كنه صوتك..
(انا فجأه سرحت فكرت لو حكيتله مرات يعصب عليا او شي تاني)
عبدو..اوووي نكلم فيك انا...
انا... اهاا نسمع فيك
عبدو... كنك ؟...
انا...لا شي
عبدو..آخر مره نسألك كنك 😠
انا خفت..حكيتله كل شي
وقعدت نبكي وهو ساكت ويسمع وبس انا..حبيبي كنك سكتت انا والله مادرت شي غالط وو
.....عبدو.. اسكتي عارفك انتي شنو بس معش تمشي غادي احسنلك
انا..به ❤
عبدو..ندوش
أنا...عيونها
عبدو بنقولك حاجه
انا.........شنو ؟
............
#يتبع
#حلقه_دمار 💔💔
#قصه_واقعيه
#سلطانه_كوكي
