كنت اظن انها النهاية (قيد التعديل)

💕الفصل السابع💕

كنت اظن انها النهاية
بقلم/نورهان موسى
الفصل السابع
💞 يارب يعجبكم 💞
فى مديرية الأمن وبتحديد في مكتب اللواء عدلى دلف ادهم ومازن
وادو التحية العسكرية
ادهم: صباح الخير يا فندم معاليك طلبتنا
اللواء:اتفضلو عشان الى عايزكم فيه مهم جدا
مهمة جديدة بس المرة دي غير اى مرة
المرة دي مافيا دولية ودلوقتي واحد من أعضائها هنا في مصر هو معاه الجنسية المصرية وجنسيات تانيه اسمه حامد السيوفى طبعا قدام الناس ده رجل اعمال عندها شركات فى دول كتير ده طبعا ستار لاعماله مع المافيا هو رجع مصر زى ما قولت رجوعو مصر ده خطر كبير
ادهم: طيب يا فندم عرفتو منين المعلومات دي ؟!
وفي نفس الوقت متقبضش عليه ليه
اللواء:لاسف مفيش حاجه تدينه وكل ما نحاول نزرع حد وسطيهم يتكشف ويكون مصيره الموت
مازن:طب واى المطلوب مننا دلوقتى يا فندم
اللواء: دلوقتى لزم حد محل ثقة يكون موجود بينهم والشخص ده ادهم
ادهم:ازاى يا فندم
اللواء: دلوقتى حامد بيغير طقم الحراسات بتاعه كل كام شهر ودلوقتي المفروض أن بعد اسبوع
هيغير طقم الحرس الجديد والى هيكون انت يا ادهم مع مازن وفريق تختاره
ودلوقتي ده الملف الى فيه كل الى هتحتاج تعرفه عن حامد السيوفى وكمان هتقابل المسؤول عن شركة الحراسات هو لواء متقاعد محل ثقة لينا
ادهم: تمام يا فندم كله هيكون جاهز بعد اذنك
••••••••••••••••••••••••••••••••••••••••••••••••••••
في شركة الشرقاوى للمقاولات دلفت السكرتيرة الخاصة بمكتب سيف إلى مكتب ايمان.
نهى السكرتيرة: صباح الخير يا فندم
ايمان: صباح النور خير يا نهى
نهى:يا فندم بشمهندس سيف لسه مجاش لحد دلوقتي وفى ورق مهم لزم امضاته عليه وانا مش عارفه اوصل ليه
ايمان: طيب اتفضلى انتى دلوقتى وانا هتصرف خرجت نهى وحاولت
ايمان الوصول إلى سيف وبعد عده محاولات تمكن من الوصول إليه
ايمان: سيف السلام عليكم
سيف: وعليكم السلام يا حبيبتى
ايمان:انت فين يا سيف مش المفروض تكون وصلت امبارح من الغردقة.
سيف:انا فعلا هنا في القاهرة حاليا بس بخلص شويه حاجات كده
ايمان: ماشي تمام بس حاول تيجي بسرعه لان في ورق مهم محتاج امضاتك وكمان الاجتماع مع الشركات التانية
سيف: حاضر ساعتين وهاجى
ايمان: تمام يا سيف ربنا معاك مع السلامة
سيف:مع السلامة يا حبيبتي
انهى سيف المكالمة مع ايمان دلف إلى غرفة شهد
سيف: انا اتكلمت مع الدكتور وقال ان ممكن تخرجى انهارده انا هاخدك الشقة الى قولتك عليها وهتكون معاكى واحدة تساعدك في كل الى هتحتاجية ودى شوية حاجات ليكى اجهزى وانا منتظرك برة
شهد:انا مش عارفه اقولك ايه آلى انت بتعمله معايا ده كتير اووى انا مش عارفه اشكرك ازاي
سيف:انا وعدك انى هساعدك لحد ما تلاقي اهلك وانا دايما بوفى بوعدى انا هطلع دلوقتى لحد ما تجهزى تمام
شهد: ماشي تمام
••••••••••••••••••••••••••••••••••••••••••••••••••••
فى المشفى الخاصة بجميلة انهت العمليات الجراحية
جميلة:اى كل العمليات دى انا مش قادرة خلاص
عبدالله بضحك:اى ده من اول يوم كده ده انا كنت فاكر نفسك طويل عن كده
جميلة:لا متخفش نفسى طويل ها بقى عندنا عمليات تانيه ولا اى
عبدالله:لا يا ستي خلصنا خلاص هو بس في دكتوره جديدة لزم نقابلها انهاردة
جميلة: طيب تمام
عبدالله:طب يلا تعالي الكافتيريا اعزمك على قهوه ونرجع تاني نشوف الدكتورة الجديدة
جميله:اوكى يلا
••••••••••••••••••••••••••••••••••••••••••••••
فى المكتب الخاص بادهم.
