عمر وسلمى

الخامس عشر

عدا كام يوم وعمر بدا اخر مراحل العلاج وبقا ياخد تمارين خفيفه في البيت واخواته بقو يساعدوه ويخرجوه تانى وبدا يروح المكتب ويقابل اصحابه واصحابه كانو مقدرين ظروفه اللى منعته عنهم الفترهواللى فاتت وشجعوه وفرحو لما لقيوه بيمشي تانى ومحمد عمل دبيحه ووزعها لله والكل كان مبسوط ومستنيين نتيجة مروان

كانو في الصيف وسلمى قالت اديلي كتير مكلمتش مها وليلى وكلمت مها وسلمت عليها وبعدين اتصلت علي ليلى

سلمى. الو
ليلى. الو ازيك يا سلمى عامله ايه
سلمى. الحمد لله بخير وانتي
ليلى مش تمام خالص انا في هم كبير
سلمى مالك يا ساتر يارب في ايه احكى
ليلى من ساعة ما ماما عرفت ان عمر مشا على رجليه تاني قالت طب ورانيا هتتجوز مينفعش تتجوز ليلى الا لما تجوز رانيا هي الكبيره بس ومن ساعتها رانيا حاطانى في دماغها وتقولي انا انقي اللي علي مزاجى ومش اي حد لازم يكون احسن من ولاد عمى واغنى منهم
سلمى يا ستى متقلقيش عمى ان شاء الله هيعرف يتصرف وان شاء الله نتجوز انا وانتى قريب
ليلى مش عارفه والله يا سلمى ربنا يستر انا خايفه من ماما بابا بيحب عمى محمد ومعجب بيوسف وبيشكر في ولاد عمى وتربيتهم لكن انا مش مرتاحه
ادعيلي ربنا يستر واتجوز يوسف بقى
سلمى ان شاء الله ربنا يقدم الخير ويسعدك انت ويوسف يارب
ليلى يارب سلام يا حبيبتي
سلمى سلام يا قلبي

وفي يوم من ايام الاجازه في الصيف كده علي الضهر

في البيت ومروان دخل لقى سلمى بتتفرج على التيليفزيون

مروان باركيلي يا سلمى انا نجحت وجبت 98
سلمى بجد وراحت فضلت تزغرت كتييير وراحت رنت علي عمر وعمها وكلمتهم
اول مارجعو البيت باركو لمروان كلهم

وسلمى قالت نفسك في ايه يا مروان
مروان قال نفسي في حاجات كتير كل واحد لوحده هديه ها مش هاقبل اقل من عربيه
محمد لا العربيه للكليه انما انت عربيه لوحدك ومن ثانوي لا اطلب اي حاجه تانى
مروان طيب اي حاجه تيجي منكم احنا نخرج كلنا في فسحه او نروح نصيف
محمد هينفع تروح اسبوع واحد
مروان انا راضي علشان كمان اسبوعين وهبتدى دروس تانى دول السنتين لزقو في بعض
محمد طب شوف اخواتك
عمر انتي عايزه نسافر يا سلمى
سلمى اه مش هانروح اسكندريه
محمد ايوه
سلمى خلاص يبقا تروحو بالمره تطلبو ليلى ليوسف
يوسف والله العظيم انا بمووت فيكي
عمر اللهم طولك ياروح
كلهم 😂 😂😂😂
محمد طب تمام شوفو هنسافر امتا واجهزو واحنا ندي الموظفين اجازه من المكتب
سلمى وانا هاجهز اكل واجمده
عمر وانا هاساعدك
مروان هتساعدها برضو وغمز
عمر انت مالك انت يا بارد
مروان تيليفونه رن
قالهم طيب زمايلي بقا وهنبارك لبعض وهاطلع النهارده يابابا معاهم اليوم كله
محمد المهم ميحصلش تجاوزات
مروان عيب انت مخلف رجاله
محمد والله انا مخايفش الا منك انت
يوسف هنسافر امتا بقا
محمد مستعجل
يوسف انا اكتر واحد صبر في الدنيا دانا ايوب البيت
محمد طب خلاص خلاص اجهزو علي بكره
سلمى وانا هانزل دلوقت اجيب الطلبات بعد مانتغدا
هاتيجي معايا يا عمر
عمر اه اكيد طبعا سلمى انا كنت عايزك تعالي بس ثوانى
وراحو سلمى وعمر وقفو شويه بعيد
عمر لما نروح اسكندريه هنخرج اناوانتى ياعنى متقوليليش البيت وعمو وغيره فاهمه احنا من ساعة ما خفيت ومخرجناش الا مرتين بس
سلمى حاضر من عنيا
عمر تسلملي عيونك الحلوين وحشتينى مفيش حاجه كده لله
سلمى 😂 لا يا عمر وسابته وجريت لجوه
عمر هانت ربنا يقرب البعيد. يارب صبرنى