تم التعديل
بقلم زهرة ايلول
وميض راح افاتح اهلي بالموضوع اقصد الخطوبه
ايناس اي عادي فاتحهم
وميض صبح احجي ويه الحجي وتفق ويا وعود انطيج خبر
ايناس اوكي يله خلي اغير ملابسي
وميض انتي ماكو عندج غير بس اغير ملابسي عندي طلعه
ايناس اهو وميض شبيك جايه تعبانه
وميض يله غيري اوف من كلبي دائما يحب لي يتعبه
ايناس اني استاهل يله باي قبلاتي لك
وميض مااحب الشفهي قبلاتي لازم كلهن تحريري
ايناس يله روح لاتلح باي
وميض لاتلح وباي بسيطه تعاي باجر عود هم غلسي لو طلعي سفره حفله ماكو
ايناس والله عاد لحد الان ماكو شي الله لو صبح وتجيني طلعه عاد انت اعذرني ماافوتها
وميض عليج الله هذا رد تردي عليه معقوله ماتشتاقين لي تعاي اني صبح عندي شغله لضهر وارجع موتجين قبلي وربع ساعه ودكولين صار هواي من جيتكم
ايناس يله اريد اغير ملابسي
وميض يله اخذي راحتج باي دخلت سبحت ونمت صبح كعدت عندي شغله نزلت لكيت الحجي والحجيه يتريكون صباح الخير ردو عليه الصباح
الحجي شعجب كاعد دوام انت موكلت مجاز
وميض عندي شغله اسويها الولد صديقي ورجع مااتاخر
الحجي ها اي مابيها شي
وميض حجي مادام انت والحجيه كاعدين اريد اخطب
الحجيه اي ياالله
الحجي اي ابني اني من البارحه كتلك منو هي
وميض حجي ايناس بنت عمي
الحجيه اي بيها الخير ايناس من عدنه وبينه
وميض ها حجي شو ساكت
الحجي مااعرف شكول لك البنيه بتنه بس مومن طبعنه وانت يراد لك وحده معدله وايناس كلاص مي لنفسها مجيب ياكال اضافيري ياشعري ومن غير صبغ وجها ماتعرفها مزوجه وله بنت ياابني صح هذا شي مطلوب بكل مره بس انت دور نظافه اكل مرتب زوجه ترجع من دوامك تستقبلك ايناس راح تكدر على مسؤوليه بيت وزوج واطفال بالمستقبل بنت اخويه هي موغريبه اعرفها مثل مااعرفك
وميض حجي كل وحده وره زواج تتغير وشي اكيد تاخذ طبعنه خو مو ظل نفس حياتها بيت اهلها
الحجي مااعرف اني مامقتنع بس دام انت مقتنع بيها راح نتوكل على الله انت مو صغير وتعرف تصرف خو مااظل اني اعلمك وحتى لادكول الحجي ياهو لي اريدها مايوافق عليها شوف الوقت لي يناسبك ونطيني خبر ونطي خبر لخوانك هم اتصل بيهم
