تم تعديل
بقلم زهرة ايلول ٥
الحجي لا مانسيك فكر واخذ وقتك
وميض طلع الحجي واني اضحك والله حجي مالكيت غير سجى دخلت علياء
علياء هاي شبيك توزع ابتسامات
وميض تعاي شوفي الحجي جايبلي عروس ولو تعرفين منو هههههههه
علياء اي شكو عاد الحجي له وجهة نضر بل انسان
وميض تدرين منو سجى
علياء اي ادري وشبيها تره محملها هواي
وميض سمعتي
علياء لا امي هسه كالت لي
وميض مبين طابخيها
علياء بس الحجي مسولف ويه امي وكايله له اي مابيها شي بنيه مربايه وحبابه وتربات ايدنه كول لوميض
وميض صدك يحجون 😳
علياء تريد صدوك هي الوحيده لي اشوفها تناسبك
وميض هاي الثانيه صدك انتي علمود لا يوميا تجين على الحجيه وطلباتها
علياء هيج شايفني متعاجزه من امي تره اني ناويه اخذها يمي وهسه كلت لها صح يمكن انت شايف نفسك مامفكر بيها لهذا عبالك اني مثلك صدمني تفكيرك بيه
وكولك شي سجى احبها مثل بنتي واذا تجي تنضف هنا هذا فضل منها ماانسى طول عمري لن نوبات مااكدر اجي وكولك نوبات اجي بدل علا اني اكولها ضلي اني اروح بدالج لو اريد مثل مدكول جان اتصل على سجى
وفضها وشوف من كتلك شبيها سجى الله يشهد مالي غايه اني توني سمعت يعني قبلها ماادري وهي فعلا مابيها اي عيب وتناسبك واني قبلها بالي اخذها لواحد من ولدي مو لن ام بيت ونادره لا لن اهم شي عندي اخلاقها بس لن بعدهم جامعه وهي مدرسه تهاونت بس امي من كالت لوميض فرحت اكثر عبالك اخذتها لي جنه وميض اني اكبر منك وكولك فتح
عينك زين مو كلشي لشوفه يلمع ذهب احنه نسوان ونعرف شيصير بالبيوت ولا نكدر نسولف لكم كل شي يصير ولا عبالك نصدك كل لي ينحجي لا احنه نشوف بعيونه ونسمع باذانه صح اكو مايخافن من الله يزيدن وينقصن بس احنه نخاف الله وانت اخويه واعرف شنو لي ينفعك ولي يضرك ودام هيج تفكيرك بيه اني من ناحيتي ماادخل باي شي لك لاقريب ولا بعيد يله اني اروح تعطلت مع سلامه
وميض اوكفي اكلتيني وشربتيني على كلمه مااقصد شي بيها
علياء قاصد واذا ماقاصد انت براحتك 😔
وميض هاي كلها علمود الاميره ديانه تعاي حضنتها اوكفي اعذريني الحجي صدمني معرفت شنو كلت توني احجي على سجاد شو نكلبت عليه اني اسف علياء
علياء ماكو داعي للا اسف هاي حياتك وانت حر
وميض بعدج زعلانه والله
