بقلم زهرة ايلول
البارت ماقبل الاخير ٢٣
وِحٌيِّنِ أشٍتّأّقِ لَګ
أقِفِّ عٌنِدِ أَّّسمَګ طّوِيِّلَأّ
أتّأمَلَهِ بِشٍوِقِ وِګأنِنِيِّ أنِتّظّر مَنِهِ.. أنِ يِّحٌأّدِثّنِيِّ
الحجيه علياء كالت خاف نور بس ماطول انت متاكد
وميض خير ان شاء الله هسه اسأل وشوف اباوع على سجى رغم لابسه اسود على عمتي بس زايدها جمال نشغل بالي بالحلم
علياء ضلو عدنه باتو يمنه صار هواي ما ملتمين
وميض لاعيني اريد ارجع انام من وكت هنا ضلن سهرانات
علياء وانت شريد نام
وميض سجاوي متكدر تنام له بحضني
علياء اي فدوه مصدك نفسك تكعد ويانه وراها عود تنام بحضنك هنا روح نام يم امك يله كوم
وميض ولدج وين شو اختفو
علياء راحو بطابق الثاني كتلهم خواني هنا اليوم مااريد اشوفكم
وميض كومي فرشي لي اريد امدد
علياء روح بغرفتي
وميض وانتي وين تنامين
علياء يوو صار سنين تاركتها وسويت الغرفه لي بيها الحجيه اني والبنات روح رتاح
وميض تصبحون على خير
علياء وانت من اهل الخير ضلينه كاعدين شبعنه سوالف وضحك بعدها لكل نام ثاني يوم ودعنه علا وحماتها جانت عند اختها جايه هم تشوفها سجى ووميض رجعو تفقت اودي سجى دكتوره حجزت لها
رحنه جان اسمها ثاني وحده دخلنه لدكتوره سوت لها فحص وتحاليل طلع عدها لتهابات وبعد تحليل اسبوع تطلع بدت الدكتوره تحجي وتسال سجى
دكتوره ماما هذا العلاج تستمرين عليه لمده شهر شويه التهابات ورحمج نضيف وفقر دم قوي ليش هامله نفسج ولعلاج هذا قوي يراد له اكل عندج اطفال
سجى لا ماعندي
دكتوره صار شكد مزوجه
سجى اني جنت منفصله وهسه مصار هواي من رجعت لزوجي
دكتوره ان شاء الله المره الثانيه تجين فحص حمل
سجى من كالت هيج صفنت عليها معرفت شنو اكول بس علياء نطقت دكتوره سجى ميصير عدها اطفال
ياريت تشوفيها
دكتوره ليش شنو سبب يعني زوجها
علياء لا بس هي وبديت اسولف لدكتوره لي صار كلت بلكي تسويلنه شي علاج نعرف شنو لي يمنع
دكتوره سجى حسب الفحص هسه مابيها اي شي حتى سونار كلش زين ماشفت شي حتى يمكن هاي الفتره يصير حمل بس اشوف تحاليل بعد اسبوع لي طلبتهن زين شنو سبب بوقتها كالت لكم