مازن :ها يا كبير هنعمل ايه دلوقتي
ادهم:هنجهز اكيد زى ما اتفقنا على اننا الحراس شخصين هنتعامل عادى ولزم نخلية يثق فينا الاول عشان نعرف ناخد كل المعلومات الى محتاجنها منه وبيعمل اى في مصر
مازن: تمام بس لزم نفهم باقي الفريق الدنيا هتمشى ازاى
ادهم: اكيد لزم نجتمع معاهم
مازن: تمام انا هجمعهم عشان نقولهم الخطة الى هتم باذن الله
ادهم : تمام اجمعهم يلا
••••••••••••••••••••••••••••••••••••••••••••
فى الجامعة التى يدرس بها عمر كان يقف مع اصدقائك 
حسام:بقى عمر بنفسه فى الجامعة لا يا جدعان ده حدث تاريخي
عمر:اعمل اى اخدنى معاه في العربية الصبح وجابنى زى العيال الصغيرة
وائل: طب وهتعمل اى يا كبير انت نسيت سفريه شرم ولا اى
عمر:لا طبعا منستش اكيد هلاقى حل انا طالع السفريه معاكو وش يا معلم
وائل:طب خد يا كبير روق على نفسك وسيبك من اخوك وتعالى نروح نسهرك سهرة حلوه كده تنسيك اى حاجه
عمر: تمام يا رجاله يلا بينا
••••••••••••••••••••••••••••••••••••••••••••
اخذ سيف شهد إلى الشقة الخاصة بها والتى اعجبت بها جدا
سيف:ها اى رايك في الشقه كويسه ولا فى حاجة ناقصة
شهد:لا كله تمام مفيش حاجه ناقصة دى حلوه اوى
سيف: تمام ودى تبقى امل الشغاله هتكون معاكى على طول لو احتاجتى حاجه هى موجودة متجهديش نفسك انتى لسه تعبانه وبنسبة لموضوع الشغل اول ما تتحسنى هتنزلى معايا الشغل على طول ودلوقتي ماشي
وده تلفون عليه رقمى متسجل لو عاوزه حاجه
انا هستاذن دلوقتى عشان متأخر على الشغل يلا سلام.
شهد: ماشي سلام
ونزل سيف وشهد كانت جواها فرحه داخلية وقلبها بيدق بسرعة بس كانت خايفه من الى جاى ويا ترى هيحصل معاها اى
••••••••••••••••••••••••••••••••••••••••••••
على جانب آخر فى المشفى عند جميلة كانت تتابع بعض الأوراق الهامة بالمشفى دق الباب ودلف شخص ما
البنت: مساء الخير يا دكتورة
جميلة:مساء النور مين حضرتك
البنت: انا الدكتورة ميرا حامد السيوفى
•••••••••••••••••••••••••••••••••••••••••••••
خلص الفصل اشوفكم على خير اتمنى يكون عجبكم ♥