عمر وسلمى

الفصل الرابع والعشرون

يوم حفلة افتتاح شركة الهادى  للهندسه والمقاولات

الكل لبس واتشيك وادم وروفان كانو ملابسينهم عريس وعروسه روفان كانت زي الملاك قمر  ونسخه من يوسف  وادم كان بيمشي واخر شياكه في البدله وكلهم كانو مبسوطين ومحمد فرحان بنجاح ولاده وتعبهم
محمد قال كلمه في الافتتاح وبعدين راحو البوفيه
ودخل مؤيد يبارك لخاله وولاد خاله
عمر اتضايق وسلم من غير نفس عليه  وسلمى مرضيتش تحتك بيه وبعدت عنه خالص خوفا علي زعل عمر وكده كده هى كارهاه  ادم مشا لحد مروان  وسلمى راحت تجيبه
مروان سيبيه معايا
سلمى مشيت من غير اي تعليق
مروان شال ادم وقاله شايف يا ادم ماما زعلانه منى هو في ام مش بتسامح ابنها ولا ايه يا اخويا
  واخده وقعد يلاعبه  وراح عند ابوه وكان معاه ليلى ويوسف
ليلى  هو ينفع يا يوسف  اشتغل معاكم
يوسف  ينفع يا حبيبتى بص يا مروان واحده والده من يومين وجوزها مش راضي يخليها تشتغل ليها مكان في الشركه دى
مروان  😂  ابقا اسال عمر هو المدير
ليلى    عمر لا
يوسف   ليه مالو عمر
ليلى   ده صعب خالص لالا خلاص مش عايزه اشتغل
محمد ومروان ويوسف  😂 😂   😂
سلمى  ايه مالكم ربنا يفرحكو
يوسف  اصل ليلى كانت عايزه تتواساطيلها عند عمر يشغلها في الش...
ليلى  بس بقه ده هزار يا سلمى  والله متصدقهوش
سلمى   عادى  يابنتى  بس هتاخدى كام ساعه رضاعه
الكل 😂
ليلى   حتى انتي انا مش هكلمكم تانى بس 

وخلص الافتتاح  وانشغلو كام يوم في الشركه  وعمر اعتذر من سلمى  وقال انه هايعوضهم  وفعلا اخد اجازه يومين وراحو بيت جده
سلمى كان واحشاها البلد خالص واهلهم والجيران  وكانت ماشيه تسلم  علي الكل وراحت البيت
دخلو جوه

عمر    ها ايه رايك
سلمى  ايه ده انت بجد نسخه منه 
عمر كان لابس جلابيه جده  وكان وسيم خالص فيها
عمر   طب هاتى ادم كده
سلمى بكت وحضنت عمر وقالتلو
انتا  بتحققلي الحلم بجد انا بمووت فيك  ربنا ما يحرمني منك
عمر    ايه انتى هتقضي الاجازه في نكد انا  عايز شهر عسل في يومين   هاتقولي ازاي تعالي وانا اقولك 🙈😍😍

في الفيلا

محمد    مروان مش هاتصالحها
مروان  خايف  تكسفنى
محمد  انتا اللي غلطت بس هى قلبها ابيض وهاتسامحك
مروان   لا ماعتقدش هي عندها عمر وادم اغلي من اي حد واساسا هى من ساعة ما اتولد ادم وانا مش في بالها خالص
محمد   😂 انت بتغير بقا
مروان  بيبقا غصب عنى والله بفتكر ايام زمان لما كانت تحكيلي حكايات علي السطوح عند بيت جدى الله يرحمه  وبعدين لما كبرت شويه كانت بتعملي اي حاجه اطلب اكلها كانت بتسالنى  تحب تاكل ايه يا مروان وتعملي اللي نفسي فيه كانت بتعوضنى عن امى  فاكر مره لما كان عندى عشر سنين   قولتلها بتعرفي تعملي كيكه زي بتاعت ماما  راحت عيطت واخدتنى في حضنها  وقالتلي اه وراحت قالتلي بشرط انك تساعدنى قولتلها موافق ودخلنا المطبخ قالتلي انت كنت بتقف معاها   وهي بتعملها
مروان  ايوه
سلمى    طب انا هاجيب المقادير واعملها  وانتا تقولي انا كده ماشيه صح ولا لا علشان انا ساعات بنسى
مروان اوك وقعدت اقولها لقيتنى فاكر كل حاجه ماما الله يرحمها كانت بتعملها وعملتها زيها بالظبط  لما كبرت قالتلي كل واحده وليها نفس في الاكل مش بيتكرر  حتى لو اتنين اخوات في نفس البيت وبيتعلمو من امهم كل واحده هطلع نفس الاكل بطعم مختلف  قولتلها طب مانتى عملتى نفس الكيكه بتاعت ماما قالتلي لا انت علشان بتحبنى زى ماما وعملنا نفس مكوناتها حسيت انها هى لكن انا واثقه ان الكيكه بتاعت مرات عمى الله يرحمها طعمها احلي بكتير
محمد عنيه رغرغت وقال كل حاجه كانت من ايديها حلوه بس تعرف انا غلبت معاها اول جوازنا كانت بتحرق الاكل  كتير  بس كنت بعديها وصبرت وساعات نجيب جبن ومربى لحد ما بقيت ممتازه واي اكله تبقى لا يعلى عليها
مروان  😂 اتعلمت فيك ياعنى
محمد  اه  كان بيعلم في معدتى اكتر  الله يرحمها بقا ويجمعنى بيها في الجنه ونعيمها يارب
مروان  ربنا يديك طولت العمر وتفضل معانا في الدنيا ووسطينا
محمد ويبارك فيك وفي اخواتك

