حكم القدر

بارت 19

احمد : انا  عندي أصدقاء 3 امشي وياهم دائما وهمه سامر ومقداد ومهيمن هذولي  اخوتي مو بس أصدقائي ويوم من الايام اخو مقداد حب يتقدم لفاطمه وهو اخو عكس مقداد أخلاقه كلش سكط وسمعته معروفه بالمنطقه مو زينه ابد ف اني رفضت لان اكيد مارضى انطي اختي لهيج واحد شنو بايره ف  رحت فهمت مقداد وكولتله ليضل يلح اخوك ماعنده مره يمنه ومقداد حاول يقنعني بس بقيت قافل الا ان تفهمني الولد وبطل يحجي وياي وقرر. يتدخل ويحاجي اخو حتى ميضل جاي كل يوم ويفشلنه ف بعد أشهر اليوم اجاني اتصال  من رقم غريب

احمد : الو تفضل

عمار: تعال شوف اختك الشريفه ويامن واكفه وانت تحجي ع سمعتي

احمد : منو حضرتك

عمار : رح اكولك العنوان وانت الي عليك تجي

احمد : هذا صوت سامعه عمار؟ .... لك عمار السكط اذا تتجرأ وتحجي بسمعة اختي اوديك لربك

عمار : شبيك ياب هسه اني شمسوي داكولك لكفت اختك ههه ويه صاحبها تعال شوف وتونس بالمنظر اخ عرف شلون يجيبها للدرب مو مثلي فقير

احمد :مبقى عقل براسي  فاطمه مو راحت لبيت عمتي علمود سهى معقول هل حجي صحيح
وصرت اصيح عصبت وهو ولا يمه ابد يحجي بكل برود تالي نطاني العنوان ركضت صعدت دراجتي ورحت

احمد : وصلت وجان اشوف منطقه خاليه من البشر فاطمه وين هاي شنو وين عمار شجابني هنا معقول نطاني العنوان الغلط هناك وجان اشوف عمار هو وويا 4ولد ملثمين وجوههم ووياهم عيدان جبيره جايين باتجاهي

عمار : هاا لك احمد العار متنطيني اختك مو لا وفوكاها تشهر بسمعتي

احمد : لك ساقط هوو منو ميعرف أخلاقك لو تروح تخطب انت بت الملاهي هم مينطوك هيج كلمه مني وكلمة منه وجان يجون جماعته عليه كتفوني وبدوا يضربون من كل الجهات. واني مستمر بالحجي مع انو جنت متألم ويه كل ضربه ارفع صوتي أعلى حتى اثبتله ممتاذي

احمد : لك سكط عار لو بيك خي... ماجنت جبت عفطيه وياك يل جبان لو انت رجاااااا ... جنت اجيت وحدك نتواجه بس تدري بروحك رح تخسر هل مواجهه ف جبت وياك مزعطههههه يحموك مني وهذا دليل على خوفك. ولو انت متربي وابن ناس مجنت حجيت هيج عن اختي لا كل هذاااااا اخخخ.... وتريد انطيكياها لك تحلممم تحلممممم سمعتنييييي
.. هنا حسيت نفسي نكطع وهمه مستمرين يضربون حسيت بالدماء تترس الكاع الا ان اجه عمار انطاني دفره بوجهي  واني وكعت  وسمعت أصواتهم صارت بعيده بقيت اتلوى بالكاع واحاول اكوم ماكدر احس رجليه تكسرت مبقو شي صاحي بيه الاان الله رحمني ودزلي رجال جبير بالعمر ماشفته عدل من التعب فتحتله فوني بالكوه وكتله يخابرلي سالار والظاهر هو هم شايف االعركة من بعيد ولهذا اجه ومن بعدها ماتذكر شي  غير صحيت واني بالمستشفى

سالار :  صح النوم شعندك رايح لل.....   شتسوي هناك

احمد : سالار والكعبه جسمي مكسر ومالي خلك احجي اجلها