حكم القدر

البارت 22 قبل الاخير

أموت اشتياقًا
أموت احتراقنًا
وشنقًا أموت
وذبحًا أموت
ولكني لا أقول مضى حبنا وانقضى
حبنا لا يموت _محمود درويش

///////////////////////////////////////////////////////

قدر : رجليه بعد متحملني اركض عليه واحس مجاي اوصل احس المسافه بعيده لهدرجه وصلتله وروحي تريد تخر من الخوف واحاول اكعد بي ماكوو كلبي اجه يوكف والتمت الناس علينه واني ماجاي اشوف احد غيره

.... سالااار سالاررررر اكعد حبيبي كوم كوم سالار دخيلك لتعوفنييييي سالاررررر اليوم عرسنه معقوله تعوفني بيوم فرحي

... اجه احمد يصيح ونطت عروكة من العصبيه والخوف ع اخو واني اباع عليهم والدنيا مشوشه كبالي وابجي

اجت الإسعاف أخذته المستشفى واني تهسترت ضليت اصيح مثل المخبله وتقى وفاطمه يهدون بيه اجه بابا كومني يحاول يهدئني وبعدني اصيح الا ان وكعت من طولي

قدر : كعدت بالمستشفى واني ببدلة العرس والبدله مليانه دم تذكرت كلشي ورجعت اصيح

..... ولكم سالاررررر جيبولي سالاررررر شلعت الكانونه كل قوتي واجت الممرضه.. لزمتني

... حبيبتي رجعي ليصير بيج شي استوج كعدتي

.. قدر : وخري وخريييي عنييي اريد سالاررررر ولج اليوم عرسنه  يربي رح اتخبللل بيوم عرسي حبيب كلبي يروح من ايدي

... درجعي ياعيني هسه اصيح أهلج يجون يشوفوج

قدر : كليلي وينه وينه وين راح سالار وين حاطي بيا غرفه خل اروح اشوفه كليلييي

اجت تقى وام سالار وفاطمه عيونهن حمر

حضنت خاله ام سالار وصرت ابجي واشهك وهيه هم

   ..... خاله سالار وين خاله كليلي وينه شلون صار

تقى : رحت لزمت قدر من ايدها جانت ترجف كلش كعدتها وكتلها قدر شوفي اهدي سالار ان شاء الله مابي شي بس

... بس شنو بس شنوو يابشررر كمليييي

.... اعصابج هو كال الدكتور محتاج دعائكم لان حالته صعبه ولسه بغرفة العمليات قدر

... جاي احجي. وجان توكع بين ايديه قدر

.... بقيت اضرب ع خدودها وكمت وصحت للدكتوره حطيناها ع السديه

ونطتها الدكتوره ابره وشدتلها مغذي  واني وين ما أدير وجهي الكه كل من لاكيله زاويه وكاعد حزين بيها تمنيت اشيل حزنهم الي بس وين

افف ياقدر خلص عمرج ماعندج حظ لا حب لا أهل سوده عليه وحطيت كفوف ايدي ع وجهي وكعدت ع الكرسي ابجي ع الي ديصير وياها ربي بجاهك بجاه النبي صلى الله عليه وسلم طلع سالار بسلامه

... يربي انوب بعدهي ببدلة عرسها ليش هيج كاتبلها القدر تتعذب من صغرها لسه مارتاحت فد يوم غير بس من شافته شال عنها حزنها وبدله بسعاده