تم التعديل
بقلم زهرة ايلول
١٦
همً تشتاگ!
هم تحجي
هم تتحسر وتبجي
هم الگلب يوجع بيك
وتذكرني من تمشي
يالباگوك من حضني
ومن عندي خذو كلشي
وصار الفرح ما ينشاف
وحزني ساكن برمشي 💔
❤️❤️❤️💔
امتحانات بعدها انفصلنه بوقتها ما حضرت اي جلسه جنت متاكد متكدر على فراكي ادريها تحبني ادري ابوها ونمير هم لي طلاكوها سمعت طلعت النتائج مال السادس بيومها انتضرت عبالك نتيجه لي عرفت من
علياء طلعت ناحجه دزيت لها هديه نجاحها بس رفضتها علا محبت تضغط عليها وراها عرفت طلع قبولها جامعه بغداد اكثر اخبارها اعرفها من انمار
علياء دائما احسها تريدني اني اسال عليه متسولف شي يخص سجى كدامي احسها قاريتني وتعاقبني اني احسها صعبه اسال لن بس انطق حرف تبدي تحجي وترزل بكل ضني سجى مراح تصبر على بعدي او غروري صورلي متكدر بدوني
سجى باجر اول يوم لي دوام خايفه ومرتبكه شعور ساعه حلو وساعه رعب شعور مااعرف اوصفه ابويه اجه يمي
الاب ها سجاوي مستعده الباجر
سجى اي بس متوتره
الاب اي عادي لن شي جديد بس هسه تتعرفين على صديقات جدد وتتعودين بس اريد منج كد الثقه لي نطيتها لج تعرفين المكان لي رايحه له بي اشكال الوان بي زين وبي شين لي رايده منج تاخذين حذر مااكولج اجنبي لكل لا بس السلام عليكم عليكم السلام
اختاري الصديقه لي نفس طبعج وعاملي ناس كلهم سوه يعني لاهذا فقير ولاهذا غنى كلنه ولد حواء وادم اعرفج انتي ماعندج تفرقه بس جلا من لايسهو واريد اطلب منج طلب ومااريد تتحسسين من الموضوع مااريد دكولين انتي منفصله
سجى ليش
الاب هو لاعيب ولاحرام بس بنتي ولد الحرام هواي مااحب تصيرين بموقف مو حلو لن المكان لي رايحه له تكثر بي الاقاويل لهذا مااريد احد يعرف وهسه انتي تشوفين وتعرفين اطباع الناس وتعرفين ليش هيج كلت لج
هسه كوليلي كملتي كل التحضيرات
سجى اي كل شي تمام كومه ملابس وغراض اشترولي البنات
الاب يله نامي وباجر اني اوصلج حتى تعرفين طريق بس اول اسبوع بعدها انتي ترحين وتجين
سجى نمت وكعدت لبست وابويه وصلني نزل ويايه وبدء يسولف على ايام دراسته شون جان ضل وياي لحد ما تعرفت على بنيه خطيه جايه وحدها ماعدها احد عمها مربيها يتيمه حبت ابويه دكول بي شبه من ابوها الله يرحمه ابويه عافني ورجع ضلينه كل
شويه تجي وحده نتعرف عليها مر اليوم واجه ابويه عليه الطريق كله اني احجي وابويه يضحك كتله دوختك مو
