احمد : طلعنه وهمه واحد لازم ايد لاخ ابتسمت وكلت خلصت مهمتي ورحت اخذت تكسي صاحلي سالار
سالار : احمد وين تعاال ويانه
احمد : لا اني طريقي غير روحوا انتو
سالار : ركبنه السياره وضلينه نسولف
قدر : زين سالار شلون بيها ساره شنسويلها
سالار : اني رح احلها
وصلني لبيتنه وكال
.... الاسبوع الجاي العرس حبي حضري روحج
قدر : لا سالار مالحك والله
سالار : بعد ماتحمل نبقى اكثر مبتعدين عن بعضنه واكيد رح يسوولنه مشاكل بعد ف خل نتزوج ونخلص منهم
قدر : اوففف بس والبدلات وحمام العروس والقاعه شوكت الحك اسوي كل هذا
سالار : هيه تدبر الله كريم روحي طبي هسه
قدر : طبيت ولكيت تقى عدنه جايبتلي اكل حضنتها ورحنه للغرفه سولفتلها كلشي
تقى : والله معرفتج سبعه يختي شلون حليتيها هيج وخططتي
قدر : تخطيط شهرين جا شعبالج
تقى : بس شلون العرس بعد اسبوع
قدر : شنسوي بعد خلي باجر اخابر خالاتي ونروح سوه نختار بدلات وقاعه هسه حروح اكول البابا الي كاله سالار
تقى : لعد اني هم اكوم
قدر : وين بعد وكت
تقى : لا وج من زمان اجيت غير انتي تأخرتي كمت ارد اروح ودرت وجهي
... اكول قدر
قدر : كولي خير
تقى : صدك عود احمد الي جمعكم
قدر : اي حبيب الكلب ان شاء الله يجمع روحه ويه حبيبته الي يهواها كلبه وغمزتلها
تقى : نجبي لتغمزين هو بس سألت رايحه عوع
قدر : طلعت تقى كعدت اضحك عليها هل بنيه غير مفضوحه وتوجهت لبابا سولفتله
واحلام يمنه تكطع زلاطه وتسمع
محمد : والله بويه ماعرف انتي جنتي زعلانه علساعه رضيتي
قدر : بابا جان الصوج مو مني ولا منه كتلك هاي البنيه جانت تحبه وسوتلي هيج مشكله وهسه فهمته وهو ندمان كلش وتعرف ميصير من اول مشكله نستسلم لازم نواجه المشكله سوه ونحلها سوه
محمد؛ : كلامج صحيح بويه.... كلتيلي الزفه الاسبوع الجاي جا هم يالله تلحكين
قدر : لتخاف بابا اني خابرت خالتي هناء وخالتي زهرة وتقى وفاطمه وسالار واحمد وفرح رح يجون وياي نختار القاعه والبدلات كلش كافي
محمد : سالار وإخوانه شوكت يجون
قدر : والله بابا بعدني مخابرتهم شوي بعد وبلغهم همه منتضرين هل يوم باحر من الجمر علمود نختار القاعه سوه والبدلات
أنت تقرأ
حكم القدر
Художественная прозаقصة حقيقية مع قليل من الخيال تتكلم عن فتاة يتلاعب بها القدر ولكن هل ينقذها ام يقف في الاتجاه المعاكس؟
