قدر : بعد مادخلت للبيت رحت سويت جاي البابا واحلام
قدر : تفضلو
محمد : زاد فضلج بنيتي
قدر : كعدت يمه وأخذت تلفونه اتصفح يي لانو ماعندي تلفون
وسمعته صاح اسمي
محمد : قدر
قدر : عفت الفون وكولتله نعم
محمد : بويه امس اتصلت عليه خالتج مريضه
وحالتها سيئه ولدها مهملين تعرفيهم يجون يتعشون وبعدها يسيبون بالشوارع
ولا يسألون ع امهم ولا شي
قدر : واني شتريدني اسوي
محمد : اريدج تجين وياي نداريها لحد ما تجي بنتها من الموصل
قدر : بابا لعد وشغلي؟
محمد : تاخذين اجازه مابيها شي نبقه عدهم فد اسبوع اسبوعين ونرجع
قدر : لعد واحلام خوب هيه التداريها؟
طفرت احلام
احلام : لا لا عيني ماكدر اروح اني امي واكعه بالحمام وصاير رضوض بعمودها الفقري اريد اروح اشوفها
قدر : لعد امج مو يمها بناتها
احلام : امي متقبل يداريها احد غيري ماكدر اروح وياكم روحو وحدكم
قدر : اي اي روحو وحدكم متريد تكول ماريد اهتم ب اخت زوجي (بيني وبين نفسي)
محمد : كافي كافي شكد تتناكرون خلص قدر تروح وياي وانتي روحي لهلج
قدر : بس...
محمد : كافي قدر شنو ترديني أتعارك وياج انتي الثانيه تجين يعني تجين خالتج هاي انتي مثل بنتها وتحبج اخرتها متردين ترحيلها من تحتاجج
قدر : (بيني وبين نفسي) اي تحبني اشوفها ١٨سنه لا سئلت عليه ولا اتعرف اني بنتك
... ماشي بابا رح اخذ اجازه بس شوكت نروح
محمد : انشالله عكبه
قدر : انشالله
كمت من يمه ورحت لغرفتي
نمت ع السرير و عيوني ع الحايط وافكر
... ياترى شنو رح تكون ردت فعل سالار من يعرف
اختلطت أفكاري ببعضها فكرت بسالار وشغلي وخالتي وبابا الا ان تعبت ونمت
***************
الصبح ساعه ٧:١٦
(لبست فستان اسود لنهاية ركبتي بي زخرفه من الاطراف وستريج اسود بي خط احمر وطوك مال شعر احمر بي فيونكه صغيره سوده وجنطه سوده وحذاء كعب عالي اسود)
بعدين رحت شسورت شعري ولفيت الخصل الجوه وحطيت مرطب وحمره خفيفه وكحل
اباع ع المرايا ساعه اتغزل بنفسي وساعه افكر بسالار وبكلام بابا معقوله رح نبقى اكثر من اسبوعين زين اني عندي شغل ماكدر أطول هواي تنهدت وكلت ربي يحلها
أنت تقرأ
حكم القدر
Fiksi Umumقصة حقيقية مع قليل من الخيال تتكلم عن فتاة يتلاعب بها القدر ولكن هل ينقذها ام يقف في الاتجاه المعاكس؟
