تم التعديل
بقلم زهرة ايلول
سجى اقصد بيت اهلي
وميض ليش بيت اهلج
سجى ملابسي غراضي هناك شنو نسيت
وميض اي نروح نجيبهن هم ولادكولين يومين وهاي سوالف
سجى سكتت يله هذا شكول له رحنه بيت اهلي خطيه ابن سهير موجود بعد مارجع اني كتله ضل وميض من شافه حس انو جنت ناويه اضل بيتنه دخلت بسرعه اخذت لي احتاجه
وميض كوم يمنه لاتضل وحدك بالبيت ميصير شباب هل وكت مو امان
سجى قبل كم يوم كلت مبين عاقل عوفه ماعليه شي من ناحيته امن ترى يخاف منك ابن سهير يضحك وكال لا ارجع البيتنه مشتاق ل اهلي من هيج كال وميض خرب ضحك رحنه
وصلنا ورجعنه اول مدخلت ذكرت ايامي كلها البيت نفسه مامتغير شي منه اول يوم دخلت عروس وضحك خالو الله يرحمه والحجيه والبنات ايامي الحلوه كلها مرت عبالك فلم اباوع ونهايته حزينه نزلت دمعت عيني بسرعه
مسحتها دخل وميض غراضي دخلت لصاله نفسها رتبت غراضي بغرفه الحجيه محبيت اصعد غرفتي رغم بعدها بس مقفوله حتى ملابسي عفتهن مااخذت من نفصلت تنازلت عن كل شي وهن بعدهن موجودات حتى ذهبي وميض قافل الغرفه محد يدخل لها
سويت عشاء لوميض اني ماشتهيت ونفسي متقبلت الاكل كلت لوميض راح انام بغرفه الحجيه انت وين تنام تريد افرش لك بصاله لو تصعد تنام بطابق الثاني
وميض ليش تنامين بغرفه الحجيه وغرفتنه
سجى اريد انام بغرفه الحجيه
وميض تمام روحي نامي
سجى يعني انت تصعد لغرفه
وميض عادي وين ماانام انام روحي نامي انتي
سجى تريد اجيب لك فراش هنا مرد عليه عفته ودخلت لغرفه مددت ضهري موتني وجع موطبعي شهريه هل مره المها موطبيعي طلعت غراضي دورت العلاج تخفيف الم ماكو نسيته ضل بيتنه شون نسيته
طلعت سويت هيل وفورته مي دافي شربته بس شويه الم خف اني شون نسيته وراها بدء يزيد دفيت نفسي مفاد ساعه ونفس الم دورت حبايه براسيتول اخذت وحده هم مفاد شفت نفسي بعد مااتحمل طلعت على وميض حتى نروح اجيب العلاج صحت عليه نايم بصاله رفع راسه من شافني بسرعه كعد
وميض شبيج ليش هيج وجهج
سجى وميض يحجي ويايه ثواني مو اكثر زاد الم بحيث مكدرت اضل واكفه وكعت على ارض وميض طفر من مكانه عليه
وميض شبيج شنو يوجعج شي
سجى مااكدر انطق من الم اول مرة هيج يصير كل مره خفيف واخذ حبايه بس هل مره حسيت نتهيت
وميض اوكفي اجيب سويج السياره اوديج مستشفى
سجى لا وين نروح هسه بهل ليل حضر تجوال
