الجميلة والفيزياء 🖤🖤

#الجميلة_والفيزياء #الفصل_الأول

دى أول مرة اكتب فيها رواية 🌚🙈 .
#الجميلة_والفيزياء
#الفصل_الأول
الأم : جميلة اصحى يا جميلة هتتأخرى على المدرسة.
جميلة : حاضر يا ماما صحيت اهو.. توب علينا بقى يا رب من التعليم ده 😹.
(جميلة بنت فى 2 ثانوى واسم على مسمى جميلة وهى فعلا جميلة عيونها رمادى وبشرتها قمحية وشعرها أسود زى الحرير بنت فيها كل ما لذ وطاب من الاخر 😂♥️).
جميلة قامت ولقيت النسكافيه اللى بتحبه من إيد مامتها جاهز زى كل يوم شربت النسكافيه وقامت دخلت الحمام أخدت شاور وخلصت ولبست واستعدت للمدرسة. وفى الوقت ده نزل أحمد أخو جميلة وكان نازل مستعجل على شغله (أحمد ظابط شرطة طويل القامة وسيم أوى وسامة متليقش على ظابط الصراحة 😹💛وعيونه رمادى وشعره بنى ومفتول العضلات وبشرته بيضاء وجسمه رياضى. 😊💪🏻حاجه كده اللى هو يخربيت جمال أمك 😹🤭)
سلم أحمد على ابوه وأمه وباس جميلة من دماغها زى مهو متعود فهو بيحب اخته قوى 💕.
وفى اللحظة دى رن جرس الباب وأحمد راح يفتح لقى بنت زى القمر عيون عسلية واسعة وبشرة قمحية وشعر بنى بيلمع فى الشمس زى خيوط الذهب ودى صاحبة اخته جميلة ✨🌷.
أحمد : ازيك يا حلا.
حلا : الحمد لله بخير. جميلة خلصت ولا لسه.
أحمد : اه خلصت بس هتجيب الشنطة بس ادخلى جوه استنيها.
*حلا وهى لسه فى طريقها لدخول البيت *لقيت إيد مسكت ايديها جامد بقوة خليتها وقفت مكانها مصدومة مش عارفة تتكلم ولا تتحرك وإذ أحمد يقرب منها ويقول فى ودنها بصوت خافت : إنتى متعودة تبقى حلوة كده علطول ولا إي 🤔🙈♥️
حلا وشها بقى أحمر اوى فهى خجولة بطبعها.
وفى اللحظة دى نزلت جميلة وندهت على حلا وكان أحمد مشى راح لشغله وحلا وجميلة مشوا سوا فى طريقهم للمدرسة 🤗.
وصلوا المدرسة ودخلوا الفصل (هما الاتنين فى نفس الفصل من صغرهم )
وبدأ اليوم الدراسى وحضروا كل الحصص وفهموا كل الدروس واليوم كان جميل بس كان فى عقبة واحدة فى يوم جميلة وهى حصة الفيزياء. جميلة مش بتفهم فيزياء من المدرس اللى عليها فى الفصل وحاولت تجتهد وتذاكرها لوحدها بس معرفتش وحلا كمان بتقعد معاها تحاول تبسط لها الأمور بس برده بلا جدوى. وخلص اليوم الدراسى وحلا وجميلة ماشين فى طريقهم للبيت 🚶🏻‍♀️🚶🏻‍♀️
حلا : يا جميلة لازم نشوف حل فى موضوع مادة الفيزياء ده.
جميلة : يعنى أعمل اي ما أهلى جابولى 3 مدرسين السنة اللى فاتت ومفهمتش من أى حد فيهم وعديت مادة الفيزياء دى ونجحت فيها بالعافية بس مش عارفة هعمل اي السنة دى😢.
حلا : طيب أنا فى حل فى دماغى لو نفع هقولك عليه.
جميلة : حل اي ده 😶.
حلا : لأ قولتلك هشوف الأول ولو نفع هقولك عليه وبعدين اترجينى شوية حسسينى انى مهمه وكدا 😎.
جميلة بصوت محمد هنيدى فى فيلم عسكر فى المعسكر : جرى اي يست كخة أنتى هو حد داسلك على طرف 😹✋(جميلة فرفوشة وبتحب الضحك وحافظة أفشات الأفلام والإفيهات زى اسمها 😸)
حلا : لأ لأ بقولك اي جميلة زعق. حلا تزعل. فكرة ضيع. جميلة تسقط. حلا تضحك. 😹
جميلة : لأ بقولك اي بروح أحمد حلمى اللى انتى فيها دى بسرعة بالله عليكى عشان أنا بقرا تايهه فى الفيزياء 🙂
حلا وجميلة قعدوا يضحكوا على كلام جميلة وفى الاخر كل واحده دخلت بيتها.
جميلة : ماما أنا هطلع أنام شوية عشان تعبانة.
الأم : مالك يا حبيبتي فيكى اي. أكلم الدكتور؟
جميلة : لأ يا ماما مفيش حاجه شوية صداع بس هنام وهبقى كويسة ان شاء الله.
الأم : طب استنى اتغدى معانا طيب وبعدين نامى.
جميلة : لأ يا قلبى كلى أنتى وبابا أنا مش جعانة دلوقتى لما أصحى هبقى أكل ان شاء الله.
*جميلة وهى فى طريقها لغرفتها اللى تعتبر عالمها الخاص أو المملكة بتاعتها زى ما بتقول *
دخلت جميلة وغيرت هدومها ولسه راحة تنام سمعت فونها بيرن 📱
جميلة بتأفف : أوووووووف بقى. مين المهزأ اللى بيتصل ده 😒😡
جميلة : ألو مين.
حلا : أنا عملك الأسود يختى هكون مين نهاااار أسود أنتى مش مسجلانى ولا اي 😶🤔
جميلة : أنتى بقى المهزأة. حرام عليكى ضيعتى عليا النومة الحلوة اللى كنت هنامها دلوقتى🙂.
حلا : طيب يا ستى أنا غلطانة مهو كده خيرا تعمل شرا تلقى 😢.
جميلة : بقولك اي انتى مقومانى عشان نفتح حلقة الأمثال بتاعتك ولا اي. اخلصى عاوزه أنام فى اي😡؟
حلا : براحة طويب 😂لقيتلك مدرس فيزياء هيديكى خاص لوحدك وهيلحق يشرحلك المنهج كله فى 3 أسابيع اللى فاضلين على الامتحان وشرحه تحفة وهيعجبك.
جميلة : هيعجبنى من انهو ناحية بالظبط 😉😂.
حلا : يخربيت دماغك أنا بقول اي وانتى بتقولى اي ده وقت هزار. قصدى ان شرحه هيعجبك يعنى .
جميلة : طيب يا عم متزوقش 😒وابقى فسرى كلامك طاااه 😒
حلا : طيب مش عاوزه تعرفى هو مين.
جميلة : اه صح نسيت. هو مين بقى وحش الفيزياء ده ؟🤔
حلا : المدرس ده يا ستى يبقى........
جميلة : إي!! أنتى أكيد بتهزرى يا حلا!! 😐🙃
يآ ترى هيطلع مين المدرس ده وليه جميلة انصدمت ده لما سمعت اسمه؟
الفصل الجاى بقى وانتم طيبين 😂🤙🏻
اي رايكم بجد؟ أكمل ولا اي 😶🚶🏻‍♀️.