عمر وسلمى

الفصل الثالث

الفصل الثالث من رواية عمر وسلمى

بعد وصول يوسف وسلمى لمنزل عمهم

مروان جرى عليها واخدها بالحضن سلمى حبيبتي واحشتيني جدا "" "" "" ""

في بيت تهانى عمة سلمى
تهانى اخت محمد وكامل الهادى الوحيده ومتجوزه من وليد رجل اعمال عنده شركه في اسكندريه واولادها
مؤيد ورانيا وليلى

تهانى   يامؤيد اسمع كلامى انا كبرت يابنى وعايزه اجوزك اخواتك بيجلهم عرسان ولو اتجوزو انا هحتاس خدها ومتعلش هم

مؤيد يا ماما دى مبطقنيش وانت عارفه ليه

تهانى هى اللي عنيها وحشه وانا قولتها كلمه زمان ولازم انفذها هجوزهالك ياعنى هجوزهالك

رانيا دخلت وسمعت امها

رانيا تانى ياماما هو انت مواراكيش غيرة سيرة ستى زفته سلمى متغور يا ستى وكبري دماغك

مؤيد   اه والله اول مره تقولي حاجه عدله

تهانى انتو الاتنين مش فاهمنى والله انا مش هارتاح الا وهي تحت ايدى ورحمة ابويا لاجيبها هنا

ليلى كانت بتصنت عليهم من ورا الباب و قالت يارب استرها
لما اكلم سلمى بسرعه انبها وجريت علي اوضيتها

رنت علي رقمها اداها غير متاح حاولت كتير لغاية مايأست قالت يارب توصلها رساله

"" "" "في بيت محمد الهادى" "" "

سلمى علاقتها بمروان شديده لان مروان كان بياخده محمد كتير عندهم عند بيت جدهم وهو اتعلق بيها لانها بتعوضه عن الام والاخت لانه اكتر واحد اثر فيه موت والدته لانه كان سنه صغير عن اخواته كان عنده عشر سنين وسلمى كانت لسه والدها متوفي وامها من قبله ولقيت نفسها في بيت جدها وملهاش اخوات فكانت بتستنى زيارة مروان وساعات بيقضي الاجازه عندهم اما يوسف وعمر كانو بيفضلو يقضو الاجازه عند عمتهم اللي كانت بتعاملهم حلو خالص علشان ياخدو بناتها مروان وسلمى مش بيخبو حاجه عن بعض وسرهم مع بعض

سلمى   عامل ايه في مذاكرتك يا بطل
مروان اديها ماشيه
سلمى    ولا يهمك اي حاجه خلي بالك رايق ومتضغطش نفسك وانتا هتحقق حلمك ان شاء الله

يوسف دا قارفنا كل شويه عايز ابقي دكتور جامعه علشان سلمى بتقولي يا دكتور مروان وانا اقوله ودكتور ومهندس ميمشوش مع بعض خش كلية الشعب يابنى تجاره دى ايه يا سلمى
سلمى احسن ناس يا باشا 😂

يوسف ومروان 😂

دخل محمد ايه النور ده ايوا كده انا سامع الضحك من بره ربنا يجازيكي يا بنت اخويا كده تحرمينا من المحبه دى

سلمى جريت علي عمها سلمت عليه وحضنته وقالتلو ربنا ميحرمنا منك يارب

يوسف ومروان اخدو شنط الاكل من ابوهم وجهزو الاكل وسلمى وعمها قعدو