#مآساتي 🔥 الحلقه 2 🔥 تفاعلوو
عن قصه واقعيه .... 👇
وبعد فتره قريبتي تحكي مع خويا ولما سمعت بعلاقتي مع احمد اتصلت بخويا خالد وحكتله علي علاقتي مع أستاذي و و
وقتها كان مسافر اتصل خويا خالد بخويا التاني اسمه منير يلي عصبي وشخصيته وعره في العيله كلها يخافو منه
وخالد قال كل شي يعرفه عليا وعن احمد استاذي وانا هذا كله ماكنتش نعرفه لاعند إتصل خالد علي امي وحكالها انه عرف بعلاقتي مع احمد وان منير عدا يبي ب
يقتله وبعدها يبي يجي يقتلني 😭💔 ومن اول ما سمعت الكلام هضا نشليت في مكاني عرفت ان خلاص اخرتي قربت قعدت نبكي ولحد ماجتني اختي الحنونه لكبيره قالت
حنان... احسن حل أديريه انك تمشي لبوك قبل ما يجي منير ويقتلك امشي واحكيله اي شي .....
(وطبعا الوحيد ف الدنيا كلها يحبني ويخاف عليا فعلا بابا طول عمره حنون معاي حتى كان غلطت)
عديت نجري لبابا نبكي وقتله انه منير يبي يقتلني عشان الحقيره بنت خالي كدبت عليا وهو صدق ومع خشت منير
كان معصب وجه احمر انا كرست ورا بابا ومنير حاول يفكني وقعد يعيط عليا لكن تدخل بابا و دافع عليا وخذو مني تليفون ومن يومها عشت حياتي كئيبه حاول احمد يجي يتقدملي لكن بابا رفض وطلع واجد اشاعات عليا عشت في حاله نفسيه تحت الصفر ديما نبكي ومنهاره تمنيت الموت وحالي زي ماهو قعدت كل يوم نبكي وجعني حالي حبست روحي ومن يومها عزلت روحي من اهلي ومن الناس هلي لو تشوفو كيف امي تعيط عليا وتدعي عليا بالموت كأني مش بنتها تعيط ف وجهي بلا اي سبب واكتر كلمه كانت تقتل فيا 👇
سميره... (يا متاعت العار) 😡😡
.........
اه ياربي مش عارفه شنو نقول
يعني البنت كان حبت ولا غلطت مره معناها دارت عاار ؟
كرهت روحي وسكرت سريب الحب و قررت نلهي ف قرايتي نجحت وطلعت من الشهاده الاعدادية وخشيت في معهد تخصص برمجات حاسوب
وبتحديد في 2017 وفي بداية هالسنه
تجوزو خوتي واخواتي كلهم وقعدت انا واختي يلي اصغر مني
وخوتي يلي اكبر مني منير و خالد وانا تعبت واجد 💔 صحيا قعدت انسانه غامضه جدا ما نضحگش ولا نحكي مع حد عايشه في حوش يا راقده يا قدام
التلفزيون ديما.....
وزاد كره عيلتي ليا 💔💔😔😔
و كأني مش بنتهم كل يوم نسمع في هزايب خوتي ليا وانا من كتر الجو هضا تعودت علي كل شي
اول ما بدت لقرايا سجلت في المعهد طول و كنت متحمسه وخايفه نفس الوقت من الوجوه الجديده يلي بنشوفها (المعهد بنات بس) مش مختلط يعني و
اول يوم دوام ليا و اول ماخشيت حسيت براحه تعرفت علي بنات وصاحبتهم كلهن ويوم 4\\3\\2017
مات خويا خالد 😭💔 في حادث سير وأنقلب حوشنا الگأبا والحزن
موتت خويا كانت فجعه بالنسبه لنا كلنا ومرو ايامات العزاه وخفو الناس سلمت امري لربي واستمرت حياتي جافه وعاديه وفي يوم من الايام كنت مروحه من المعهد كنت تعبانه لدرجه غير عاديه فجأءه اتصل خويا حسن بأمي
وسألها عليا اني قعده او لا
وامي سميره قالت ... اهي قاعده
وخويا حسن ... طلب منها يعطيني التليفون وانا استغربت مسكت التليفون سلم عليا وبعدها سألني لو امي جنبي جاوبته بأن لا وهنا كانت صدمة عمري
..... قال حسن / ولد عمتك عايشه
...عادل تعرفيه ؟
ندى... لا مانعرفه كنه ؟
حسن... قال : يبيك واتصل بيا نسألك لو انتي موافقه عليه ؟
ندى... جاوبت ببرود ... اكيد لا انا مانبيه
وحسن اصر عليا واجد علي شان نوافق بس رفضته
قال : فكري وردي عليا الراجل ناوي الحلال وهوا كويس سكرت من خويا
وعطيت تليفون لي امي وسألتني
سميره...شنو قالك
ندى...تنهدت وحكيتلها شنو قالي حسن وللعلم .....
