حكم القدر

البارت 11

مر اسبوع ع وجود جعفر ابيتنه وماشالله كل يوم عركة ويه امه
مع انو هو جان حالف ميحاجيها لكن هيه تشمرله حجي
كوه تريد تتعارك ايي حقها قدر بالشغل من الصبح لليل ويامن تتعارك

**************************
جعفر : جنت راجع من بيت صديقي  وشفت قدر دتمشي بالفرع للبيت متجهه

ركضتلها..

جعفر : قدر

قدر : دامشي وشفت اجه جعفر. بإتجاهي

_هلو جعفر شلونك

_بخير_قدر داريد اكولج شي

قدر : استغربت من كال هيج

_ ماشي نكعد بغرفتي ونحجي

ويه دخلتنه للبيت بعدنه بالباب وشفنه احلام واكفتلنه

_هااا قدر هلمره طبقتي منو يالمسعده

قدر : باوعت ع جعفر وهو هم عرفت شتقصد!!!

جعفر : بعدين نحجي...

قدر : خاله انتي منتبها ع كلامج وشدتحجين أياج تعيدين هل كلام مره ثانيه لان محيصير خير لتشوفيني سكتتلج هواي تره للصبر حدووود واني مبقى عندي صبرر كل يوم ترزلين وتهينين واني ساكته انتي منووو وتحجين هيج عليه تره اسكتلج لان احترمج بس مجنت متوقعه انتي متحبين احد يحترمج

احلام : هااا هسه طلع لسانج موو بت الفكر  لا عبالج اذا راددتي شوي رح تصيرين قويه براسي ومحد يكدرلج  وتطلعين انتي  ام العيشه  تره بت الفكر والله اسود حياتج اذا سمعت هل كلام يطلع من حلكج مره ثانيه اندمج وانتي تعرفيني منوو

قدر : اني اعرفج منو بس انتي لسه متعرفيني منووو اني مو قدر الي جنتي توديها بكفخه وتجيبيها بكفخه وعن قريب رح تشوفين هل تغيير شلون خيقلب حياتج صخمتي عيشتنه

_معجبها الحجي عافتني وراحت للمطبخ وطبها مرررض كافيي عااااد جزعت مليت شهل العيشه الزفره منا ورايح حتشوف قدر ثانيه

_صارت ساعه 10 ونص غسلت المواعين نظفت غرفتي ورحت ذبيت روحي ع الجربايه نمت تقريبا لساعه 3الفجر فزيت ع طكطكه بالغرفه

جنت مغطيه راسي بالبطانية وطلعت فتحه صغيره علمود اشوف منو هناك وشفت جعفر!!

قدر : شتسوي هنا

جعفر : كولتلج نحجي  غير وقت ومكدرت اصبر للصبح الكلام مهم

قدر : عدلت كعدتي

َ_كول أسمعك

_قدر اني جنت مقرر ابقى هنا بالعراق لكن بسبب امي مرح أكدر ابقى وياكم

قدر : واني شنو المطلوب مني هسه

_قدر اني حجزتلي طيارة قبل يومين وأريد اسافر اليوم
ومرح اكول الأمي ولا اي احد غيرج يعني من اسافر ماريد احد يعرف والي يسئلج سوي نفسج متدرين

قدر : زين ليش متريد احد يعرف

جعفر : اكو شي ببالي اريد اسوي وماريد احد يعرف رجاءا رح اثق بيج لتخيبين ثقتي

قدر : جريت صفنه 5ثواني ووافقت

*****************
صار الصبح راح جعفر وطبعا جنت نايمه اني

:_الظهر ساعه 2

جان يوم اجازتي

ابو قدر : بويه قدر جعفر لسه نايم روحي كعدي خل نتغده

قدر : ماشي بابا

رحت لغرفته ورجعت كلتله بابا جعفر مموجوده

يمكن طالع

اباوع الأحلام احس اكو كلام بحلكها تريد تحجي وتتراجع 

بينما داحجي ويه ابويه

احلام....

يتبع.....