عمر وسلمى

الفصل الخامس

بعد فتره خبط محمد علي ولاده
فتح عمر الباب

محمد  ايه في ايه
عمر ولادك بيتفقو عليا
محمد بغضب  مصطنع 
ازاي كده ده اخوكم الكبير انا رابيتكم علي كده
مروان ويوسف احنا اسفين ومش هنعمل كده تانى
محمد طب يالا الاكل جاهز  يالا يا عمر
سلمى  يالا عشان انا هاموووت من الجوع يالا يا عمر
يوسف خلاص سيبوه علي راحته ومسك مروان وقالو يالا  بينا احنا يا سلمى 
عمر بصلو بجمب عينو
محمد فهم ولاده فتنهد بزعل وعمل روحه متضايق وطلع بره
عمر خلاص  يا بابا انا جاي
محمد كان مبسوووط خالص وحس ان تفكيره واختياره صح
طلعو اتغدو اول مره كلهم ولكم ان تتخيلو الباقي الغدا مخلاش من هزار وتلميحات يوسف ومروان

بعد الغدا سلمى  اتخضت وجريت لفوق
مروان   ايه في ايه
سلمى  وهي بتجري علي السلالم
اصل التيليفون مقفول من امبارح  وتلاقيه مليان مكالمات دانا هاتشتم شتايم
وفعلا اول مطلعت اوضتها وفتحت التيليفون لقت مكالمات ورسايل من مها صحبتها وليلى وباقي زمايلها
اول واحده رنت عليه مها
   مها   الو
سلمى   انا اسفه والله  مفضيت
مها    انت عديمة المسؤليه انا اتخضيت عليكى وكنت هاجيب جوزى واجى ادور علي عمك واعرف ايه اللي جرالك افتكرتك اتخطفتى ولا غورتى في ستين داهيه  انت جذمه وحيوانه و..
سلمى   خلاص ايه هو حوار شتيمه اهدى انا بخير وسليمه بس انشغلت ونسيت اشحن الموبايل
مها    طب ايه الاخبار
سلمى الحمد لله بخير
مها طب طمنتيني  المهم هترجعي علي السبت
سلمى  اه هارجع الجمعه الليل واصبح السبت معاكم ان شاءالله
مها طيب خلي بالك  من نفسك  وطمنيني عليكي ياقلبي
سلمى  ماشي يا  حبيبتي  متزعليش ها
مها لا خلاص انا مش زعلانة  انت اتوقع منك اي حاجه
سلمى 😂 سلام 
مها سلام يا حبيبتي
وقفلت معاها ورنت علي باقي اصحابها وبعدين رنت علي ليلى
ليلى  الو ايه كنت فين
سلمى  معلش والله  انا قولت اعتذارات تكفي مصر بحالها
ليلى ليه يا عني
سلمى  اصل جيت بيت عمى محمد وهقعد اسبوع وانشغلت معاهم ونسيت الموبايل خلصت شحنه وانا في القطر
ليلى طب بسرعه قبل ما اتمسك  ماما ناويه تكلم عمى محمد وتطلب ايدك لمؤيد
سلمى  ايه يا نهار اسود ايه لالا   لا
ليلى  ايه اللي لا اتصرفي وانجدى نفسك  علشان هى مصممه خالص المرادى جدى الله يرحمه  هو اللي كان بيحميكى منهم دلوقت قدامك عمى محمد
سلمى  اه و ربنا المنجى  فوق اي حد 
ليلى    اخبار يوسف  ايه
سلمى    هو ده وقته يا زفته
ليلى    طب  هو بخير وكويس
سلمى    اه   غوري باخبارك اللي زي وشك
ليلى      ياريته زي وشي
سلمى 😂 هم يبكى وهم يفرح
سلمى  خلصت كلام ونزلت تحت لقيتهم كلهم قاعدين  بيتفرجو هلي فيلم لاسماعيل ياسين
قعدت جمب عمها
مروان ايه كل الكلام ده رغي بنات
سلمى دول اصحابي بيطمنو عليا
عمر بصلها حس انها متضايقه فقال هما واحشينك كده وزعلانه عليهم
سلمى    اه بس مش قو ي كده قعدت تضحك معاهم علي الفيلم وبعدين يوسف خد عمر جوه اوضته يريح ضهره علي السرير
بعدين اخد مروان وطلعو  بالعربيه يوديه الدرس ويوسف يقعد مع اصحابه لغاية ميروحو هو ومروان
سلمى  هترجعو علي الساعه كام علشان العشا
مروان ايه ده هو في عشا كمان
سلمى  اه شوفت
يوسف علي الساعه عشره ونص كده
سلمى قالت تمام مش متاخر كده
يوسف لا داحنا  كده جايين  بدري
سلمى  طب ربنا يستر عليكم وتيجو بالسلامه 
محمد سلمى اقولك هنا
سلمى  ايوه انا جايه يا عمو
وقعدت جمبه
محمد  مالك متغيره ليه من ساعة مطلعتى فووق وانت نازله متضايقه في حد مزعلك
سلمى بصراحه كده انا كنت عايزه احكيلك علي موضوع كده
محمد احكى خير ان شاءالله
سلمى  حكت لعمها كل حاجه قالتها ليلى
محمد     متعوليش هم المهم انت ايه رايك في عمر
سلمى     مش عارفه والله اقولك ايه بس ساعات بيخوفنى منه وساعات برتحلوه
محمد    طب مانا قولتلك دى قلة خبره مش اكتر عمر ملوش خلطه بالبنات اصلا ومش متعود يكلمهم ولا يحتك ولا كان ليه في شغل الغراميات وشغل الشباب والمراهقين هو  من يومه حاسس نفسه كبير ومسؤول وبيلاقي نفسه في شغله والرسم  والتصميم الهندسي وبعدين انا ابوكى ومعاكى ومتعوليش هم يابنتى نهار متضايقي منه او يزعلك او تزهقي اول واحد هتلاقينى جمبك ومش هاخليه يشوفك تانى
سلمى اتطمنت لكلام عمها وسكتت وقالتلو اللي يشوفه هى موافقه عليه المهم متتجوزش مؤيد

