تم التعديل
بقلم زهرة ايلول بارت ١٨
تضن ناسـي ؟
وانه بكل زفه اشوفنك !
انه الما عاش من دونك
يمن عايش ولا چنك
وميض شنو يوميا تغير رجال هي ارمله اني راح اعقد خارج المحكمه وبعدها عود اسجله اريدج دكولين للحجيه
علياء وميض شتريد سوي روح سوي اني تعبت منك شايف كل خير بلكي حضك وياها يكعد انت ذابح نفسك على هاي شكولات وامي انت كلها اذا شوف نفسك مامسوي شي غلط واخوانك شنو مدكلهم عاد احترمهم
وميض كل مااريد منج توكفين لي
علياء قاطعته هو انت شغلاتك كلهن يفشلن اوكف لسجى لي لحد هسه من ادخل لبيت عمتي اخجل منهم ونوب من يشوفون يحطوني على راسهم اخجل بعد اكثر سوت بنفسك وبينه من وراء الحبجيات مالتك
وميض يله اني اروح اذا اضل نتعارك طلعت وبساع راحت اشوف بيت اجار قريب على المنطقه لكيت وتفقت على كل شي نور وامها جهزو خلال اسبوع كمل كل شي كل هذا بشهر ٢٠٠٣/٢/١قبل السقوط بشهر عقدت الحجيه عرفت مانطقت كلمه عرفتها مارضيه اخواني كالو لي تريده سوي انت ضايع وياك الحجي
بديت حياتي ويه نور كل شويه زعلانه وتعال صالح رغم هي غلطانه لازم اني اصالح ام نور تحاول تغطي على بنتها تعال وميض شوف نور طبخت اليوم لك
نور هلكت بتنضيف دكول انت تحب نضافه نور سوتلك هاي طبخه لخاطرك نور تعبانه نور مريضه على متكدر بدونك ونور ونور مر اربع اشهر على سقوط نظام جنت ملتهي بالوضع رحت اشوف نور بيومها عرفت امها تشتغل ويه الامريكان
وميض ليش امج تشتغل ويه الامريكان اني موفر لكم كل شي مقصر بشي رغم الوضع لي اني بي وحتى دوام ماكو بس كل لي تردو اجيبه لو بااخر الدنيا
نور لا مامقصر بس هي حره مالنه سلطه عليها
وميض واني شنو هنا انتو محسوبين عليه
نور وميض لاسوي سالفه علمود هيج شي وكتلك ماما حره هذه حياتها
وميض لا شوفي اكولها لج من الاخير امج تترك شغل وتكعد لاتفضحوني
نور لا متترك وانت معليك وشنو نفضحك شمسويه هي
وميض ضليت اجادل اني ونور ودخلت امها وهم مقبلت ضلت تحجي قبل لااطلع باعي نور لو اني لوشغل امج عفتها وطلعت وشهرين مادخلت البيت بس اودي مصرف وطلباتهم نور ضل تتوسل ادخل بس اني خيرتها لو اني لو امها
بعدها جتي نور عليه لبيت الحجي لحت ارجع ونتفاهم
باعي كتلج امج تترك شغلها واني انطيها الراتب
نور تعال ولي تريده يصير
وميض يله اريد اعرف امج شتريد دخلت سلمت وردت امها
ام نور باوع عيني وميض اني راح ارجع لبيتي وانت تصرف تريد ضل هنا انت ونور تريد ترجع لبيتي ويايه ماعندي مشكله
