الجميلة والفيزياء 🖤🖤

#الفصل_السابع

#الجميلة_والفيزياء
#الفصل_السابع

جميلة : اي ده  حضرتك اي اللى جابك هنا 😮.
الشخص : اصل انا فى طريقى للمطار انا وابنى ومراتى قررت خلاص انى هسافر بره اشتغل هناك الشغل هنا معتش حلو.
جميلة : ربنا معاك ويوفقك يا رب 🌺.
الأب : مين ده يا جميلة!!!
جميلة : آه معلش نسيت اعرفكم ده مستر على استاذى فى المدرسة فى مادة الكيمياء.
الأب : أهلا بحضرتك يا مستر على .
مستر على : أهلا بيك 💕.
الأم : حضرتك واقف هنا ليه!
مستر على : مفيش بس لقيتكم واقفين قولت انزل اساعدكم.
أحمد : فيك الخير والله. العربية فعلا عطلت ومحتاجة ميكانيكى🤦🏻‍♂️.
مستر على : طب أنا عربيتى كبيرة وممكن تاخدنا كلنا تعالوا اتفضلوا اركبوا واتصلوا بحد يجى ياخدلكم العربية دى.
الأب : والله فكرة. بس احنا اسفين لو كنا بنتقل على حضرتك.
مستر على : لا والله عادى مفيش مشكلة.
جميلة : ميرسى جدا يا مستر.
مستر على : العفو يا جميلة متقوليش كده.
مستر على : يلا يجماعة مفيش وقت المطار مفيش فيه تأخير.
راحوا يركبوا العربية وكملوا طريقهم لحد المطار .
وصلوا المطار ومستر على راح معاهم على طيارة لندن فمن روائع الصدف انه هو كمان مسافر على نفس الطيارة ورايح لندن.
وبدأوا يقعدوا فى المقاعد وقعدوا يتكلموا ويتعرفوا على بعض اكتر واكتر لحد ما الطيارة وصلت وخرجوا من مطار لندن عشان كل واحد يروح بيته بقى.
الأب : تشرفت بمعرفة حضرتك جدا يا مستر على واتمنى اننا نبقى أصدقاء فى الغربة دى وياريت تقبل عزومتى ع العشا فى بيتى بكره ان شاء الله.
مستر على : ليا الشرف والله اننا نبقى أصدقاء واهو هنتسلى فى الغربة. حاضر ان شاء الله مقدرش أرفض لحضرتك طلب.
الأب : يلا سلام اشوفك بكره.
مستر على : فى رعاية الله.

******************************************
هبة : صباح الخير يا فندم. حضرتك وصلت النهارده متأخر ليه أنا قلقت عليك جدا.
عمر : صباح الخير يا هبة. مفيش مكنتش هاجى اصلا بس قولت اما اجى عشان مخنوق شوية.
هبة : خير يا فندم فى اي. هيا جميلة عمل....
عمر مقاطعا لها : لو سمحتى يا هبة اسم جميلة ده متقوليهوش قدامى مرة تانية انتى فاهمه.
هبة : أنا اسفة يا فندم جدا.
عمر : ولا يهمك يلا روحى على شغلك.

******************************************

حلا قاعده فى اوضتها حزينة من وقت ما جميلة سافرت مع ان لسه معداش يوم واحد حتى بس هى حاسة ان فيه حاجة نقصاها. كانت شاردة عن العالم وفجأة فونها رن وخرجها من شرودها ده. بتبص ع الشاشة لقيت اسم جميلة. نطت من مكانها من فرحتها
حلا : الو يا حبيبتى اخبارك اي وحشتينى اوى
جميلة : اي ده كله اي ده كله 😂لو اعرف انك هتعاملينى حلو كده كنت سافرت من زمان ♥️
حلا : بس يا بت انتى ما انتى عارفة انى بحبك اصلا بس لسه مش مستوعبة فكرة أنك مشيتى من هنا 😭.
جميلة : اي ده يا حلا انا معرفش انك ضعيفة كدا.
حلا : ضعيفة!! مين قال كده. انا قوية علفكرة بس عشان لسه فى أول الفراق بس. لكن بعد كده هنشتغل فى شغل التهزيأ تانى 😂.
جميلة : اه كده انا اطمنت عليكى انك بخير 😂❤️.
حلا : مش بخير من بعدك 😢.
جميلة : الله اومال مين بيكلمك دلوقتى يبت انتى 😂.
حلا : انتى 😂♥️.
جميلة : طب الحمد لله مطلعش عفريتى يعنى وانا موتت عشان كده انتى بتعيطى؟ 😂 اي يبنتى اومال لو موتت فعلا هتعملى اي 😕.
حلا : بعيد الشر متقوليش كده يا تحفة تانى عشان مزعلكيش واسيب عليكى لسانى 🙄.
جميلة : وعلى أي خلينا فى الكلام الحلو 😅🤭.
حلا : ناس مبتجيش غير بالعين الحمرا 🙄.
جميلة : 😂ماشى يا شبح. بقولك بقى هروح انام شوية عشان تعبانة من السفر واما اصحى هكلمك واقولك هعمل اي فى يومى اوك،! عشان معملتش حاجه غير انى كلمتك أول ما وصلت زى ما وعدتك 😍.
حلا : ماشى يا حبيبتى نوم العوافي 😘❤️.
جميلة : سلام يا قلبي ♥.