عمها مؤيد ايه ده اذا كان جدك من الاساس موافقش انا استحاله اوافق عليه ويبقي حد يمسك او يمس شعره منك طول مانا عايش
سلمى  ربنا يخليك ليا يارب  وميحرمنيش منك

انبسطو وعدت الايام بتاعت الاسبوع الاجازه وسلمى كانت خلصت علي البيت شغل نضافه وغسيل وكانو كل يوم يجتمعو بعد الغدا علي فيلم يختاروه علي النت ويشتغل علي الشاشه وابتدا عمر يرتاح اكتر وجت سلمى  علي يوم الاربع بعد المغرب قعدت مع عمر زي مابيقعدو وعمها كان بيسيبهم علي راحتهم ويقعد في الريسبشان وهما في التراس  فقالت لعمر ايه رايك ترجع لشغلك
عمر ارجع ازاي يا ناصحه
سلمى  نجيبلك ادواتك وترسم من البيت
عمر    طب والمعاينه
سلمى  عمو يروح الموقع ويتصل بيك فيديو
عمر هيتعب ده شغل جامد عليه
سلمى  متعولش هم يبقي يوسف يساعده
عمر  انت بتتكلمى بالنيابه عنهم
سلمى  بس كده يا عمو  يا عمووو
محمد جه  ايه في ايه يا قلب عمو
سلمى  ايه رايك عمر يرسم في البيت وانت ويوسف  تروحو المعاينه
محمد    ياريت انا مش متاخر
عمر    دى حاجه متعبه وهي زنانه نزلها من علي دماغي
محمد    حد يقول للقمر ده كده
عمر      ده امر بالستر
محمد    بس يا ولا
سلمى  اهو علي كده موراهوش غير اهانات وشتايم وتهزيق انا مش عارفه  ده طالع لمين دانتا ويوسف سكر ومروان حبيبي العسل كله
عمر اتضايق منها ومش عارف هو متضايق علشان بتتريق عليه ولا علشان بتشكر في اخواته وابوه
ايه اللي غباء اللي هو فيه ده
عمر بس بقا في نفسه  بس طلعت بصوت
محمد    ايه يا عمر
عمر    هي هى  كده مش بتعرف زوقها وحش
محمد    قصدك عليا ياعنى
عمر لالا 😂 يابابا علي يوسف ومروان
محمد     طيب في موضوع عايز افاتحكو فيه
يوم الجمعة  ان شاءالله  هنكتب كتابكو
سلمى وعمر بصوت واحد واندهاش ايه
عمر    بالسرعه دي
سلمى  طب ليه كتب كتاب
عمر باصلها    ليه هو انت مش موافقه 
سلمى   اتحرجت
محمد     عمر متكسفش بنت عمك وانا حابب انها تقعد معانا ويكون في الحلال  وكمان علشان عمتك هاتيجي الجمعه
سلمى  هى عمتى اتصلت بيك
محمد  ايوه
سلمى  وقالتلك ايه
محمد قالتلي انها عايزه تقابلنى يوم الجمعه ضروري
وانا قولتلها وانا كمان هى هتكون هنا علي العصر كده  واحنا هنجهزلهم المفاجاه علي الضهر كده
سلمى فرحت خالص بس كانت قلقانه
عمر حس ان فيه حاجه  غلط في الموضوع وان في حاجه مخابيها عليه والده وسلمى  بس ساب الموضوع  يعدي ....  ..........

والي لقاء مع الفصل السادس ياري ايه اللي هيحصل  وعمر هيعدى كتب الكتاب كده من غير مشاكل ولا هيتصرف تصرف تانى وتهانى هتعمل ايه مع اخوها وهتصرف ازاي بعد ما اخد منها سلمى    سلام  متنسوش التصويت والتعليقات