الجميلة والفيزياء 🖤🖤

#الفصل_الخامس

#الجميلة_والفيزياء
#الفصل_الخامس

عمر : أنا بصراحة بعتبرك زى اختى واكتر الناس القريبة منى ولما اكون فى مشكلة انتى أول واحده بفكر فيها.
هبة بتقول فى نفسها : يخرابى زى اختك🙂وانا اللى متشيكة واتعشمت انى هسمع كلام حلو بقى 🙂.
عمر : اي يا هبة انتى روحتى فين يا بنتى 🤔.
هبة : موجوده وسامعاك. ها كمل وبعدين !
عمر : وبصراحة انا فى مشكلة ومحتار أوى فملقيتش أحسن ولا انسب منك اخت وصديقة تساعدنى فى الموضوع ده 🌚 .
هبة : موضوع أي ده يا عمر.
عمر : فاكرة لما كنت حكيتلك قبل كده على موضوع البنت اللى اسمها جميلة اللى كنت بحبها؟
هبة (يادى النيلة انت كمان هتكلمنى عن حبك القديم 🤦🏻‍♀️): أيوه يا عمر فاكراها. بس اشمعنا بتسألنى يعنى! 🤔
عمر قعد يحكى لهبة سوء التفاهم وان هو ظلم جميلة وندمان على اللى حصل لأنه دلوقتى اصلا مش عارف يكلم جميلة حتى عشان يعتذرلها.
هبة : أيوه برده يا عمر انا مفهمتش أنا دخلى اي بالموضوع ده.
عمر : أنا يا ستى عاوزك تساعدينى انا عارف انى ظلمتها أوى وندمان على كل كلمة وحشة قولتهالها وعاوز اصالحها ونحل الخلاف اللى بينا ده. فقولت انتى بنت زيها يعنى لو انتى فى موقف زى ده هتكونى مستنية منى اي عشان تبقى مسمحانى.
هبة بتقول فى نفسها : أنا لو مكانها كنت بوست أيدى وشى وضهر على النعمة اللى انا فيها بس صحيح حظوووووظ 😪.
عمر مركز على هبة اللى قاعده تكلم نفسها وساكتة وعمر مستنى رأيها فى الموضوع.
هبة : بص يا عمر انا هقولك اللى فى دماغى أو اللى لو انا مكانها كنت هسامحك بيه علطول 😁.
عمر : قولى أنا سامعك 👂🏻.
هبة : بص يا عمر أنت تعرف عيد ميلادها امتى؟
عمر : آه ولسه عليه حوالى شهر.
هبة : كويس أنا هقولك على حاجه كويسة تعملهالها فى عيد ميلادها وان شاء الله الفكرة دى تأكل معاها وتسامحك علطول.
عمر : أنا لسه هستنى؟ واشمعنا فى عيد ميلادها يعنى؟
هبة : لأن فى عيد ميلادها هتثبتلها انك لسه فاكر عيد ميلادها ومهتم بكل حاجه تخصها وكمان هتبقى ذكرى حلوة وعلى حسب ما قولتلى هيكون بعد ما خلصت امتحانات يعنى هتكون رايقة واعصابها مرتاحة فالوقت ده هيكون مناسب جدا وكمان عشان نلحق نجهز للخطة اللى هقولك عليها😇.
عمر : اقنعتينى بصراحة . كنت واثق ان محدش هيحللى الموضوع ده غيرك أنت يا قمر 🌚❤
هبة (ياااه اخيرا قولت كلمة حلوة فى ام الخروجة النحس دى 😌☺️) : ميرسى يا عمر انا موجوده دايما لو احتاجتنى فى اى حاجه 😊.
عمر : وده عشمى فيكى.
هبة : بص يا عمر الخطة هتكون كالتالى.....................

*****************************************

ابو جميلة وامها بينادوا عليها وعاوزينها فى موضوع.
جميلة : خير يا ماما. فى اي يا بابا؟
الاب : بصى يا جميلة أنا صفيت شغلى هنا وحولت كل حاجه وكل شغلى على لندن. ولازم نسافر هناك فى أقرب وقت.
جميلة باستغراب شديد : اي؟ ازاى يبابا؟ ما انت عارف انى عندى امتحانات كمان اسبوعين.
الأب : عادى يا حبيبتى هستنى تخلصى امتحاناتك ونسافر.
الأم : وكمان يا جميلة دى فرصة كويسة يا حبيبتى تكملى دراستك هناك وتدخلى كلية هناك ده التعليم هناك جميل جدا واهو هنكون جمبك عشان متبقيش لوحدك.
جميلة : أيوه بس ازاى وصحابى هنا؟ وحلا؟ وبصراحة انا اتعودت على البيت والعيشة هنا وهيبقى صعب عليا انى اسافر.
الأب : يا حبيبتى لما تروحى هناك هتتعودى على العيشة زى هنا بالظبط متخافيش والبيت مش هيختلف كتير عن البيت هنا.
الأم : وكمان يا حبيبتى لو على صحابك تقدرى تتواصلى معاهم عن طريق النت وهناك هتقابلى ناس جديدة وتكونى صداقات جديدة ويبقى عندك صحاب ومش هتحسى انك غريبة هناك ولو عاوزه تشوفى حلا ممكن تبقى تبعتيلها تجيلك هناك تقعد معاكى يومين أو أنتى تروحيلها يومين.
الأب : أظن بقى معتش عندك حجة!
جميلة : أوك يا بابا اللى تشوفه.
طلعت جميلة على اوضتها وقررت تكلم حلا تقولها على الموضوع.
مسكت فونها بعتت ماسدج لحلا وهى بتقول : أنا هسافر لندن بعد الامتحانات.
حلا : 😳😳😱اي لندن مرة واحده ومن غيرى طب كنتى قولى عشان نقضى الاجازة سوا.
جميلة : أنا مش راحة أقضى اجازة انا مسافرة اعيش هناك علطول.
حلا : نعم؟ جميلة انتى اكيد بتهزرى! مسافرة تعيشى هناك ازاى وهتسيبينى هنا لوحدى يا جميلة!
جميلة : غصب عنى والله بس بابا حول شغله من مصر على لندن وهنضطر نروح معاه عشان ميبقاش لوحده بره ولا احنا نبقى لوحدنا هنا.
حلا : يعنى الكلام ده بجد كده ! خلاص يعنى معتش هشوفك بعد الامتحانات؟ 💔😭طب مين هيرخم عليا! مين هيهزقنى دايما 😞مين هحكيله يومى 😢😖مين هيكون معايا فى كل مشاكلى ويحلها.
جميلة : متقوليش كده هكلمك أكيد وهنطمن على بعض كل يوم وهنفضل اخبارنا نحكيها لبعض وهكلمك اكتر من دلوقتى كمان ومش هنساكى والله وكمان هبقى ابعتلك تجيلى يومين وانا اجيلك هنا يومين.
حلا : ماشى يا جميلة انا أهم حاجه عندى تكونى مبسوطة وبخير وربنا يوفقك فى اى مكان تروحيه يا رب. بس عارفة لو مكلمتنيش با جميلة والله هزعل منك 😖.
جميلة : وأنا مقدرش يا حلا أقعد يوم من غير ما اكلمك اصلا 😍.
حلا : ماشى يا حبيبتى 💛.
جميلة : تصبحى على خير يا لوليتى 💚.
حلا : وانتى من اهله يا روحي 💜.