الجميلة والفيزياء 🖤🖤

#الجميلة_والفيزياء #الفصل_الثانى

#الجميلة_والفيزياء
#الفصل_الثانى
حلا : ألووو.
مجهول : ازيك يا حلا عاملة اي...
حلا : أنا تمام الحمد لله. المهم قولى هتنزل مصر امتى ع الساعه كام.
مجهول : والله أنا ممكن أكون فى مطار القاهرة الساعه 3 العصر كده.
حلا : طيب انا هاجي ان شاء الله مع بابا عشان نجيبك من المطار..
مجهول : لأ ملوش لزوم أنا هاجى بالعربية بتاعتى وخلاص مع واحد صاحبى.
حلا : خلاص اللى تشوفه. توصل بالسلامة ان شاء الله وابقى طمنى عليك.
مجهول : حاضر ان شاء الله.سلام.
حلا : سلام.
حلا : يا بابا عمر بيقولك أنه هيجى مع واحد صاحبه من المطار على هنا متتعبش نفسك بقى وتروح.
الأب : هو انتى كلمتيه ؟
حلا : أيوه لسه قافل معايا دلوقتى.
الأب : ماشى يا حبيبتى. إلا يعنى كنتى بتسألى على ميعاد رجوع عمر ابن عمك من السفر ليه؟
حلا : عاوزاه فى موضوع كده يبابا لما يوصل بالسلامة ان شاء الله هقولك وأقوله على الموضوع.
الأب : ماشى يا بنتى. أنا طالع المكتب بقى أخلص شوية شغل (أبو حلا عنده شركة كبيرة لاستيراد السيارات من خارج مصر )
حلا : أوك يبابا.
                             ***فلاش باك ***
حلا : اي ياجميلة انتى انصدمتى كده ليه هو أنا قولتلك هجيبلك غوريلا 🦍😂
جميلة : هزرى هزرى 😒
حلا : فيها أي يعنى ياجميلة المدرس مش عاجبك ليه هو انتى لسه جربتى شرحه؟ 🤔
جميلة : من غير ما أجرب شرحه مش هينفع اصلا أفهم حاجه من مدرس أنا مش طايقاه 😏.
حلا : جميلة انتى لازم تجربى شرحه الأول لو معجبكيش خلاص يبقى معاكى الحق ترفضى وبعدين احنا لسه هنتنك على اي؟ معتش وقت خلاص لسه 3 اسابيع بالعدد مينفعش نضيعهم عشان أنتى مش طايقة المدرس.
جميلة : خلاص اقفلى دلوقتى هروح أنام واصحى وابقى افكر بقى فى الموضوع ده.
حلا : ماشى سلام بس متطوليش فى التفكير عشان اعرف اظبطلك الدنيا.
جميلة : حاضر سلام.
              & & نرجع تانى لعمر وصاحبه فى المطار & &
(عمر ده خريج كلية هندسة وخلص الكلية وسافر بره يشتغل فى شركة باباه فى برلين عاصمة ألمانيا )
صاحب عمر : إي يعم الغيبة دى سنتين كاملين بره مصر وأنا مش عارف اوصلك ولا اعرف اخبارك حتى 😑.
عمر : أعمل اي يعم بس الشغل هناك كله عليا باعتبارى أحسن مهندس هناك 😎.
صاحبه : أيوه بقى يعم الله يسهله عايش أنت حياتك فى بلد نضيفة وشغل كويس حتى مع ناس كويسة مش الأشكال اللي أنا بشوفها كل يوم دى 😂🤦🏻‍♂️.
عمر : يعم اسكت والله وحشنى جو البلد هنا وصحابى وأهلى وحشنى كل حاجه هناك برغم انى بقى ليا صحاب هناك بس حاسس نفسى غريب زى السمكة اللى طلعت من البحر راحت النهر هى عايشة بس مش مرتاحة لأن ده مش مكانها.
صاحبه : معاك حق. بس اي الحلاوة دى بلاد بره نضفتك وخليتك شكل الأجانب 😌.
عمر : قصدك أي. هو أنا مكنتش بستحمى ولا أى 😒😂
صاحبه : لأ مقصدش أنت طول عمرك قمر وبرنس فى نفسك 🌚😎.
عمر : ماشى يسيدى هصدقك 😏.
عمر وصل البيت وحط الشنط وسلم على ابوه وأمه وطلع يرتاح شوية فى غرفته.
جه الليل وعمر اخد شنطة فيها حاجات حلا طلبتها منه وهو جاى من السفر وراح فى طريقه لبيت عمه يسلم عليه ويشوف حلا ويديها الشنطة.
