عمر وسلمى

الفصل العشرون

الف مبروك يا  ابنى  عقبال ماتشيلو  في ايديك  وتفرح بيه
قالها محمد
مروان  يعنى هابقا عمو مروان
عمر   لا انت باالذات ملكش دعوه بولادى ولا هايقولك يا عمو هخاليهم يقولولك  ياد او يازفت او مينادوش عليك اصلا
مروان  عاجبك اللي بيقولو ده  والله اضربله عياله
سلمى  😂 انتو عمركو ما هتبطلو مناقره
عمر       بالحق  ايه  يا ابو ادم دى من قال انى هاسميه ادم وايش عرفك انه ولد
سلمى انا حلمت  بيه ساعة ما عمو جالي البلد وقالي  عليك استخرت  ربنا  وحلمت بادم
محمد   احكى الحلم يا سلمى يمكن يتفسر يا بنتى
سلمى  انا حلمت انى شايله ولد حلو خالص  وعمر كان لابس جلابية جدى الله يرحمو وبقولو خد شيل ادم يا عمر علشان ضهري تعبنى منه  بس روحت تانى يوم مجهزه الشنطه وجيت عليكو
عمر   بهمس كان لازم يتحكى فوق ده
سلمى ليه يا عنى
عمر   مفيش ابقا اقولك بعدين
محمد  ولد بنت كل اللي يجيبه ربنا كويس
يوسف نزل 
محمد  بارك لاخوك يا يوسف عقبالك ان شاء الله  مراته حامل
يوسف حضن عمر وباركله وعمر استاذن يطلع يلبس وينزلهم علشان يروحو المكتب

فوق في الاوضه  
عمر   حضنها وباس راسها  لما انت التانيه حلمتى بيا محكتليش الحلم ليه انا مش حاكيتلك الحلم  بتاعي
سلمى   😂 انا  كنت ناسيه اصلا بس لما حصل الحمل افتكرته
عمر   طيب انا هاسال  اصحابي المتجوزين علي دكتوره كويسه  ونروحلها النهارده عشان نتابع معاها
سلمى    اوك يالا البس علشان تلحق شغلك
عمر   ايه الحق شغلي دى انا شغال  لنفسي تحبي اقعد النهارده ومروحش
سلمى    لا ربنا يهديك روح شوف روسوماتك ومتعطلش حال الناس
عمر   ربنا يكملك بعقلك يا حبيبتى
سلمى  ويباركلي فيك وميحرمنيش منك يارب

مشيو كلهم  وسلمى اطمنت علي مروان  علشان  هاتطلع عند ليلى وقالتلو لو احتجت حاجه نادى عليا

سلمى  قالتلها علي  الحمل وهي فرحتلها جدا وبركتلها وقعدو يتحكو
ليلى    تعرفي ان رانيا اتخطبت
سلمى    بجد ربنا يسعدها يارب مين بقا
ليلى.    ياستى   كان في وفد جاي الشركه عند بابا وهى بتروح الشركه علي طول معرفش ليه قال بتشتغل لكن هى علشان  مؤيد يسيبها تطلع  بس وشافته وعرفت انه شغال في الامارات في شىركة والده و راحت شبطت فيه ووقعته
سلمى   يخرب عقلك يا ليلى بتوصفي بصدق
ليلى   😂 اسكتى دانتى مسمعتيهاش وهي بتوصفه وبتوصف الهدايا والفلوس بتتكلم كل كلمه بسعر
  انا اشفقت عليها والله
سلمى   الماديات دى بتروح وتيجى وربنا كاتب لكل واحد رزقه اه نبقا طموحيين ونجتهد لكن متبقاش كل همنا  لانها ممكن تروح في ثانيه  اهم حاجه الحب بين الزوجين والموده
ليلى  دا انا بحمد ربنا كل يوم علي حب يوسف ليا ده حلم واتحقق وكل يوم بقرص نفسي لاحسن اكون نايمه وهصحى عندنا في اسكندريه
سلمى.  ههههه يخرب عقلك يا ليلى  ايه رايك   تعالي نفرفش شويه كده  
ليلى.    تعالي نرقص
سلمى  انت ايه يابت بقولك حامل تقولي نرقص
ليلى   😂 نسيت بعدين انتى بطنك مش كبيره
سلمى   ليه حامل في هيليوم ده لسه معايا شهور
ليلى خلاص نعمل حلويات
سلمى   فكره حلوه ندور علي النت ونبوظ حاجات جديده
ليلى  اه يالا
ونزلو هجوم على المطبخ