الجميلة والفيزياء 🖤🖤

#الفصل_الثانى_عشر

#الجميلة_والفيزياء
#الفصل_الثانى_عشر

آية وهى تطرق باب غرفة عمر..
عمر : اتفضل.
اية : ها اخبارك اي دلوقتى.
عمر : تمام الحمد لله.
آية : مش عاوز تحكيلى اى حاجه عنك لسه.
عمر : لسه مش حاسس ان الوقت المناسب جه عشان احكيلك.
أية : ماشى يا عم مسيرك فى يوم تثق وتحكى.
عمر : اخبار طارق خطيبك اي.
آية : اي السؤال ده أنت عمرك ما سألتنى عنه يعنى.
عمر : عادى يعنى بسأل عادى وبعدين أنتى لسه حكيالى عنه الصبح.
آية : ماشى ع العموم هو كويس وبخير.
قاطع حديثهم فون آية بيرن.
آية : شوفت جه على السيرة ازاى. عن اذنك أرد.
عمر : اتفضلى.

آية : اي يا حبيبي.
طارق : اخبارك اي يا عمري.
آية : أنا بخير الحمد لله. خير كنت بتتصل ليه؟
طارق : بقى فى واحده تقول لخطيبها بتتكلم ليه.
آية : مش قصدى أقصد يعنى فى حاجه مهمه.
طارق : كنت عاوز أقولك انى هجيلكم بكره البيت.
آية : جاى ليه.
طارق : اي يبنتى ردودك دى انتى مش عاوزه تشوفينى.
آية : لأ أقصد يعنى اي اللى هيجيبك بكره.
طارق : أصل خطيبتى مش مهتمة بيا خالص ولا بتعزمنى عندهم فقولت أعزم نفسى أنا.
آية : بتغلطنى يعنى بس بالحداقة.
عمر : يلا يكش تهتمى بيا شوية وتعرفى انك المفروض انتى اللى تكلمينى وتعزمينى.
آية : ماشى يا سيدى عديها المرة دى.
طارق : طيب أنا هجيلكم الساعه 3 كده اي رأيك.
آية : ماشى هستناك.
طارق : وعلفكرة جايبلك هدية معايا.
آية : بجد ؟هيا اي هيا اي؟
طارق : لأ مش هقولك إلا بكره عشان تبقى اسمها مفاجأة.
آية : طب قولى أى حاجه عنها طيب. هموت واعرف ما أنت عارف بحب المفاجأت.
طارق : لأ بكره.
آية : اوووووووووف. ماشى.
طارق : متزعليش بقى.
آية : خلاص.
طارق : طب اضحكى.
آية : لأ.
طارق : هجيبلك شيكولاتة.
آية : هيهيهيهيه.
طارق : الله عليكى وعلى ضحكتك دى. بتيجى عشان الأكل.
آية : كله عشان الشيكولاتة. يلا سلام بقى عشان عندى حالة دلوقتى.
طارق : ماشى يا حبيبتي سلام.
عمر : لأ طفلة طفلة يعنى خطيبك مش بيكذب والله.
آية : فى اي انت التانى انتم متفقين عليا؟
عمر : بقى بعد ما كنتى زعلانة فرحتى مرة واحده لما قالك شيكولاتة.
آية : مش بقولك أنا بفرح من أقل حاجه وازعل من أقل حاجه.
عمر : قاعد انا مع سوما العاشق يا إخواتى.
آية : بلاش رخامة بقى.
عمر : حاضر ماشى.

=========================================

تانى يوم الصبح حلا بتكلم جميلة.
حلا : صباح الخير يا حبيبتي.
جميلة : صباح النور يا حلوتى.
حلا : أنا بجهز نفسى دلوقتى عشان أروح ع المطار كمان ساعة.
جميلة : أنا مستنياكى على نار عاوزه احكيلك حاجات كتير أوى وأعرفك على إياد.
حلا : اي ده اي ده؟ إياد مين؟
جميلة : ده صاحبى بقينا صحاب جدا وقولتله لازم اعرفك على حلا صاحبتى عشان نبقى شله صحاب فى بعض.
حلا : لأ ده احنا محتاجين نتكلم فى الموضوع ده وافهم منك كل حاجه بس اجيلك انا.
جميلة : ماشى وانا مستنية.
حلا : أوك أنا هروح افطر بقى قبل ما امشى.
جميلة : ماسة لما توصلى المطار كلمينى.
حلا : حاضر ان شاء الله.