أبو حلا : عمر! ازيك واحشنى يبنى فينك كل ده؟
عمر : معلش يعم والله غصب عنى ظروف الشغل بقى وكده.
وفى اللحظة دى سمعت حلا صوت عمر نزلت فورا من اوضتها وسلمت عليه وقعدوا زى قعده عائلية كده يهزروا ويضحكوا سوا وعمر قعد يحكيلهم عن شغله فى برلين.
عمر : خدى يا ستى أدى الحاجات اللى أنتى طلبتيها يكش يطمر بس وتبطلى دلعك البايخ ليا ده 🤦🏻‍♂️.
حلا : الله حلوين أوى شكرا جدا يا مووووووررى (قالتها باستفزاز لأن عمر مش بيحب الدلع ده 😂 ).
عمر : طب اشهد انت يعمى بذمتك فى واحده لسه طفلة زى بنتك تكلم مهندس محترم له هيبة بالطريقة دى وتقوله يا مورى 😏.
حلا : يا عمر أنت متضايق ليه بس ده حتى الأسم حلو عليك 😉😂
عمر : بقولك اى الدلع ده للعيال التوتو🙄 وأنا مليش فى الكلام ده 😒
حلا : خلاص ماشى. بقولك بقى كنت عاوزاك فى موضوع!
عمر : موضوع اي؟ يساتر يا رب! حلا أنتى كويسة! معقول هتتكلمى معايا فى حاجه جد من غير هزار؟ 🤔😕
حلا : هههههه لو عاوزنى اهزر ههزر 😂
عمر : لأ خلاص يستى يا ريتنى ما سألت. ها كنتى عاوزه اي؟
حلا : مش أنت برده خريج كلية هندسة. وكنت بتجيب امتياز كل سنة وبتحب شغلك وكمان كنت مقفل مادة الفيزياء فى ثانوى؟
عمر : ايوه يا ستى (عمر بيحط رجل على رجل وهو بيبصلها كده بكبرياء) بس مش بحب اتكلم عن نفسى كتير ✋😎.
حلا : طيب لو قولتلك ان فى حد محتاج خدمة من ذكائك وتفوقك ده هتوافق؟
عمر : يعنى اي مش فاهم! 🤔
حلا : بإختصار فى واحده صاحبتى أوى زى اختى وأنت تعرفها عاوزه انك تديلها درس فى مادة الفيزياء بما إنك ناوى تقعد هنا سنة وتسافر تانى.
عمر : بس انتى عارفة انا جاى هنا أشتغل مش فاضى🤷🏻‍♂️.
حلا : ماشى وفيها اي لما تديلها درس فى أى وقت أنت فاضى فيه. عشان خاطرى يعمر أنا عشمتها أنى هجيبلها مدرس حلو عشان الامتحان كمان 3 اسابيع وهى مش فاهمه حاجه فى الفيزياء 😢.
عمر : حاضر يستى طالما 3 اسابيع بس عشان خاطرك.
حلا : ميرسى أوى يعمر مش عارفة اقولك اي 🤗.
عمر : احم لأ عادى ادينا بنضحى عشانكم اهو 😂😌.
حلا : ماشى يعمر طول عمرك قلبك طيب 😍.
عمر : بس مين بقى صاحبتك دى وكمان اعرفها منين؟ 🤔
حلا : أيوه صحيح نسيت أقولك صاحبتى دى تبقى جميلة أنت تعرفها. كنا بنلعب سوا واحنا صغيرين وانت كنت بتقعد تهزر معانا عندنا هنا فى البيت وكنت بتقعد كمان تزعقلنا لما نروح نلعب فى اوضتك. فاكر؟
عمر : اي انتى بتتكلمى بجد لأ طبعا. جميلة إي اللى اديلها درس! لأ يا حلا معلش اعفينى. أى صاحبة تانية أوك. لكن جميلة لأ.
حلا : ليه بس فى اي لكل ده. ده انا افتكرتك هتفرح لأنك عارفها.
عمر : آسف يأ حلا أنا قولت اللى عندى. أنا مضطر اقوم امشى بقى عشان اتأخرت.
حلا : يا ترى حصل اي بينهم خلاهم هما الاتنين مش طايقين بعض كده؟
أكيد أنت أيها القارئ بتسأل نفس سؤال حلا دلوقتى ✋
لو عاوز تعرف سبب أن عمر وجميلة مش طايقين بعض استنوا الفصل الثالث 😉💚💚
رأيكم يجماعة!؟ 🤷🏻‍♀️🙃