بقلم زهرة ايلول
سجى اخذو مني عينه بس مكدرت انتضر اكولج علياء امشي نرجع كلبي كام يوجعني وجسمي كله يرجف بعد مااكدر اني جنت مرتاحه شجابني على هضيم
علياء والله هسه لو يجون يفحصوني اطلع اكثر منج خايفه انتضري هي عشر دقايق
سجى دقيقه مااضل عوفي مااريده
علياء ماارجع
سجى اني ارجع
علياء الله وياج روحي وبوسي وميض بدل عني
سجى عبالي تشاقه كلت هسه ورايه تجي بس وصلت البيت وهي ماكو المختبر قريب علينه كم فرع دخلت شفت وميض مانايم سال على علياء كتله هسه تجي
خلي اصب لك اكل
وميض اي صبي طلعنه لمطبخ سجى وكفت على طباخ واني مادري بنفسي مشيت طلعت وكفت باب البيت متوتر يمكن اكثر منهم رغم من رجعت سجى اعرف ميصير عدها وحتى راضي اذا مصار عدنه اعتبرها هي طفلتي مااريد اخسرها بس متلهف اكثر منهم مابينها مادري ليش طلعت نتبهت على نفسي اني ليش طلعت
شويه وشفت علياء جتي شكلها عادي بس باجيه مبينه بداخلي اكول الحمد لله على كل شي بس علياء وصلت لي يمي اشرت بالورقه وحركت شفايفها من فرحتها صوتها مطلع بس قريت شفافها كالت حامل
بوقتها جنت صافن عليها وهي دموعها عشره عشره اكول يمكن غلط قريت شفايفها بس مره ثانيه عادتها بصوتها واخيرا راح تصير بابا
وميض حامل حسيت دموعي نزلن
علياء اي الف الحمدلله وشكر وينها هاي الجبانه تعال اوكف بسته من خده وهو باسني من راسي تشوف على قدومه كل خير هو ساكت معرف شيكول دخلت واني احجي طلعت مثل مرتك ابو دميعه وصلت المطبخ
وسجى واكفه تصب اكل وتعض بشفتها تباوع عليه وميض دخل وصل يمها اخذ منها الماعون وخلا على سنك هي صافنه
وميض عوفج من الاكل تعاي لحضني
سجى سلبي مو وميض عرفت اني
وميض لا لا لا ايجابي
سجى لاتكذب
علياء جنت ناوي اروح البيتي ومااكول لج انتي بذات جبانه عفتيني ورجعتي وخري خلي ابشر امي ابجي ليش لازمتهن لدموعج
سجى ابجي وسال صدوك وميض اباوع هو هم يبجي
حضني ويكول اي هل مره صارت هل مره صارت لزم وجهي باوع بعيوني
وميض ليش ترجفين
سجى مرديت بهاي لحضه بين مصدكه وبين مجذبه عبالك بحلم بعد ماجنت فاقده الامل واتمنى بس احلم الحلم صار حقيقه وميض باسني من راسي ورجع على خدودي وعيوني ودموعنه اثنينه ماوكفن جتي علياء
علياء عيني راح نصيح لكم بيت ابو دمعه طلعتو واحد اضرب من ثاني
سجى ضحكنه وختلاطت دمعتنه ويه ضحكتنه سامعه بدموع الفرح بس مامجربتها بس هسه اني وميض دموعنه دموع فرح اول مره اجرب احساس رجفت الكلب دخلنه على الحجيه وهي تبجي وتصلي على محمد بوسنها وعلياء بعدها تخرط عليه جان يوم لحد هسه حافظين كل تفاصيله ونسولف بي
