حب انستغرامي

اول يوم..

مرحبا احب اعرفكم علنفسي.
اسمي بسنت عمري ١٨ سنه عندي خوات ثنينه هبه وندى واخوان ثنين امجد ومحمود واني اخر العنقود مدلله البيت.
....
باابا:الو منو وياي
ابوحيدر:ابو امجد اني اخوك ابو حيدر امك توفت تعال بتشييع علاقل ماتت وهيه ماشايفتك شحصلت بلغربه هسه شتسوالك
بابا.. شتكول امي اني ماتت وشلون مادري بيه. تشكي من شي انت تريدني ارجع دور غير هلسالفه هبطتني
ابوحيدر :امي ماتت اكلك والضيم حالنه الله وياك
بابا:اوكف شنو يعني امي ماتت واني ماشفته ماودعته ماحضنته لايالله
ابوحيدر: تعال يمنه ياخويه بعد محد يلمنه كافي فقدنه امنه تعال خلي نشبع منك ياخويه
بابا : تانوني لادفنونه اريد اشبع منه
.....
ركبت سيارة بلكوة اسوق وردت كل ذكرياتي وذكرت  اخر اتصال كالتلي يمه تعال اشوفك اشتاقينالك. مارحت نشغلت بدنيه وهسه شتسوالي الفلوس شسويت  اخ ياربي احس حركة بكلبي. ماكدر افكر صار درب شطوله للبيت.. وابجي ومامصدك امي لامابيه شي اكيد ماعافتني...
وصلت للبيت واني دموعي علوجهي وجني ذاك طفل توه عايف امه صحت ام امجد وينج تعالي وصوتي مبحوح
ام امجد:هاابو امجد شبيك ليش هيج شصاير كولي جهال بيهم شي احجي وكعت كلبي
ابو امجد: حظنته وضليت ابجي مثل طفل حسيت محتاج امي وصحت ولج يوم عفيتني وماشبعت منج ولج ماتت وهيه مشتاقتلي مارحتله. ماشبعت منه
ام امجد: يمه عمتي لايالله حسبي الله ونعم الوكيل كول يالله وشدحيلك موهيج تسوي. بروحك روح توضه وصليله واهدأ وكلنه علهذا طريق واحاجي وابجي واذكره توصييني عليه
بابا: اخ يانار كلبي يايمه اصرخ بكل قوتي نزلو جهال علصريخ وعرفو وكله تبجي كتلهم كافي لمو غراضنه هسه ارجع للعراق بعد لحظه ماظل
ام امجد: ابو امجد استهدي بلله ياعيني ومستقبل بنات ولدك وحياتنه شلون نروح ونعوف كلشي بنيناه بلحظه..
بابا:ظلي انتي وجهال اني ليوم اروح ماظل بعد وليريد يروح وياي خليروح
امجد؛ بابا اني ماعوفك بهيج حاله طز بلكليله قابل طايره
محمود : بابا كلنه نروح وياك ماصير خاطرك اله طيب
هبه وندا ماعدنه شي نروح كلنه هم تعبنه من الغربه
بسنت: صفنت واني اشوف بابا يبجي اول مره احسه منهار تقربت منه وكتله بابا بيبي ماتت راحت يم الله وماتحبك تكون ضعيف كوم بابا نلم هدومنه ونرجع اني خلصت متحاناتي ونشالله ناجحه وهناك استلم نتيجه من تطلع واذا رسبت فدوة اعيد بلعراق..
بابا: ام امجد جيبي جوازات راح احجز اول طيران
ام امجد صار عيني
كلهه لتهت تاخذ لشي مهم لان طيران وحمل محدود وهنا ذكرت صديقاتي خابرتهم وكتلهن ماصدكني دوم اضحك وياهن وتالي بجيت واجن يمي بجن ملينه وكمنه نلم بلهدوم واخذ صورنه وهدايانه احتاريت احس اريد اخذ غرفتي كله بذكرياته بكلشي بيه اله ذكره وابجي وصديقاتي وياي حد ماسمعت بابا كال ساعتين ونروح للمطار نهاريت حسيت كلشي هنا يخصني  ردت انزل اكله ماروح وشفته شلون ذبلان وكلت بلكي نروح فتره ونرجع...
