حكم القدر

البارت 18

احمد : رحت كعدت واني اعصابي تغلي

تفضل استاذ سالار احجيلي شلون حبيتو بعض هيج بدون علمي واذا جنت تحبها قبلي ليش مكلتلي

سالار : كعدت حجيتله السالفه من الألف للياء شلون تعرفنه اول مره وشلون اعترفتلها ومن سولفتلي عنك وشلون حاولت اسحب روحي لان اخوي يحبها وافرغلهم الساحه

احمد : يعني جانت تعرف بمشاعري اتجاهها

سالار : اي تعرف وللأسف متكدر تبادلك نفس المشاعر لان كانت تحبني

احمد : خلص كلامه ثنينه سكتنه لمدة من الزمن

وبقيت افكر سالار. راد يبتعد عن طريقنه حتى تكدر تحبني سالار فكر بيه قبل ليفكر بروحه واني شسويت نفضت راسي من الأفكار السلبيه وعدلت ياختي وكمت

سالار : وين رايح

احمد : ارد. اروح انام

وصلت لنهاية الغرفه ارد اطلع كال سالار

... احمد تدري انت اخوي وانا مستحيل اختار بنت يحبها گلب اخوي لو شيصير تعرف مو

احمد : ما عليك سالار سد الموضوع لتبرر شي

سالار : انا باجر رح اروح اطلبها من ابوها انا وامي وأريدك وياي ومتعوفني وهذا اكثر وقت محتاجك بي

احمد : ابتسمت وكتله واني منطي ضهري

... ماعوفك اذا مو اني الاوكف الأخوي بفرحه منو يوكف

وعفته ورحت لغرفتي تمددت واني ودافكر غفيت

سالا... صار الصبح ورحنه تريكنه ووفتحت الموضوع ويه امي

ام سالار : والله يا يمه هيه هم خوش بنيه انا حبيتها شتكولين فطيمه

فاطمه : اي والله بالنسبه الي موافقه قدر صديقتي وكلش احبها وراغبه بوجودها جنه عدنه

احمد : لعد نتوكل ع الله ونجيب جنتنه اليوم بالليل

فرح : بالنسبه الي ماريد وحده هيج تجي لبيتنه سالار عفيه عوفها والله ماشوفها لايكتلك انت وين وهيه وين

سالار : زمخت بيها... انتي محد ماخذ رئيج اكرمينه بسكوتج رجاءا ترى ما ناسي سوايتج لا عبالج لان ساكت اخليج ترجعين فرح القديمه انتي هواي خربج الدلال الظاهر روحي منا يله... ضربت الطاوله بايدها وكامت تركض لغرفتها

**************
سالار : راحت لغرفتها واني ماهتميت واتفقنا سوه احاجي عمامي. واخذهم نخطب بت گلبي

اتصلت ع عمي ابو رائد لان هو الجبير عدنه

(بالمناسبه عمام سالار 4 ابو رائد الي هو محسن. ومهدي وصادق وسجاد والجبير هو أبو رائد الي بعد وفاة والد سألار صار مثل ابوهم ويهتم بيهم لكن سالار رفض وكال هو يهتم بأهله ويعيلهم)