حكم القدر

البارت 23والاخير

قدر : لازمه ايد سالار واسولفله كالعاده مثل كل يوم

قدر : تدري شنو اول متكوم بسلامه ماريد نكمل عرسنه بالقاعه وهيج خوش وماريد اعتراض ورح نسوي حفله بسيطه بالبيت احسن  ونركص سلو بغرفتنه
واذا متعرف اني اعلمك سهل اصلا

... معقوله دتسمعني هسه؟ حبيبي رفعت ايده وبستها

.... ياحبيب گلبي صارلك 4شهور ع هاي حالتك اول مره اشوفك هيج صامت ممتعوده عليك

.... حبيبي كوم قدرك محتاجه حضنك محتاجه اسمع اسمي من بين شفايفك محتاجه اشوف عيونك واسمع غزلك الي ما امل منه حتى عصبيتك مشتاقتلها دنكت راسي ع ايده ونزلت دموعي مو بارادتي مع اني كايله بعد ماكو دموع بس حزني جان أقوى مني

..... مدنكة وابجي حسيت ع شي لامس ايدي

رفعت راسي وجان اشوف سالار ديحرك أصبعه بضع ثواني ونزله

سألار : داخل بعالم جوه عقلي ماعرف شلون اطلع منه اريد اصيح بكل قوتي اني هنا مارحت ماكدر احس روحي بقفص مجاي أكدر اطلع منه بس اسمع أصوات اهلي. اسمع بجيهم وتوسلهم انو اكوم اسمع صوت امي الحنين وبجيها واحس بحركة كلب احمد وفاطمه وقدر جسمي نايم بس عقلي كاعد افهم عليهم وأريد اكولهم لتبجون اني بخير بس اكو شي بداخلي  يمنعني مثل الي مجمدي

بقيت اقاوم لازم اكوم لازم اتحرك لازم اكعد من هل سبات...... حاولت افتح عيوني شكد ماكدر حاولت  اقاوم الخمول الي بجسدي  وبلكوه هيج وهيج كدرت احرك اصبعي وحسيتها كلش صعبه وكتها  حسيت مو داحرك اصبعي لا داحاول اشيل سياره بي و ع الاقل اثبتلهم اني موجود ومارحت

قدر : ركضت عقلي جانن من الفرح وصحت للدكتور

اجه يشوفه وفحصه كال ديستجيب العلاجات ولكلامكم ضلوا احجو ويا باستمرار اكيد ديتعب بداخله وديحاول يتواصل وياكم باي طريقه مدامه حرك أصبعه

احمد : دكتور يعني اخويه رح يطيب

الدكتور : ان شاء الله أن شاء الله

قدر : اني وفاطمه واحمد وأحد ضل يباع للثاني بأمل
رحنه بشرنه خوال سالار وأمه خطيه كامت تهلهل من الفرحه وعزمت اخوتها ع غده

َ.. لمعت عيوني بفرح بعد غياب سالار 4شهور عنه رح يرجع

فاطمه : اففف واخيرا رح يرجعلنه حبيب كلبنه متدرين شكد مشتاقه لحضنه يا قدر مشتاقه لدفو حضنه

قدر : واني مشتاقتله بكد رحمة الله بس شنسوي نصبر مابقى شي ويكوم سالار ديحارب بداخله علمود يكدر يوصللنه رسالته وانو هو بخير وهذا الشي يكفي انو يخلينه ع امل نجاته

قدر : مر اسبوع. من يوم حرك سالار أصبعه والدكتور كل يوم يخابرنه يبشرنه بتطور جديد هلمره كدر يعصر ايد الدكتور من لزمه يغير الكانونه واحنه فرحانين