لمينه غراض مهمه وصارت وقت وكله صافنه بلوجه فززنه صوت بابا شبيكم ماماتلكم احد مامتت اني امك عايشه اخواتكم مابيهم شي شبيكم ترا العراق مرجعكم هسه او بعدين لاتحسسوني كوه عليكم اريد اقووه بيكم وارفع راسي بيكم بناتي البس يتغير هنا حريه هناك ناس وعشاير  وماتحتاجن توصيه وانتم وولدي اريدكم حزام ضهري وكله تمدح بيكم
كلنه كلنه تدلل بابا تربيتك نشالله مشينه بسياره اباوع دنيه ليل وجو شته وقطرات ماي علجام وكلشي مواضح جنه مستقبلي ابجي واباوع لبابا واسكت حد ماوصلنه مطار واني احاجي صديقاتي تالي بابا نتبه عليه ابجي ومااسكت سحب تلفون وشمره وكالي باباتي اني وياج وكل اهلج كولي يالله
.. وصلنه مطار وكلمن حاير بروحه بحياتنه عفناها وبلمستقبل مجهول رايحيله ابد مرايحين للعراق احنه بسوريه عشنه ونسمع بلعراق بس
صعدنه وطارت طياره وراح كلشي حلو وياها
وصلنه مطار بغداد عمي ينتظر وابنه ينتظرنه وخالتي وابنه وياها خذونه قسمين رحنه لبنات ويه خالتي وبابا واخواني ويه عمو راحو للفاتحه.
وصلنه لبيت خالتي من تعب وقهر نمت ماحسيت بروحي كعدتني ماما يلله لبسي اسود نروح للفاتحه
دورت علهدوم سود ماعندي بس. بدياات نص وبرمودات  نزلت لماما..
ماما وينج شلبس ماعندي هدوم بهذن اروح لوميصير خالتي كالت لا خاله وين ترحين صاحت لابنه عماد يمه وينك حاجيته علصفحه يمه جيب دشاديش لبنات خالتك سود.. وطلع عماد واني ردت اصعد تيهت غرفه دخلت علغرفه نفس مالتنه فجاه لكيت احد بوجهي ولد  اني عطت من انت وهو كالت انتي منو خليت وطلعت..
رحت يم بنات ولجن شنلبس هسه هاي هم حيره والله واختي كبيره صافنه تكلي شفتي صاك جابنه..
كتله ولج صدك جذب بياحال احنه بحال صكوك يالله
فززنه صوت ماما تعالنه وينجن اخذن هدوم وبدلنه يلله خل نروح للفاتحه
بدلنه كملنه وطلعنه للفاتحه وكله مستغربتنه هناك رغم لبسنه مثلهم بس احنه حلوات كلش وبيض ومميزات بينهم وهنه بنات عمي وعماتي بدت غيره بداخلهن لمن كاعد وابجي علبيبي وعطشت رحت. للمطبخ كاعده واجه واحد دفع بابا وينجن هيي جيبي كارتون ماي بسرعه انتي كومي يلله رحت اجيب كارتون ماكدر اشيله درت كتله ماكدر كال امداج اي والله بزر نستله  ضليت ابجي واجه شاله َكال بتمن انتي.. خليت وطلعت
علهالحه كظينه لفاتحه تعبنه متنه والدنيه تفتر بينه من رجعنه مارتاحينه وهم ناس معروفين ويومي احد جايبهم
ماما: ابو امجد بنات مامرتاحات هنا كله ولدكم طابه طالعه ويوميه خطار راح اخذ لبنات لبيت اختي يرتاحن شوي
بابا: اي زين سوين  اخذيهم خلي واحد يوصلكم؛
كظت الاربعينه وبابا دورلنه علبيت وشلنه. لبيتنه وخالتي وبته ماعافونه وهم بنات عمي ويانه رتبنه لبيت واخيرا ستقرينه ورا اسبوع من كعدنه
دخلت علانترنت علموقع التربيه انتظر نتائج وجانت طالعه نتائج بساعته خفت وذكرت اني خاف مانجح شلون ادرس هنا سادس علمي وغير دراستهم تعبت من تفكير وايدي ترجف  رحت لماما
ماما، وين رقمي مال مقعد الدراسه الامتحانات ماما: ليش يا امي طللعن
اني؛ اي ماما احجي وارجف يلله نطيني رقمي
ماما: ماماتي شييج صفره كعدي خل اجيبلج مي هدي يا ماما 
اني: ماما ماريد  بس نطيني رقمي
اوكفي خل اجيبه شبيج راح طيحين عليه
هاج رقم....
رحت وماما يمي وايدي ترجف دخلت رقم وانتظر النتيجه راح تغيير حياتي ومستقبلي لو ارجع من صفر لو اكمل تعبي.....