عدا  يومين العسل بتوع عمر وسلمى  وروحو  الفيلا وكانو واحشينهم خالص  وسلمو على بعض  ومروان جه يسلم علي سلمى سلمت  سلام ناشف بس هو قرر يحاول محاوله تانى

ليلى اقترحت علي يوسف انها تخرج معاه لما يروح الجيم هو وعمر وتقعد في النادى الساعتين دول لحد مايخلص اهو تغيير جو ويوسف قال ماشي وعمر  اخد سلمى معاهم وادم  وابتدت تبقا خروجه للكل محمد بيقابل اصحابه الكبار وليلى وسلمى بيقعدو بالولاد في الكيدز ايريا  ويتقابلو في الاخر بعد مايخلصو عمر ويوسف ويروحو سوا اما مروان بقا بيقابل اصحابه هناك  والكل بيتفسح

في يوم مروان كان تعبان مرحش الكليه ونايم اليوم كله سلمى قلبها حن عليه وكانت هاتشوفه بس رجعت في كلامها وقالت في نفسها ماهو انا مريضه وعندى حب امتلاك راحت المطبخ تجهز  الغدا
مروان نزل وكان عنده دور برد  بسيط بس حب يريح في البيت  ودخل المطبخ يعمل لمون دافي  لقا سلمي بتجهز اكل ومدياه ضهرها  اتنحم وقال
مروان  احم إحم  هو ممكن اعمل لمون
سلمى بصتلو وسكتت
مروان  تعرفي تعملي كيكه زي بتاعت ماما وعنيه دمعت 
سلمى  ضحكت وعيطت وقالتلو تعالي يا جزمه
مروان جرا وباس راسها  وقال
انا اسف والله  انا مش عارف قولت الكلام ده ازاي سامحينى
سلمى انت اول مره تغلط فيا انا متعودتش منك علي كده في حد يغلط في اخته الكبيره
مروان  امى والام عمرها ماتزعل من ولادها بتسامحهم وترضا  عنهم وانا مش متعود منك على القسوه دي
سلمى.  بس الام مش بتقسى على ولادها هي  بتبقا عايزه مصلحتهم  البنت دى انا مش مرتحالها ومشفتش في عنيها غير اعجاب بمروان مش حب  وعارفه انها علاقه عابره بس كنت خايفه لتتعلق بيها وتصدمك  دى كانت صحبة ثانوى شايفاك زميلها مش راجلها لما تروح الكليه هاتشوف واحد ناضج اكبر منكم  وهاتشوفه افضل منك وهاتسيبك
والله  انا عا....
مروان   من  غير حلفان هو ده اللي حصل واتخطبت
سلمى بجد  معلش ياقلبي ربنا هيبدلك احسن منها ومتستعجلش ربنا كاتب لكل واحد نصيبه  جدى الله يرحمه كان يقولي اسم كل واحده في منديل طاير في السما لما يقع  علي نصيبها هايجيلها  وبعدين انت لو شايفنى اتعديت حدودى معاك او متملكاك  هابعد  ومزعلكش مني  صدقني
مروان     انا مش عايزك تبعدى انتى فضلك عليا كبير انا مش قليل الاصل علشان اجحد وانكر جميلك انتي كنت جمبي وانا محتاجلك استحاله اردهالك كده واذا كنت غلطت فانا اسف  واتمنى تسامحينى
سلمى  انا مسمحاك يا حبيبي واقعد يالا قبل ما يصحا ادم  اعملك اللمون  وهاعملك كيكه
مروان    لو هاتعبك خلاص  متعمليش
سلمى  عيب عليك انا بس محتاجه مساعدتك
مروان   😂 موافق

ورجع البيت تانى ذي الاول  وفي يوم في النادى سلمى وليلى كانو جايبن بروفان وادم رايحين يشترو حاجه ويوسف وعمر طالعين من الجيم وواحده لابسه بادى نص وبنطلون اديداس وحاطه كاب ومطلعه منه ديل حصان  واللبس كله لازق عليها زي ما بيقولو كد صاروخ
وماسكه في ايد عمر وسلمى شافتهم وبرقتله  وعمر ريقه نشف واتوتر واتكلم مع الست دى واتهرب منها بسرعه  وراح ناحية سلمى وليلى  وقال
عمر  هو انتو كنتو فين
سلمى كنا بنشتري ومشيت معاه من سكات وعمر قلق من سكاتها  ولما راحو يقعدو مع بعض  كلهم سلمى كانت ساكته ومش بتتكلم وتهزر زي عادتها ولما روحو البيت وطلع عمر يغير وسلمى تنيم ادم ......