(قبلها بي فتره تقدملي ولد خالتي و رفضت ومن هنا امي زادت كرهتني)
وبعد حكيت لي امي تمشي تتصل بخواتي كلهن واليوم يلي بعده علي طول جني خواتي وقعدن يهزبن ويعيطن عليا 😭😭💔💔 عليش ترفضي في يلي تقدملگ وحاولن معايا بس انا سكرت راسي لا يعني لا وفجاءه
في لليل نداني بابا
وخشيتله في غرفته و كان مقمعز
وجنبه امي كان وجهه احمر ومايتفسرش
وكان معصب وقال بصوت عاالي
معتز... تعالي يا كلبه هنا
وانا خفت وقربت قمعزت مقابلته وهو هزبني وعيط عليا وان عليش نرفض في ولد اخته وعليش قبلها رفضت ولد خالتي وهما ناس كويسه ومستحيل تلاقي زيهم وانا نبكي وبس .... وبعد محاضره طويله عريض وهدا كله مزالت مسكره راسي علي رفضي لولد عمتي مانبيه
(عن نفسي مانحب زواج الاقارب)
طلعت من الدار وانا نبكي بحرق خشيت لداري وحبست روحي تلاث ايام في دار مضلمه وانا نبكي وبس بعد تلاث ايام جا يوم الاحد نضت والصبح لبست ومشيت للمعهد مشيت وانا وجهي مايتفسرش من البكاه و لاحظن صاحباتي الشي هضا و سألوني كنك وحكيتلهن لانه كنت محتاجه نحكي في منهن ايد إن نرفض وفي منهن قاللي وافقي انتي مش خاسره شي
(وانا من طبعي العناد يعني لما نقول لا يعني لا صعب قراري نغيره)
روحت بعد الضهر هالكه وتاعبه خشيت للحوش و لقيت بابا مقمعز في الصاله اول ما شافني
...
معتز...تعالي يابنتي قعمزي جنبي
ندى...ترددت و قعمزت جنبه وحكاه معايا
معتز... انا يا بنتي نبي نتريح عليك ونسترك مع ولد الحلال حاول يقنعني بكلامه ان نوافق بعد حديث طويل قال كلمه وهي يلي قلبت حياتي كلها صبا وقال:: ( يابنتي لو تكسبي رضايا وافقي) وانا انصدمت وانشليت يعني كان ما وافقت بابا مش راضي عليا ؟
يعني كان رفضت لعنة الوالدين حاتجيني ؟
وقعدت في حيره كلمة بابا
هدت حيلي حسيت كأنه حط موس على رقبتي صعب يتنحى وبعد وقت خشت عليا زوجة خويا حسن ... طيوبه واجد قمعزت جنبي هدتني وحكينا مع بعضنا وقالت : انتي عادي وافقي مش خاسره شي مرات خيرتك فيه ...
ندى... بس انا ما رتحتش للموضوع كيف عيلتي يبو يزوجوني لحد انا مش راضيه عليه ولا نحبه وما نبيه انا خاطري نعيش قصة حب زي زي البنات تكون اخرتها زواج عن حب مانبيش زواج تقليدي بكيت واجد وبعدها سلمت امري لربي وكلمة خويا حسن ... وقلت قوله موافقه فرحو كلهم الا انا والغصه في قلبي
اليوم يلي بعده الصبح جتنا عمتي وراجلها حكو مع بابا سلمت عليهم وخشيت للمطبخ بنطيبلهم قهوه تلحقني عمتي قاتلي ها شنو موافقه ندوش
علي ولدي خالد
وانا خانقتني العبره قتلها ... اها ان شاء الله وهي بحتت لعيوني قالت
لا ردي بالك تزعليني وتردي ترفضي وتقولي غيرت رأيه ومسحت دمعه من طرف عيني وبأبتسامه مزيفه قتلها لا ياعمتي باذن الله موافقه فرحت ومشت
لبابا وخطبوني بشكل رسمي
اول ما روحو امي اتصلت بي خواتي وانتشر خبر خطبتي من خالد يلي مزال مانعرف حتى شكله........يتبع
.........
زعما شنو يصير وخالد كيف شكله زعما تتريح له تتقبله او لا 😔💔
.........
توقاعتكم وتفاعلووو
..........
#قصه_واقعيه
#مآساتي
#سلطانه_كوكي
