_ عمري ما كنت اتصور انك بالحقارة دي يا راضي
قالها وهو يكز على أسنانه حادجا صديقه بنظرات حارقة بينما بادله الآخر بنظرات باردة قائلا بلا مبالاة:
_ والله من قبل ما نضرب الورقة قلتلها مافيش ولاد
صاح الثاني مستهجنا:
_ قوم لما بقت حامل قطعت الورقة؟!
أجابه الثاني بهدوء:
_ انا متجوز ومعايا ولد يا مختار، ولو مراتي عرفت هتبقى مشكلة كبيرة وانت عارف كدة كويس، انا ما صدقت عملت لنفسي اسم وعرفت اتجوز بنت المدير إللي مش مقتنع بيا لحد دلوقتي، قوم يعرف عشان يخليني أطلقها!
حدث به مختار بمقت قائلا بنبرة محتدة:
_ مش مبرر وسهل تخليها في السر يا بيه، إنت خايف تشيل مسؤولية بدليل هتسيبها كدة بتتعذب بسبب أفعالك، عموما انا مش هناقش معاك كتير، انا جيت اقولك اني هتجوزها
اتسعت عينا راضي بدهشة غير مصدقا ما ورد إلى أذنه توا بينما أكمل مختار مؤكدا:
_ بمجرد ما تولد هتجوزها والولد هيتكتب باسمي، وعلفكرة انا كلمتها وعرفتها قبل ماكلمك، لأني كنت واثق انك هترفض
وتحت نظرات صديقه المشدوهة هم ليستدير قبل ان يقول فوق كتفه:
_ واعتبر صحوبيتنا انتهت من دلوقتي
أنت تقرأ
لقيطه و لكن بقلم/ اسراء عبدالقادر
Romanceركعت أمام قدميه خانعة تهتف بصوتها الباكي في رجاء يكسوه الجزع: _ أبوس ايدك سامحني يا ريان، عارفة اني غلطت وكان المفروض أعرفك من الاول، أرجوك ماتعرفش حد ما كان جوابه سوى أن ظل على حاله صلدا يرمقها بمعالم قاسية متجهمة، لم يرق لحالها وهي ملاكه الصغير ال...
